თავის მოვლა და ფორმაში ყოფნა ნებისმიერი ადამიანისთვის უმნიშვნელოვანესია. პირველ რიგში იმისთვის, რომ დღე დავიწყოთ ხალისიანად და მეტი პოზიტივით, რადგან დამეთანხმებით, ლამაზი და კომფორტული სამოსი ყოველთვის მეტ თავდაჯერებულობას გვძენს. ამიტომ გიამბობთ MK Sparkle-ის შესახებ, რომელიც ქალაქ ქუთაისში მდებარეობს და საზოგადოებას გამორჩეული დიზაინის კოლექციებს სთავაზობს. ამ და სხვა საინტერესო საკითხებთან დაკავშირებით OK! Fashion Book-ი დამფუძნებელს, მაკო ყაველაშვილს ესაუბრა.
რას სთავაზობთ საზოგადოებას?
საზოგადოებას უპირველესად ვთავაზობთ ტრენდულ, კომფორტულ და ელეგანტურ სამოსს, რათა ჩვენი მომხმარებლები მუდმივად გამორჩეულად და მიმზიდველად გამოიყურებოდნენ.
ჩვენი სამოსით საშუალებას ვაძლევთ მათ, წარმოაჩინონ საკუთარი ხასიათი და შინაგანი განწყობილება. ყოველთვის ვცდილობთ ვიყოთ ინოვაციურები და მომხმარებელს შევთავაზოთ უახლესი სტილის სამოსი ხელმისაწვდომი ფასებით, ფასდაკლებებითა და გათამაშებებით.
რა სტილის სამოსია თქვენთან წარმოდგენილი?
ჩვენთან წარმოდგენილია სპორტული და კლასიკური სტილის სამოსი, როგორც წვეულებისთვის, ასევე ყოველდღიური მოხმარებისთვის.
ვინ არიან თქვენი მომხმარებლები?
ბუტიკ Sparkle-ის მიზანია იზრუნოს ქალბატონებზე, განურჩევლად ასაკისა, რათა თავი მაქსიმალურად თავდაჯერებულად, კომფორტულად და თანამედროვედ იგრძნონ.
როგორ და სად შეგვიძლია სამოსის შეძენა?
მაღაზია მდებარეობს ქალაქ ქუთაისში, აღმაშენებლის 39 ნომერში და, რა თქმა უნდა, ვმუშაობთ ონლაინ, ფეისბუქგვერდის საშუალებით Happiness, შესაბამისად, ჩვენი პროდუქცია შეგვიძლია ჩვენს მომხმარებლებს საქართველოს ნებისმიერ წერტილში გავუგზავნოთ.
ხარისხზეც გვიამბეთ.
ხარისხი არის აუცილებელი პირობა იმისთვის, რომ ერთ-ერთი მოწინავე პოზიცია დავიკავოთ და მუდმივად გავამართლოთ მომხმარებლის იმედები. ამასთან ერთად, მუდმივად ვცდილობთ შევინარჩუნოთ საზოგადოების ნდობა და შევთავაზოთ გამორჩეული პროდუქცია, რაც მათ ყოველდღიურობას კიდევ უფრო ხალისიანს გახდის.
რა მიგაჩნიათ ბუტიკის ნიშად?
ვფიქრობ, მომხმარებელთან უშუალო და სისტემატური კომუნიკაცია ჩვენი ერთ-ერთი მთავარი ნიშაა. ამასთან, თბილი და კომფორტული გარემო, რომელიც მოსულ სტუმრებს ბუტიკში ხვდება, MK Sparkle-ში ვიზიტს კიდევ უფრო სასიამოვნოს ხდის.
სამომავლო გეგმები გაგვიზიარეთ.
რაც შეეხება სამომავლო გეგმებს, ჩვენი შემდეგი ნაბიჯი და მიზანია გავანებივროთ მამაკაცები და ახლო მომავალში მათაც შევთავაზოთ გამორჩეული კოლექციები.
