ნიკოლ კიდმანმა, რომელიც ამჟამად 54 წლისაა, მუშაობა დაიწყო 14 წლის ასაკში, მისი ორმოცწლიანი სამსახიობო კარიერის განმავლობაში გამოჩნდა 80-ზე მეტ ფილმსა თუ სატელევიზიო პროექტში. მას მოპოვებული აქვს ისეთი პრესტიჟული ჯილდოები, როგორებიცაა მაგალითად: “ოსკარი”, “ემი” და “ოქროს გლობუსი”.
მიუხედავად იმისა, რომ 90-იანი წლების ერთ-ერთი ყველაზე მაღალანაზღაურებადი და მოთხოვმადი მსახიობი დღესაც ძალიან აქტუალურია, ვარსკვლავის განცხადებით, რეჟისორებს ხშირად მასთან მუშაობაზე უარი მხოლოდ ასაკის გამო უთქვამთ.
“ინდუსტრიაში მსახიობი ქალებისთვის არსებობს წესი, რომ 40 წლის ასაკში მთავრდება “ყველაფერი”. მე არასდროს ვმჯდარვარ სკამზე და მომისმენია: “თქვენ ზედმეტად ასაკოვანი ხართ ამ როლისთვის”, მაგრამ ზუსტად ვიცი, რომ არაერთი როლი დამიკარგავს ამ მიზეზით. პირდაპირ ვერავინ ბედავს განაცხადოს შენზეუარი, თუმცა იგონებენ სხვადასხვა მიზეზებს, რის გამოც ცდილობენ არ დაიჭირონ შენთან საქმე. მიუხედავად იმისა, რომ მსოფლიო იცვლება და ქალებს უფრო მეტად შეგვიძლია ხმის ამოღება, სტერეოტიპული მიდგომები მაინც არსებობს და ქალების დისკრიმინაცია ხშირია. ძალიან ძლიერი უნდა იყო იმისთვის, რომ როგორც მსახიობმა, უარის მიღება შეძლო. ძალიან მსიამოვნებს ხოლმე იმ ქალბატონების დანახვა, რომლებიც 40 წელს არიან გადაცილებულები და მაინც წარმატებული კარიერა აქვთ. ასეთი ქალები ძლიერები, მომთხოვმები, მიზანდასახულები დაწარმატებულები არიან, ისინი სხვა ქალბატონებისთვისაც შესანიშნავი მაგალითები არიან”.
54 წლის ვარსკვლავის აზრით წლების გასვლასთან ერთად, ისევ ქალების ერთმანეთისადმი დამოკიდებულების უკეთესობისკენ ცვლით მათი თვითშეფასებაც იზრდება.
“ჩვენ, ქალბატონები, ძალიან ბევრ რამეს ვუზიარებთ ერთმანეთს. როდესაც მაგალითად გამოვდივართ სახლიდან და ვიღაცას ჩვენი იმიჯი ძალიან მოსწონს, ხშირად გვეკითხებიან, რას იყენებთ, როგორია თქვენი ყოველდღიური რუტინა? ამ საკითხზე საუბარი ადამიანებს აღარ რცხვენიათ. არ უნდა გვეშინოდეს ასაკის მატების, ეს ხომ ბუნებრივი პროცესია”.
ნიკოლ კიდმანი მიიჩნევს, რომ დაბერების პროცესი ბედნიერებასთან ასოცირდება. წლების მატება ბევრი ადამიანისთვის საოცნებოა და ჩვენზეა დამოკიდებული როგორ შევხვდებით მას.
“რა მნიშვნელობა აქვს ასაკს? ჩვენ ყოველთვის უნდა გამოვიყურებოდეთ ჯანმრთელად, ენერგიულად და მიმზიდველად. ვფიქრობ, ეს არის ის, რაც ყველა ადამიანს სურს. ჩემი აზრით, პირიქით, უნდა გვიხაროდეს წლების მატება. ეს არის ჯადოსნური მომენტი დათავისუფლად შეგვიძლია ამ პერიოდის განსიამოვნების მიღება, ეს ხომ ჩვენი ნებაა”.
“ზოგჯერ ქალბატონებს საკუთარი ასაკის გამომჟღავნებაც კი სრცხვენიათ და ესეც პრობლემაა. ისინი ერთგვარი “ბულინგის” მსხვერპლნი არიან. გასულ წლებთან შედარებით ქალები უფრო მეტად უჭერენ ერთმანეთს მხარს და ყველანაირად გვერდში უდგანან. რაც უფრო მეტად მივცემთ მათ საშუალებას აკეთონ მეტი და გამოხატონ მეტი, მით უფრო ამაღლდება მათი თვითშეფასებაც”.
54 წელი და 40 წლიანი სამსახიობო კარიერა, მიუხედავად იმისა, რომ ნიკოლ კიდმანთან მუშაობა ბევრი ხელოვანის ოცნებაა, ვარსკვლავს არაერთ რეჟისორთან უნანია თანამშრომლობა.
“არსებობს დიდი განსხვავება კარგ, სოლიდურ პერფორმანნსა და რაღაც გასაოცარს შორის, როდესაც რაღაც როლს ვთანხმდები, ყველაფრისთვის ვემზადები, მაქსიმალურადვცდილობ გავითავისო პერსონაჟი და მასშიუსასრულოდ დავიკარგო. როდესაც საქმესვკიდებ ხელს, მასში გულს 100%-ით ვდებ. შესაბამისად, რეჟისორის მხარდაჭერა ძალიან ბევრს ნიშნავს. თუ მასთან საერთო ენას ვერ ვნახულობ, გადასაღებ მოედანაზე მუშაობა ძალიან მიჭირს”.
~
როგორც მსახიობისთვის, ნიკოლ კიდმანი აღნიშნავს, რომ ყველაზე მნიშვნელოვანი სამუშაო ეთიკაა. ფუჭად საუბარს და გეგმების დასახვას, საქმის კეთება ურჩევნია.
“მსახიობობის მთელი არსი კავშირში მდგომარეობს. მაგალითად, თეატრში, როდესაც სარეპეტიციო ოთახში შედიხარ, პირველივე დღეს იწყებ მუშაობას. ვფიქრობ, ეს არის ჩემი მამოძრავებელი ძალა – უბრალოდ საქმის კეთება. არ ვარ დიდი გულშემატკივარი იმ იდეის, როდესაც ადამიანი დგახარ დალაპარაკობ იმაზე, თუ რა უნდა გააკეთო მომავალში, ფუჭად საუბარს პირდაპირ საქმის კეთება მირჩევნია. ჩვენ ზოგჯერ გვიწევს თვალთმაქცობა, ვითომ სხვა ადამიანები ვართ და შემდეგ საკუთარ თავს ვარწმუნებთ ამ ყველაფერში. მახსოვს ერთხელ ერთ მსახიობთან ერთად ვიყავი და მან თქვა: “მე არ ვარ კარგი მსახიობი, რადგან არ ვარ კარგი მატყუარა”, მე კი ვუთხარი: “ჩემთვის პირიქითაა, იმდენად კარგი უნდა იყო, რასაც აკეთებ იმ საქმეში, რომ თავადვე დაიჯერო, ისე, რომ პერფორმანსი ტყუილი აღარ იყოს”.
