სადაზღვევო კომპანია „პრაიმი“ მომხმარებელს ჯანმრთელობის განახლებულ დაზღვევას სთავაზობს. თუ რატომ არის კომპანიის ეს სერვისი უნიკალური და ინოვაციური, ამის შესახებ „პრაიმის“ სამედიცინო დაზღვევის მიმართულების ხელმძღვანელი, თაკო ფოლადაშვილი #OK!-ის ესაუბრა.
მოგვიყევით „პრაიმზე“. რა სახის სერვისებს სთავაზობთ მომხმარებელს?
„პრაიმი“ არის ევროპული ინვესტიციებით შექმნილი დასავლური სტანდარტის სადაზღვევო კომპანია. იგი ოპერირებს 2007 წლიდან სადაზღვევო ბაზარზე, 2018 წელს კი განახორციელა რებრენდინგი − ახალი სახელითა და ახალი ხედვით წარდგა უკვე მომხმარებლის წინაშე. ეს არის კომპანია, რომელიც თავის მომხმარებელს სთავაზობს როგორც სამედიცინო, ისე არასამედიცინო სადაზღვევო პროდუქტების მთლიან სპექტრს. ბრენდის პოზიციონირება მის გაბედულ სტრატეგიაშია, რაც ყველა მომხმარებლის ინტერესების მაქსიმალურად გათვალისწინებას გულისხმობს.
ვიცი, რომ გაქვთ ჯანმრთელობის განახლებული დაზღვევა…
წელს ჩვენი პრიორიტეტია განვავითაროთ ჯანმრთელობის დაზღვევის მიმართულება. ბაზარზე გამოვიტანეთ განახლებული პროდუქტი, რაც ნამდვილად უნიკალური და ინოვაციურია. მინიმუმამდეა დაყვანილი გამონაკლისები, შესაბამისად ფინანსდება დაზღვეულებისათვის საჭირო თითქმის ყველა სერვისი თუ მედიკამენტი.
უფრო დეტალურად გვესაუბრეთ ამის შესახებ.
ჩვენი პროდუქტის მთავარი ხიბლი და უპირატესობა არის ის, რომ ჯანმრთელობის დაზღვევა მორგებულია მომხმარებლის სურვილებსა და საჭიროებებზე. ბაზრის კვლევამ საშუალება მოგვცა ჩვენს პროდუქტში ზედმიწევნით სწორად აგვესახა ბაზარზე არსებული მოთხოვნები.
განახლდა არა მხოლოდ პროდუქტის შინაარსი, არამედ მომსახურების ხარისხი, რაც გულისხმობს თანამედროვე ტექნოლოგიების გამოყენებით ონლაინპლატფორმების შექმნას. მომხმარებელს აქვს პირადი პროფილი, რომლის მეშვეობით იღებს ინფორმაციას მისი მიმდინარე მომსახურების შესახებ (ექიმთან ჩაწერა, ანაზღაურების მიღება და ა.შ.), ეცნობა საკუთარ სამედიცინო დაზღვევის ისტორიას. ეს ყველაფერი ხორციელდება ჩვენს ოფისში მოუსვლელად, სატელეფონო ზარის განხორციელების გარეშე.
რა უპირატესობით სარგებლობს „პრაიმის“ დაზღვევა სხვა კონკურენტ კომპანიებთან მიმართებით?
ძალიან საინტერესო შეკითხვაა. რეალურად, საკმაოდ ბევრი სადაზღვევო კომპანია ოპერირებს ბაზარზე და მომხმარებლისთვის რთულია არჩევანი. პროდუქტის არჩევის დროს ბევრი რამეა გასათვალისწინებელი: სანდოობა, ცნობადობა, გამონაკლისები, რამდენად მოქნილი და ლოიალურია.
სწორედ ამიტომ მომხმარებელი დიდი დილემის წინაშე დგას. ჩვენი ერთ-ერთი უპირატესობა არის ის, რომ ჩვენთვის ყველა მომხმარებელი პრიორიტეტულია, განურჩევლად მისი სტატუსისა. შესაბამისად, ყველა იღებს გარანტირებულ მაღალი ხარისხის მომსახურებას. ჩვენი უპირატესობაა ისიც, რომ „პრაიმის“ მომხმარებლებს ეყოლებათ პერსონალური სერვისმენეჯერი, რომელიც მათ დაზღვევის განმავლობაში გაუმარტივებს მომსახურების მიღებას. „პრაიმმა“ გადაწყვიტა, იყოს პირველი სადაზღვევო კომპანია, რომელიც მომხმარებლისთვის იქნება არა მარტო მყარი და სტაბილური პარტნიორი, არამედ მეგობარი.
რა ღირებულებებს აერთიანებს „პრაიმი“?
ჩვენი კომპანიის ერთ-ერთი მთავარი ღირებულებაა გუნდის პროფესიონალი თანამშრომლებით დაკომპლექტება. კვალიფიციური და მოტივირებული კადრი არის ჩვენი პრიორიტეტი. მუდმივი სიახლეებისკენ სწრაფვა, განვითარება, თანამედროვე ტენდენციების დანერგვა, ადამიანებთან კომუნიკაციის სიყვარული, მომხმარებლების უკუკავშირის გათვალისწინება – ესაა ჯაჭვი რომელსაც პოზიტიურ და კმაყოფილ მომხმარებლებამდე მივყავართ. „პრაიმის“ მთავარ განმასხვავებელ ფაქტორს წარმოადგენს გულწრფელი ურთიერთობა მომხმარებელთან, რაც იწვევს სანდოობას და გრძელვადიან პერსპექტივაში თანამშრომლობას. ეს ყველაფერი კი არის მაქსიმალურად მომხმარებელზე მორგებული, რათა ადამიანებმა თავი მშვიდად და კომფორტულად იგრძნონ.
კომპანიის მთავარი მიზანი არის…
კმაყოფილი მომხმარებელი ჩვენი მთავარი მიზანია. ამ წლების განმავლობაში შევიძინეთ ბევრი ასეთი მომხმარებელი და ვგეგმავთ ამ რაოდენობის გაზრდას. „პრაიმი“ ეცდება ახალი სიტყვა თქვას სადაზღვევო ბაზარზე, განსაკუთრებით ჯანმრთელობის დაზღვევის მიმართულებით.
ტექსტი: სოფიო მალანია
ფოტო: ალექსეი სეროვი
