სილამაზის ცენტრ „ორქიდეას“ მიზანი თავიდანვე მომხმარებლებისთვის ერთ სივრცეში ყველა საჭირო პროცედურის ხარისხიანად შეთავაზება იყო. ეს არის სივრცე, სადაც თქვენს სილამაზეზე გამოცდილი ადამიანები ზრუნავენ. ცენტრის უპირატესობასა და მიზნებზე ჟურნალი OK! დამფუძნებელს − სუზანა იაკობიშვილს ესაუბრა.
გაგვეცანით და გვიამბეთ, როგორია სილამაზის ცენტრ „ორქიდეას“ შექმნის ისტორია?
16 წლის ასაკში დავინტერესდი სილამაზის სფეროთი და დავიწყე სტილისტად მუშაობა. ახლა უკვე 20-წლიანი გამოცდილება მაქვს. რა თქმა უნდა, იყო სირთულეები, თუმცა შრომით, ოჯახისა და მეგობრების მხარდაჭერით, ყველა დაბრკოლება გადავლახე. ამ ყველაფერმა გაცილებით მოტივირებული გამხადა. ამ დროის განმავლობაში ვმუშაობდი ჩემს თავზე, ვიყავი ორიენტირებული, რომ უფრო მეტად განვვითარებულიყავი პროფესიულად. როდესაც დამიგროვდა გამოცდილება, დავიწყე ფიქრი საკუთარ სილამაზის ცენტრზე.
მნიშვნელოვანია, რომ მომხმარებელი გენდობოდეს, ნდობა კი გამოცდილებას მოაქვს. მინდოდა საზოგადოებისათვის შემეთავაზებინა ხარისხიანი მომსახურება და კომფორტული გარემო. სილამაზის ცენტრი „ორქიდეა“ არის ადგილი, სადაც ხარისხი ფასზე მაღალია.
რა სახის პროცედურებს სთავაზობთ საზოგადოებას?
ჩვენი ცენტრი გამორჩეულია იმით, რომ აქ, ერთ სივრცეში გავაერთიანეთ ბევრი პროცედურა. ამით შევეცადეთ მომხმარებლისთვის შეგვექმნა კომფორტი. თქვენ შეგიძლიათ შემდეგი პროცედურების ჩატარება: კოსმეტოლოგია (ყველა სახის ინიექცია), თმის მოვლა, სტილისტური მომსახურება, ფრჩხილის მოვლა, მასაჟი, სოლარიუმი, ტატუ, პირსინგი და ლაზერული ეპილაცია − ორიგინალი Soprano platinum აპარატით.
გვესაუბრეთ სპეციალისტებზე.
საკმაოდ რთულია პროფესიონალი კადრის პოვნა, თუმცა თამამად შემიძლია ვთქვა, რომ აქ მომუშავე თითოეული ადამიანი თავისი საქმის პროფესიონალია. მათთვის ხარისხი და კმაყოფილი მომხმარებელი პრიორიტეტია.
წარმატების თქვენეული ფორმულა…
წარმატება დიდი შრომის შედეგია, როცა გულით აკეთებ იმას, რაც გიყვარს.
როგორ შეაფასებდით 2022 წელს?
ეს იყო ჩემი ოცნებების ასრულების წელი. მადლიერების გრძნობა მაქვს ყველა იმ ადამიანის მიმართ, ვისაც ჩემი სჯეროდა და ჩემ გვერდით იდგა, განსაკუთრებით ჩემს მეუღლეს − გუგა იაკობიშვილს.
როგორია თქვენი სამომავლო გეგმები?
როგორც უკვე აღვნიშნე, გზა, რომელიც დღემდე გავიარე, მარტივი არ ყოფილა. ჩემი საქმის სიყვარული და კმაყოფილი მომხმარებელი უდიდესი მოტივაციაა. „ორქიდეიდან“ წასული თითოეული ადამიანი კმაყოფილი და უფრო მეტად თავდაჯერებულია. სწორედ ამ ადამიანებს ვპირდები სიახლეებს. ასევე, ვფიქრობ, სხვადასხვა ქალაქში ფილიალების დამატებას.
საახალწლო სურვილები…
მშვიდობა და სიმშვიდე ქვეყანაში. ბედნიერებისა და წარმატების მომტანი იყოს 2023 წელი ყველასთვის.
მის: ბერი გაბრიელ სალოსის N21
ტელ: 591 87 27 27
FB: https://www.facebook.com/OrchideeBStyle?mibextid=LQQJ4d
