90-იანი წლების ბრიტანელი სუპერმოდელი ნაომი კემპბელი ვატიკანში ჩავიდა და რომის პაპ ლეო XIV-ს შეხვდა.
55 წლის მოდელმა პაპთან შეხვედრისთვის ელეგანტური და თავშეკავებული სტილი აირჩია -Dolce & Gabbana-ს შავი პიჯაკი და კოსტუმი, რომელსაც თეთრი პერანგი, მოკლე სახელურიანი ჩანთა და წვეტიანი ფეხსაცმელი შეუხამა.
მოდელს გრძელი, შავი თმის პარიკი და მაქმანებიანი თავსაბურავი ამშვენებდა. კემპბელმა პაპს წიგნი „La Via Delle Spezie“ (სანელებლების გზა) გადასცა, რომელიც კაცობრიობის ისტორიაში სანელებლების როლს მიმოიხილავს.
კემპბელმა იტალიას შარშანაც ეწვია, როდესაც ივნისში, რომში, გარდაცვლილი პაპი ფრანცისკეს საფლავი მოინახულა და პატივი მიაგო.
შეგახსენებთ, რომ ლეო XIV (ერისკაცობაში რობერტ ფრენსის პრევო) 267-ე რომის პაპია და პირველი პაპი, რომელიც შეერთებულ შტატებში დაიბადა. 2025 წლის აპრილში ფრანცისკეს გარდაცვალების შემდეგ, პაპის კონკლავმა მის მემკვიდრედ აირჩია.
ასევე დაგაინტერესებთ
