მარკ ენტონის და ნადია ფერიერას ვარსკვლავური ქორწილი უცხოური გამოცემებისა და ტაბლოიდების ბოლოდროინდელი ყველაზე განხილვადი თემაა. სელებრითებით სავსე გრანდიოზულ საქორწილო წვეულებაზე იმყოფებოდნენ ისეთი ვარსკვლავები, როგორებიც დევიდ ბექჰემი, სელმა ჰაიეკი, დედი იანკი, მალუმა და ლუის ფონსი არიან. სტუმართა რიგებში არ მოიძებნებოდა მარკ ენტონის ყოფილი მეუღლე ჯენიფერ ლოპესი, რომელთანაც მარკს მრავალწლიანი ურთიერთობა და ორი შვილი აკავშირებს.
ნადიამ და მარკმა რომანტიკული ურთიერთობა 2022 წლის გაზაფხულზე გაასაჯაროვეს, რამდენიმე თვეში კი საზოგადოებას მათი ნიშნობის შესახებ ამცნეს. წყვილის ქორწილი 28 იანვარს, Perez Art
Museum-ში გაიმართა. გთავაზობთ რამდენიმე საათის წინ გავრცელებულ ექსკლუზიურ კადრებს.
ვარსკვლავური წყვილის საქორწინო ცერემონიაზე მეტად საზოგადოების ყურადღება იმან მიიქცია, რომ მარკის ყოფილი მეუღლე ჯეილო ქორწილს არ დაესწრო. წყვილმა ერთმანეთი 1998 წელს გაიცნო, საქორწინო ცერემონია კი 2004 წელს ჰქონდათ. მათ ურთიერთობაში ორი შვილი, ტყუპები შეეძინათ, თუმცა თანაცხოვრება საბოლოოს 2011 წელს დაასრულეს, მათი ქორწინება ოფიციალურად დოკუმენტებით 2014 წელს დასრულდა.
