ორგზის ოსკაროსანმა, 80 წლის მაიკლ დუგლასმა სამსახიობო კარიერა დაასრულა. მსახიობი აღნიშნავს, რომ არანაირი სურვილი აღარ აქვს დაბრუნდეს ეკრანზე, თუ რაიმე განსაკუთრებული არ მოხდება და დარჩენილ ცხოვრებას ოჯახთან ერთად, მშვიდ გარემოში გაატარებს.
ჩეხეთში, კარლოვი ვარის საერთაშორისო კინოფესტივალზე, ლეგენდარული ფილმის „ვიღაცამ გუგულის ბუდეს გადაუფრინა“ 50 წლის იუბილე აღინიშნა, რომელსაც დუგლასი პროდიუსერობდა. პრესკონფერენციაზე გულწრფელად ისაუბრა თავის პროფესიულ არჩევანსა და მომავალ გეგმებზე.
„2022 წლის შემდეგ აღარ მიმიღია მონაწილეობა არცერთ პროექტში. ეს გადაწყვეტილება სრულიად შეგნებულად მივიღე. მივხვდი, რომ დრო იყო გამეჩერებინა. თითქმის 60 წელია ვმუშაობ და არ მსურს იმ მსახიობად ვიქცე, რომელიც გადასაღებ მოედანზე დაიღუპება“.
მიუხედავად წასვლასთან დაკავშირებული ოფიციალური განცხადებისა, ასევე, აღნიშნა, რომ თუ მართლაც რაიმე განსაკუთრებული შემოთავაზება ექნება, შესაძლოა მონაწილეობა მიიღოს.
„ვფიქრობ, გამონაკლისს დავუშვებ, მაგრამ ამ ეტაპზე ოჯახთან დროის გატარება ყველაზე დიდ სიამოვნებას მანიჭებს. მინდა ვუყურო, როგორ მუშაობს ჩემი ცოლი“
ყველასთვის ცნობილი და სიყვარულის სიმბოლოდ მოხსენიებული წყვილის – კეტრინ-ზეტა ჯონსის და მაიკლ დუგლასის ურთიერთობას წლებმა ვერაფერი დააკლო. წყვილს ორი შვილი 22 წლის დილანი და 20 წლის კერისი ჰყავთ.
2010 წელს მას მეოთხე სტადიის ყელის კიბო დაუდგინდა, რასაც ქიმიო და რადიოთერაპიით აკონტროლებდა.
„მიმაჩნდა, რომ ძალიან გამიმართლა, რადგან ქირურგიული ჩარევა თავიდან ავიცილე. ოპერაცია ნიშნავდა, რომ ხმა აღარ მექნებოდა და სახის ნაწილსაც დავკარგავდი, რაც, რასაკვირველია, ჩემთვის როგორც მსახიობისთვის ყველაფრის დასასრული იქნებოდა“.
მაიკლ დუგლასმა კინოინდუსტრიის განვითარებაში დიდი წვლილი შეიტანა. ფილმით Wall Street (1987) ის ოსკარი მიიღო, როგორც საუკეთესო მსახიობმა და ფილმით One Flew Over the Cuckoo’s Nest (1975) მისი კარიერის მეორე, პროდიუსერული მხარეც დაფასდა. როლები ფილმებში ეს იქნება Basic Instinct, Falling Down თუ სხვა მრავალი თაობებს სამუდამოდ დაამახსოვრდება.
„ისეთი შეგრძნება მაქვს, თითქოს ყველაფერი დავწერე, რაც მინდოდა, და ახლა უბრალოდ ვცდილობ ვისიამოვნო იმით, რაც მაქვს.“
ასევე დაგაინტერესებთ:
#OK! “ოჯახური იდილია” – კეტრინ ზეტა-ჯონსი და მაიკლ დუგლასი შვილებთან ერთად ისვენებენ
