თევზი ბროწეულის ბაჟეში
1 კგ თევზი (შესაძლებელია გამოვიყენოთ ნებისმიერი თევზი, მათ შორის თევზის ფილე)
500 გრ გატარებული ნიგოზი
4-5 კბილი ნიორი
5 ცალი ტკბილი ბროწეულის წვენი
მარილი გემოვნებით
მომზადების წესი
თევზი დავამუშაოთ, ამოვავლოთ პურის ფქვილში, რომელიც შეზავებულია მარილით.
მოვბრაწოთ გახურებულ ტაფაზე, რომელსაც ჯერ ვასხამთ ზეთს (სასურველია ზეითუნის) და შემდეგ ვამატებთ კარაქს.
თევზს რამდენიმე წუთი მაღალ ტემპერატურაზე ვბრაწავთ.
უკვე მობრაწული ნაჭრები სასურველია შემდეგ სრულ მომზადებამდე გადავიტანოთ ღუმელში, რომელსაც წინასწარ ვაცხელებთ 160 გრადუსამდე ზედა და ქვედა წვით.
თევზის მომზადებულ ნაჭრებს ვაწყობთ გასაცივებლად.
200 გრ გატარებულ ნიგოზს ვამატებთ დაჭყლეტილ ნიორს, მარილს და ვასხამთ ადუღებულ წყალს. წყალს ვამატებთ იმდენს, რომ სქელი ფაფა მივიღოთ.
სურვილის მიხედვით შესაძლებელია მიღებული მასა დავაბლენდეროთ.
როდესაც ნიგვზიანი ფაფა გაცივდება, ვათხელებთ სასურველ კონსისტენციამდე ბროწეულის წვენით. თუ ვაპირებთ კერძის მეორე დღეს გამოყენებას, შესაძლებელია წვენი წინდაწინ წამოადუღოთ და გააცივოთ (თავიდან ავიცილებთ პროდუქტის მალე გაფუჭებას).
შეგვიძლია მიღებულ სოუსს დავამატოთ წვრილად დაჭრილი ქინძი (სურვილის მიხედვით).
სოუსში ვდებთ თევზს უშუალოდ სუფრასთან მიტანის წინ.
