კათოლიკური ეკლესიის მეთაურის ფრანცისკეს (ხორხე მარიო ბერგოლიო) ცხედარი ვატიკანში, წმინდა პეტრეს ბაზილიკაში დაასვენეს.
როგორ დაკრძალავენ პაპს?
პაპს დაკრძალავენ შაბათს, 26 აპრილს, 10:00 საათზე. მანამდე ის წმინდა პეტრეს ტაძარში იქნება დასვენებული.
პილიგრიმები მთელი მსოფლიოდან ჩამოდიან, რათა პაპს გამოემშვიდობონ. ასევე ცნობილი გახდა, რომ ფრანცისკე იქნება პირველი პაპი, რომელიც ვატიკანის გარეთ დაიკრძალება. ის Santa Maria Maggiore-ს ტაძარში იქნება დაკრძალული. რომის ოთხი მთავარი პაპური ბაზილიკიდან ერთ-ერთში.
როგორც წესი, პაპის დაკრძალვა ტრადიციულად დიდებულად ტარდებოდა, თუმცა პაპმა ფრანცისკემ გარდაცვალებამდე ახალი წესები დაამტკიცა. პაპებს სამმაგი კუბოთი მარხავდნენ: კიპარისის, ტყვიისა და მუხისგან დამზადებული კუბოებით. პაპმა ფრანცისკემ კი გადაწყვიტა, რომ მისი კუბო იყოს უბრალო ხის, თუთიის საფარით. ასევე გაუქმდა ტრადიცია, რომლის მიხედვითაც პაპის ცხედარს დაასვენებდნენ წმინდა პეტრეს ბაზილიკაში, ამაღლებულ პლატფორმაზე, რომელსაც კატაფალკი ეწოდება.
ვინ დაესწრება მის დაკრძალვას?
დაკრძალვას დაესწრება მსოფლიოს ათეულობით ლიდერი და რელიგიური მოღვაწე, ასევე ათასობით მორწმუნე. ცნობილია, რომ დაკრძალვაზე დასწრებას გეგმავენ დიდი ბრიტანეთის პრემიერ-მინისტრი სერ კეირ სტარმერი, აშშ-ის პრეზიდენტი დონალდ ტრამპი, უკრაინის პრეზიდენტი ვოლოდიმირ ზელენსკი, საფრანგეთის პრეზიდენტი ემანუელ მაკრონი და ევროკომისიის პრეზიდენტი ურსულა ფონ დერ ლაიენი. მეფე ჩარლზის სახელით დაკრძალვას დაესწრება უელსის პრინცი.
ვრცლად იხილეთ:
#OK! პაპის კონკლავი ახლოვდება! რა მოხდება პაპის გარდაცვალების შემდეგ?
