თუ ტკბილეულის მოყვარული ხართ, მაშინ სწორ ადგილას მოხვდით, რადგან უნიკალური კონცეფციით შექმნილი ე.წ. take away საკონდიტროს შესახებ უნდა გიამბოთ, სადაც მხოლოდ ერთი პროდუქტი – ტრდელნიკი, უამრავი სხვადასხვა ვარიაციით მზადდება. ეს არის კომპანია – „ლუმიერსი“, რომელიც 2018 წლიდან გამოჩნდა ქართულ ბაზარზე, ხოლო იდეა დამფუძნებელს – ემილ კურბანოვს, ჯერ კიდევ 2014 წელს ჩეხეთში მოგზაურობისას გაუჩნდა, როდესაც პირველად დააგემოვნა ტრდელნიკი.
პირველი ფილიალის გახსნამდე კომპანია ადგილობრივად, მცირე მასშტაბის ფესტივალებში მონაწილეობდა, რამაც „ლუმიერსს“ დიდი გამოცდილება დაუგროვა. შედეგად, 2018 წელს გადაწყდა პირველი ფილიალის საზოგადოებისთვის წარდგენა. მართლაც, ობიექტი ალექსანდრე პუშკინის #25-ში გაიხსნა და დღემდე სწორედ აქ აგრძელებს მუშაობას, რადგან ეს ადგილი განსაკუთრებულად საყვარელი და ისტორიულია კომპანიის წარმომადგენლებისთვის.
„ლუმიერსის“ იდეა ჯერ კიდევ 2014 წელს გაჩნდა, როდესაც ჩეხეთში მოგზაურობისას პირველად გავსინჯე ტრდელნიკი. მახსოვს, მაშინ, ზამთრის ძალიან ცივ დღეს, ტრდელნიკი განსაკუთრებულად გემრიელი იყო და ვიფიქრე, რომ მისი დაგემოვნების საშუალება საქართველოშიც უნდა ჰქონოდათ“, – აღნიშნა ემილ კურბანოვმა, კომპანიის დამფუძნებელმა.
იდეის განხორციელებას რამდენიმე წელი დასჭირდა, რაც უმეტესწილად ცომის რეცეპტის დახვეწასა და სხვადასხვა გემოს დატესტვას მოხმარდა.
პუშკინის ფილიალის გახსნის შემდეგ, ტრდელნიკებზე მოთხოვნა რომ მაღალი იყო, ეს თავიდანვე თვალსაჩინო გახდა, ამიტომ ძალიან მალე საზოგადოებას კიდევ ერთი – ლისის ტბის ფილიალი წარუდგინეს. აღსანიშნავია, რომ თავდაპირველად ეს კონკრეტული ფილიალი სეზონურად მუშაობდა – მხოლოდ ზაფხულობით, თუმცა დღესდღეობით მომხმარებელს მთელი წლის განმავლობაში შეუძლია ლისის ტბაზე ტრდელნიკები მიირთვას.
„ლუმიერსის“ მესამე ობიექტი ილია ჭავჭავაძის #10-ში პანდემიის დროს გაიხსნა. თავიდან სარისკოდ ჩანდა ასეთ პერიოდში ახალი ობიექტის დამატება, თუმცა დღევანდელი გადმოსახედიდან, ეს ნამდვილად სწორი გადაწყვეტილება იყო.
რაც შეეხება „ლუმიერსის“ სულ ბოლო, ყველაზე ახალ ფილიალს, ის კოტე აფხაზის #34-ში მდებარეობს.
მთავარი, რასაც „ლუმიერსი“ საზოგადოებას სთავაზობს, არის უნიკალური კონცეფციით შექმნილი ე.წ. take away საკონდიტრო, სადაც მხოლოდ ერთი პროდუქტი – ტრდელნიკი, უამრავი სხვადასხვა ვარიაციით მზადდება.
მომხმარებლებს საშუალება აქვთ, ეს უგემრიელესი ფუნთუშები ევროპაში მოგზაურობის გარეშე, საქართველოშივე გასინჯონ და მაღალი ხარისხის მომსახურება მისაღებ ფასად მიიღონ.
მართალია, ტრდელნიკის იდეა ჩეხეთში დაიბადა და თავდაპირველად იქ არსებული გემოს გადმოტანა საქართველოში იგეგმებოდა, თუმცა წლების განმავლობაში „ლუმიერსმა“ შეიმუშავა ცომისა და ცხობის უნიკალური ტექნოლოგია, რომელიც ქართულ ბაზარს მოარგეს.
დღესდღეობით, „ლუმიერსი“ მომხმარებლებს მრავალფეროვან ინგრედიენტებსა და არომატებს სთავაზობს – ეს არის კლასიკური ტრდელნიკი, ტრდელნიკი შოკოლადით ან ვანილის კრემით, სხვადასხვა სეზონური ხილითა და თხილეულით.
„ლუმიერსის“ ნიშა არის ცომის უნიკალური რეცეპტით დამზადებული ტრდელნიკი, რომელიც მორგებულია თანამედროვე სამყაროს დახვეწილ გემოს და დამატებული აქვს 100%-ით ნატურალური, ახალი და ცოცხალი ინგრედიენტები.
„ლუმიერსის“ დამფუძნებლები დღემდე აქტიურად არიან კომპანიის სამუშაო პროცესში ჩართულნი. როგორც ემილმა აღნიშნა – „ჩვენ ყოველდღიურად ძალიან ადრე ვდგებით და მივდივართ ბაზარში მხოლოდ და მხოლოდ ერთი მიზნით – თქვენამდე მოვიტანოთ ქვეყანაში არსებული ყველაზე გემრიელი და ახალი ინგრედიენტები. ჩვენი პროდუქცია, მათ შორის ცომი, 100% ბუნებრივი პროდუქტებისგან მზადდება და ჩვენი მომწოდებლები საქართველოს სხვადასხვა სოფელში მცხოვრები ფერმერები არიან“.
„ლუმიერსში“ ტრდელნიკის მზადების პროცესი უნიკალურია. ეს არ არის სწრაფი კვების ობიექტი. რატომ? იმიტომ, რომ თითოეული ტრდელნიკი ინდივიდუალურად თქვენთვის, თქვენ თვალწინ, თქვენივე გემოვნებით მზადდება და დიახ, ეს უნიკალური გემო უამრავ ენერგიასთან ერთად მოითხოვს უმნიშვნელოვანესს – დროს.
„ლუმიერსი“ აქტიურად ფიქრობს საქართველოს საზღვრებს გარეთ განვითარებაზე. კომპანიამ უკვე შეიმუშავა უნიკალური ტექნოლოგია, რაც პარტნიორებს საშუალებას მისცემს, ძალიან მარტივად ცომი ადგილზე დაამზადონ.
გარდა ამისა, იგეგმება ადგილობრივად გაფართოებაც, რაც გულისხმობს არა მხოლოდ თბილისში ახალი ფილიალების დამატებას, არამედ დედაქალაქის გარეთ გასვლასა და რეგიონების ათვისებას.
