„ოპტიკის სამყარო“ 20 წელზე მეტია წარმატებით ოპერირებს ბაზარზე. კომპანია გთავაზობთ მზისა და ოპტიკური სათვალეების, ფერადი და კონტაქტური ლინზების, ლინზის შესანახი ხსნარებისა და სათვალის აქსესუარების ფართო არჩევანს. სათვალის დამზადება ხდება უახლესი თაობის იაპონური ციფრული აპარატურით, რაც განაპირობებს კონკურენტუნარიანობას და ბევრ კმაყოფილ მომხმარებელს. მნიშვნელოვანია, რომ „ოპტიკის სამყარო“-ში შეგიძლიათ პროფესიონალი ექიმებისგან კონსულტაციის მიღება და დიაგნოზის დასმა. დღეს „ოპტიკის სამყაროს“ ოფთალმოლოგი, საქართველოს და ახალგაზრდა ოფთალმოლოგთა ასოციაციის წევრი – ანი მიქელაძე გაგვიზიარებს რჩევებს, თუ როგორ დავიცვათ თვალები მზის ალერგიისგან.
ამ სეზონზე ყველაზე ხშირად რა ჩივილებით მოგმართავენ პაციენტები?
ანი მიქელაძე: გაზაფხული-ზაფხულის სეზონზე ინსოლაცია ხანგრძლივდება. ადამიანებს შეხება აქვთ სხვადასხვა ტიპის ალერგენებთან, იმატებს ფიზიკური აქტივობა და დატვირთვა. ეს ყველაფერი კი აისახება თვალებზეც. წლის ამ სეზონზე პაციენტების მომართვიანობის ხშირი მიზეზია – მზეზე თვალების წვა, ქავილი, სიწითლე, უცხო სხეულის შეგრძნება, ცრემლმდენა ჩირქოვანი გამონადენის გარეშე, ეს სიმპტომები კი მიუთითებს მზის ალერგიაზე.
როგორ დავიცვათ თავი მზის ალერგიისგან?
მარტივი რეკომენდაციების შესრულებით შეგვიძლია შევიმსუბუქოთ დისკომფორტი, რაც თან ახლავს მზის ალერგიას. პირველი და უმთავრესია, მოვარიდოთ თვალები მზის პირდაპირ სხივებს.
გამოვიყენოთ მზის სათვალე (ოპტიკური მინა, კონტაქტური ლინზა), რომლის დაცვის ხარისხიც იქნება საშუალო ან მაღალი ფილტრით. საქართველოს პირობებში რეკომენდებულია UV400 და მეტი დაცვა.
რა დაზიანება შეიძლება გამოიწვიოს ულტრაიისფერმა სხივმა?
ეს არის ერთ-ერთი მთავარი საფრთხე ზაფხულის პერიოდში ჩვენი თვალებისთვის. ულტრაიისფერი გამოსხივება შედგება სამი სხვადასხვა სპექტრისგან UV-A, UV-B, UV-C.
UV-A სხივმა შეიძლება დააზიანოს ბადურა, ეს გამოსხივება იწვევს ფოტორეცეპტორების დაზიანებას. UV-B სხივმა შესაძლოა გამოიწვიოს როგორც კანის დამწვრობა, ასევე თვალის და მისი სტრუქტურების. UV-C კი არ აღწევს დედამიწის ზედაპირს, რადგან ის დაბლოკილია ატმოსფეროში ოზონის შრის მიერ.
მნიშვნელოვანია, რომ ზაფხულში უმთავრეს აქსესუარად გამოიყენოთ მზის სათვალე, „ოპტიკის სამყაროში“ მაღალი UV დაცვის სათვალეები წარმოდგენილია ექსკლუზიური ბრენდის GOGELI-ს სახით.
GOGELI მზის და ოპტიკური სათვალეების ახალი ქართული ბრენდია, რომელიც უზრუნველყოფს თვალების 100%-ით დაცვას ულტრაიისფერი სხივებისგან, ბლოკავს როგორც UV-A, ასევე UV-B სხივებს, რაც განპირობებულია UV 400 ფილტრით. აქედან გამომდინარე, GOGELI-ს მზის სათვალეებში თავი შეგიძლიათ დაცულად იგრძნოთ.
როგორ ხდება მზის ალერგიის დიაგნოსტირება ოპტიკის სამყაროში?
„ოპტიკის სამყაროში“ ტარდება ყველა ის რუტინული კვლევა უახლესი თაობის აპარატურით, რომელთა საფუძველზე ხდება თვალის დაავადებებისა და პათოლოგიების დიაგნოსტირება, ასევე მკურნალობის მეთოდის შერჩევა საერთაშორისო სტანდარტების შესაბამისად.
ფოტო: ალექსეი სეროვი
