პროფესიით იურისტმა – ნინო ჩანტლაძემ და მოქანდაკე – მარიამ შევარდნაძემ ერთმანეთი თბილისში გაიცნეს. ეს ორი ადამიანი ქართული სამზარეულოს სიყვარულმა გააერთიანა. მათ საკუთარი რესტორნის გახსნის ოცნება დუბაიში განახორციელეს. ვინტაჟურ სტილში შექმნილი ქართული რესტორანი ,,Qartuli’’ 2024 წლის იანვარში გაიხსნა და მოახერხა საქართველოს მდიდარი გემოები მიეტანა არაბეთის გაერთიანებულ საამიროებში.
Qartuli – ეს არის უნიკალური სამზარეულო, რომელიც სტუმრებს სთავაზობს საუკუნეების კულინარიულ გამოცდილებას. აქ წარმოდგენილია ისეთი კლასიკური კერძები, როგორიცაა ხინკალი, ხაჭაპური, ჩქმერული, ხარჩო, ჩაქაფული და სხვ. რესტორნის სივრცეში მე-19 საუკუნის ქართული სახლის ატმოსფერო იგრძნობა, რომელიც კარგად ერწყმის დუბაისთის დამახასიათბელ ენერგიულ გარემოს, რაც ქმნის უნიკალურ და განსხვავებულ კულინარიულ კერას.
დუბაიში დიდი წარმატების შემდეგ Qartuli Authentic Georgian Restaurant-ის დამფუძნებლებმა ახალი პროექტის – Qartuli Travels, სამოგზაურო სერიის შექმნა გადაწყვიტეს.
მარიამი და ნინო საქართველოს გარშემო მოგზაურობენ და მათი ქვეყნის მდიდარი ისტორიისა და კულტურის მეშვეობით კულინარიულ მარგალიტებს, გემრიელ ტრადიციულ კერძებს და Qartuli-ის ფესვებს წარმოგიდგენენ.
Qartuli Travels-ის საინტერესო ვიდეოების სერია მაყურებლებს სთავაზობს ექსკლუზიურ ხედვას საქართველოს რეგიონებზე, სადაც გეოგრაფია, ქართული სანელებლების სურნელის ფონზე შეზავებულია ტრადიციულ მასპინძლობასთან და საქართველოს წარმოაჩენს თავისი მრავალფეროვანი კულინარიული გამოცდილებით.
შეგიძლიათ ნინოსა და მარიამთან ეწვიოთ ისეთ ცნობილ ადგილებს, როგორიცაა თბილისი, ქვემო ქართლი, კახეთი, მთიულეთი, იმერეთი, გუდაური, ბათუმი და კიდევ ძალიან ბევრ თავიდან აღმოსაჩენ საოცარ ადგილს. მოგზაურობისას, გოგონები თქვენთან ერთად გაეცნობიან თითოეული ადგილმდებარეობის მდიდარ ისტორიას და ფერადოვან კულტურას, ერთად აღმოაჩენთ ისეთ ადგილებს, რომლის შესახებაც ტურისტებმა ჯერაც არ იციან. მათთან ერთად ივლით ბაზრებში, მოივლით ულამაზეს სოფლებს და მონაწილეობას მიიღებთ ადრენალინით სავსე უამრავ აქტივობაში.
აღსანიშნავია, მარიამის და ნინოს ამბის მოყოლის გულწრფელი და საინტერესო უანრი, რომელიც კიდევ უფრო მიმზიდველს ხდის Qartuli Travels. ადგილობრივი უნიკალური ტრადიციების, კერძებისა და საქართველოს ფერადი ბუნების წარმოჩენის გზით, მათი მიზანია, ერთისმხრივ ტურისტებს კარგად გააცნონ და კიდევ უფრო მეტად შეაყვარონ საქართველო, და მეორესმხრივ მჭიდროდ დააკავშირებს მათ სამშობლოსა და დუბაის.
Qartuli Travels-ის ყოველი ახალი სერიას YouTube-ზე მთელი ზაფხულის განმავლობაში, პარასკევობით დაიდება. წინ დიდი თავგადსავალი და სიამოვნება გველოდება.
