ყველასთვის კარგად ნაცნობი ესთეთიკოსი და კოსმეტოლოგი ლიკა ნიორაძე, რომ მრავალი წელია სილამაზის სფეროში მოღვაწეობს OK! –ს მკითველისთვის სიახლე არაა, მაგრამ სიახლეა ის კონგრესი, რომელიც ქალბატონმა ლიკამ დუბაიში ცოდნის გაღრმავების მიზნით გაიარა. სწორედ ამ სიახლეზე ვისასუბრებთ დღევანდელ სტატიაში. რა თქმა უნდა ჩვენ მკითხველს ტრადიციულად ლიკა ნიორაძისგან პრაქტიკულ რჩევებსაც გავუზიარებთ, რომელიც აუცილებლად გასათვალისინებელია ინექციური პროცედურების ჩატარების წინ.
ქალბატონო ლიკა, უფრო დეტალურად რას ემსახურებოდა ხსენებული კონგრესი?
მოგეხსენებათ მედიცინა მედიცინის ის დარგია, რომელიც მუდმივად ვითარდება და ყოველი დღე ახალ კვლევებს თუ აღმოჩენებს უკავშირდება. რათქმაუნდა მეც, როგორც ამ დარგის სპეციალისტი ვცდილობ მუდმივად სიახლეების ეპიცენტრში ვიყო და არ გამომეპაროს თანამედროვე მიდგომები. ამას ისევ ჩემი ქართველი პაციენტებისთვის ვაკეთებ, რომლებიც მენდობიან და ჩემთან ვიზიტზე მოდიან.
რაც შეეხება თქვენს კითხვას, თუ რას ემსახურებოდა ხსენებული კონგრესი, გეტყვით, რომ პირველ რიგში შეცვლილია ინექციური პროცედურების მხრივ მიდგომა, ძალიან დიდი და მრავლისმომცველი თემაა ამიტომ არამგონია ჩვენ სტატიაში დეტალურად შევძლო საუბარი, თუმცა 1 წინადადებით რომ ვთქვათ „მინიმალური პრეპარატით მაქსიმალური შედეგის მიღება“ იგულისხმება. ასევე გავიარეთ სრული სახის- Full face ტექნიკები, რაც ზოგადად სახის არეში ინექციური მეთოდებით მუშაობას გულისხმობს. ასევე აქცენტები იყო გაახალგაზრდავების მეთოდებზე, ბოტულინოთერაპიაზე, ტუჩის მოდელირებაზე… ეს უკანასკნელი ჩემთვის ამოუწურავი და ძალიან საინტერესო თემაა.
სხვათაშორის დუბაის გარდა საბერძნეთშიც ვესწრებოდი მსგავსი ტიპის კონგრესს სადაც სხვა არანაკლებ მნიშვნელოვანი სიახლეები შევისწავლე ესთეთიკური კოსმეტოლოგიის მიმართულებით.
საინტერესოა, რა სურვილებით მოგმართავენ პაციენტები და როგორია თქვენი მიდგომა მათ მოთხოვნებთან მიმართებაში ?
გულწრფელად გეტყვით, არის შემთხვევები როდესაც მოდის პაციენტი კონკრეტული მოთხოვნით, რომელიც მას სამედიცინო კუთხით არ სჭირდება. ამ რეალობის დასანახად თუ ასახსნელად თავს არ ვზოგავ, რომ ავარიდო არაფრის მომცემი ან პირიქით მისთვის ზედმეტი მანიპულაცია. ზოგჯერ იგებენ მეგობრისგან ან სოც ქსელში, რომ რაღაც კონკრეტული ინექცია ან პროცედურა არის კარგი. თუმცა რაც არ უნდა ნაქები და რეკომენდაცია გაწეული იყოს ესა თუ ის პროცედურა არ უნდა დაგვავიწყდეს, რომ თითოეული ჩვენთაგანი არის უნიკალური და ინდივიდუალური, არ შეიძლება ყველა ადამიანს იდენტური პროცედურა სჭირდებოდეს. ამიტომ ჩემი მიდგომა პაციენტებთან ითვალისწინებს შემდეგს, გავუკეთო მხოლოდ ის, რაც კონკრეტულად მათთვის არის საჭირო და არა ის რაც პოპულარულია. ხშირად მიჯერებენ და შემდეგ მადლობასაც მეუბნებიან, მაგრამ მქონია შემთხვევა განაწყენებულები წასულან. რა ვქნა მე ჩემი სუფთა სინდისი მირჩევნია ვიდრე არასწორი ჩარევა და პაციენტის წამიერი კმაყოფილება, რაც შემდეგში აუცილებლად უკმაყოფილების მიზეზი გახდება, რადგან ზუსტად ვიცი ვის რა სჭირდება ან არ სჭირდება.
მე ქალს აღვიქვავ როგორც სამყაროში ერთერთი ლამაზი ქმნილება და ჩემი პროფესია სწორედ ამ სილამაზის შენარჩუნებას ემსახურება. ეს არის უდიდესი პასუხისმგებლობა.
რამდენად მნიშვნელოვანია პაციენტმა გაითვალისწინოს პროცედურის შემდგომი რეკომენდაციები?
თუ ექიმთან მიდიხართ ეს ნიშნავს რომ მას ენდობით, ამიტომ აუცილებელია სპეციალისტის რჩევები გაითვლისწინოთ. სამწუხაროდ მქონია შემთხვევა, რომ გამიფრთხილებია პაციენტი არ მიიღო ალკოჰოლი, არ შეხვიდე სოლარიუმში- საუნაში, მაგრამ არ დაუჯერებია. შემდეგ ამას უარყოფითი შედეგი გამოუღია და რა თქმა უნდა ეს მეტ დისკომფორტს ქმნის, როგორც მისთვის ასევე ჩემთვის.
თქვენთვის რატომ? ეს ხომ მისი პირადი პრობლემაა, მითუმეტეს თუ გაფრთხილების არ ითვალისწინებენ…
საქმე იმაშია, რომ ჩემი და ჩემი პაციენტების აქტიური კომუნიკაცია იწყება მაშინ, როდესაც სრულდება პროცედურა და კაბინეტის კარი დაიხურება. ზუსტად ამ ეტაპის შემდეგ იღება ახალი უხილავი კარი, სადაც ხშირად მიწევს შეხსენება გაფრთხილების მიზნით, გამოკითხვა კმაყოფილების კუთხით, კონსულტირება შემდგომი განმეორებითი პროცედურის საჭიროების შემთხვევაში. ზოგჯერ იმდენად რთული სამუშაოა შესასრულებელი, მაგალითად ტუჩის აუგმენტაციის შემთხვევაში, რომ არაა საკმარისი ერთი პროცედურა. არსებობს თითქმის გამქრალი, დეფორმირებული, არასწორად ჩატარებული პროცედურით დაზიანებული ტუჩები, რომელთა სრულყოფილებაში მოყვანას რამდენიმე ვიზიტი სჭირდება. ამიტომ პირველი პროცედურის შემდეგ როგორც უკვე ვახსენე გრძელდება აქტიური კომუნიკაცია, რომ სწორად შერჩეულ ინტერვალში მოხდეს ჰიალურონის შემცველი პრეპარატის დამატება.
მოკლეთ რომ ვთქვათ თითოეულ პაციენტთან უმნიშვნელოვანესია მუდმივი და სწორი კომუნიკაცია მანამ სანამ საბოლოო სრულყოფილი შედეგი არ დადგება.
