შარფი იმ აქსესუართა რიცხვს მიეკუთვნება, რომელიც ჩვენს ჩაცმულობას ბევრად თვალშისაცემსა და მიმზიდველს ხდის. სწორედ ამიტომ Decor Book ქართულ ბრენდ „მერდინის“ შესახებ გიამბობთ, რომელიც საზოგადოებას შარფების მრავალფეროვან არჩევანს სთავაზობს. ჟურნალი OK! ბრენდის დამფუძნებლებს − მერი ოთხოზორიასა და ნინო მესხს ესაუბრა, რომლებმაც უფრო ვრცლად გვიამბეს „მერდინის“ შესახებ.
გვიამბეთ ბრენდის შესახებ. რამდენი ხანია რაც ქართულ ბაზარზე ოპერირებს?
ბრენდი „მერდინი“ ქართულ ბაზარზე 2021 წლის დეკემბრიდან ოპერირებს და ვაწარმოებთ მაღალი ხარისხის აბრეშუმის სამოსსა და აქსესუარებს.
როგორ დაიბადა იდეა და რატომ შარფები?
ვეცადეთ, შარფების დიზაინით გაგვესვა ხაზი სტილზე, რომელიც პირადად ჩვენ ძალიან მოგვწონს და რომლის დეფიციტსაც ვხედავდით ადგილობრივ ბაზარზე.
რატომ „მერდინი“?
სახელწოდება „მერდინი“ ძველქართულად „აბრეშუმის ნაზ ქსოვილს“ ნიშნავს. სწორედ აქედან დაიბადა იდეა.
გარდა იმისა, რომ ხაზს უსვამს ბრენდის ქართულ წარმოშობას, „მერდინი“ ასევე შეესაბამება დამფუძნებლების სახელებს − მერის და ნინოს.
დიდი ხნის განმავლობაში ვფიქრობდით, რომ აუცილებლად წამოვიწყებდით საქმიანობას ამ მიმართულებით. სახელწოდებაც დიდი ხნით ადრე შევიყვარეთ და მოვარგეთ ბრენდს, ვიდრე წარვადგენდით ფართო საზოგადოების წინაშე.
დასაწყისისთვის, მარტის თვეში წარმოვადგინეთ გაზაფხულის კოლექცია − აბრეშუმის შარფები ქალბატონებისთვის. ვმუშაობთ მამაკაცის ხაზზეც.
ვზრუნავთ პროდუქციის მრავალფეროვნებაზე − მომხმარებლებს ეტაპობრივად შევთავაზებთ განახლებულ კოლექციებს.
ვინ ქმნის დიზაინს და როგორია მუშაობის პროცესი?
ჩვენი მიმდინარე კოლექციის დიზაინი შეიქმნა გაზაფხულის ყვავილების ინსპირაციით. ჩვენს ხედვებს ამუშავებს დიზაინერი, საბოლოო, შეთანხმებული ვერსია კი გადაგვაქვს ქსოვილზე.
მუშაობის პროცესი ძალიან სასიამოვნოა. ორმაგად სასიამოვნოა, როდესაც პროდუქტის დასრულებულ სახეს ვხედავთ ისეთს, როგორიც წარმოგვედგინა.
აღსანიშნავია ქსოვილზე ფერების მდგრადობაც, რაც უმნიშვნელოვანესია მოხმარებისას. ამ საკითხზეც გვქონდა ბევრი დადებითი გამოხმაურება მომხმარებლების მხრიდან, და ეს ძალიან გვახარებს.
როგორ ხდება შეძენა და მომხმარებლამდე მიწოდება?
მომხმარებლებს ჩვენი პროდუქციის შეძენა შეუძლიათ ონლაინ. შეძენილ პროდუქტს მათ საკურიერო სამსახურის თანამშრომელი აწვდის სასურველ მისამართზე.
გვაქვს შესაბამისი ფეისბუქ და ინსტაგრამგვერდები, სადაც ადმინისტრატორები ეკონტაქტებიან მომხმარებლებს კვირის ნებისმიერ დღეს.
ასევე, შარდენსა და პეკინზე მდებარე მაღაზიებში კოლექციიდან წარმოდგენილი გვაქვს გარკვეული რაოდენობის პროდუქცია.
პროდუქციის რაოდენობის ზრდასთან ერთად, ვფიქრობთ, დავამატებთ ვებსაიტსაც, სადაც კიდევ უფრო კომფორტულად შეძლებენ მომხმარებლები ონლაინშოპინგს.
რა არის ბრენდის დამახასიათებელი ნიშა?
ჩვენთვის ხარისხია მთავარი, ასევე განსაკუთრებული სტილი, რომელიც ბრენდს სხვებისგან გამოარჩევს და რომელსაც ვთავაზობთ ჩვენს მომხმარებლებს.
როგორია „მერდინის“ სამომავლო გეგმები?
„მერდინის“ სამომავლო გეგმები, მრავალფეროვანი პროდუქციის წარმოების პარალელურად, არის ჩვენი ბრენდული მაღაზიის წარდგენა ადგილობრივი მომხმარებლებისთვის, ასევე ქვეყნის ფარგლებს გარეთ პროდუქციის პოპულარიზაცია.
FB: მერდინი • Merdini
Insta: merdini_ge
Tel: 557 40 93 02
Mail: info.merdini@gmail.com
