რუბრიკა OK! მეგობრების სტუმრები არიან მომღერლები, ნუცა თოფურია და მარიამ შენგელია. გიამბობთ მათი 8 წლიანი მეგობრობის ისტორიის შესახებ და ახლოდან გაგაცნობთ მათ.
პროექტის მასპინძელია QooQy Bakery • ქუქი ბეიქერი 
ყველაზე დიდი გამოწვევა რომელსაც თქვენმა მეგობრობამ გაუძლო?
(მარიამი):უკვე 8წელია ვმეგობრობთ, 1 წელი გვქონდა ჩავარდნა გარემოებებიდან გამომდინარე. ალბათ ეგ იყო გარდამტეხი რადგან მაგის მერე ყველაზე მაგარი ურთიერთობა გვაქვს.
(ნუცა): რა არის ჩემი განსაკუთრებული ნიჭი?
(მარიამი): ბევრი განსაკუთრებული ნიჭი გაქვს თუმცა ბოლო პერიოდის აღმოჩენა ნიჭი – მსახიობობა.
სად გაიცანით ერთმანეთი და როდის დამეგობრდით?
(მარიამი): 8წლის წინ ზაფხულში, ერთ-ერთ ყველაზე საყვარელ ადგილას ბათუმში, საუკეთესო შენაძენი იყო ნუცა ჩემს ცხოვრებაში. მაგის მერე სტაბილურად ვართ.
(ნუცა): რა არის ჩემი ყველაზე ცუდი ჩვევა?
მარიამი: ჯიუტია, შეიძლება რაღაცაში არ იყოს მართალი, მაგრამ არა როგორ? უნდა ამტკიცებდეს რომ არის!
(მარიამი): რა არის ჩემი ყველაზე დიდი შიში?
ნუცა: ჩვენ გვილაპარაკია ამაზე და მარტო დარჩენის, ჩემიც ეგაა.
საუკეთესო მოგონება ერთად?
(მარიამი): ჩემი საუკეთესო მოგონება ნუცასთან ერთად არის ერთ-ერთი: ნუცა არ სვავს ზოგადად ალკოჰოლს, რომში ვართ და დავლიეთ ერთ-ერთ კაფეში, ნუცამ გადაწყვიტა რომ კათოლიკურ ეკლესიაში უნდა შევეყვანეთ მთვრალები, ვისხედით და ვუყურებდით როგორი ლამაზი ტაძარი იყო.
(ნუცა): მოვდიოდით რომის მთავარ ქუჩაზე ვია დელ კორსოზე და მინდოდა გოგოებს ენახათ მე-VII საუკუნის ბაზილიკა. რომ გამოვდიოდით იქიდან ვმღეროდით…
თქვენი საყვარელი აქტივობა ერთად?
მანქანაში სიმღერა გვიყვარს.
რას ნიშნავს თქვენთვის მეგობრობა?
(მარიამი): მე რაღაც გადაწყვეტილებების მიღება დამოუკიდებლად არ შემიძლია, ნუცას თუ არ ვკითხე რაღაც ისე გავაკეთო თუ არა.
(ნუცა): გვერდით გყავს დასაყრდენი და იმედი და ნებისმიერ დროს როცა არ უნდა გჭირდებოდეს დაურეკავ თუ ფიზიკურად შენს გვერდით არ არის.
რა არის მთავარი რაც არ მომწონს საკუთარ თავში?
(ნუცა): მე მარტივად ვენდობი ადამიანებს, შეიძლება უცებ მომწონს პირველი შთაბეჭდილებით და რაღაც მნიშვნელოვანი მოვუყვე მერე აღმოჩნდება რომ არ უნდა მომეყოლა. ვისურვებდი რომ ეგ ცოტა დავაბალანსო.
(მარიამი): მე ვარ ემოციური და ეგ არის ჩემთვის არც ისე მომგებიანი, ზედმეტად ემოციური ვარ.
