PSP – ჩემი ოჯახის აფთიაქი, საქართველოს ფარმაციის ლიდერი, ხარისხის გარანტი, ევროპული ღირებულებების მქონე კომპანია წარმოგიდგენთ სატელევიზიო ისტორიებს.
1956 წელს, როდესაც საქართველოს პირველი ტელეხედვის მოწყობა დაიგეგმა, დიქტორების (წამყვანების) ძებნა დაიწყეს. მიხეილ თუმანიშვილმა პირველკურსელ ლია მიქაძეს ურჩია მონაწილეობა მიეღო კონკურსში. ლია მიქაძის სილამაზე, მეტყველება და ხმის ტემბრი მოიწონა კომისიამ, ამიტომ ის, ალექსანდრა მაჭავარიანთან ერთად, დიქტორად დანიშნეს. 1956 წლის 30 დეკემბერს, როდესაც საქართველოს პირველი ტელევიზია ჩაეშვა, ცისფერი ეკრანიდან მაყურებელმა პირველი ლია მიქაძე დაინახა.
გარდა მხატვრული სახის გადაცემებისა, მას ტელევიზიის პირდაპირ ეთერში ხშირად მიჰყავდა საზეიმო შეხვედრები თუ კონცერტები. ამბობენ, რომ ლია მიქაძით თავად ფიდელ კასტრო იყო მოხიბლული.
„საღამო მშვიდობისა, ძვირფასო მეგობრებო“, − ამ სიტყვებით დაიწყო ლია მიქაძემ პირველი ქართული ტელეეთერი, რომელიც 2 საათს გაგრძელდა. მან საქართველოს ტელევიზიაში თითქმის ნახევარი საუკუნე გაატარა.
2013 წლის 30 დეკემბერს, საქართველოს ტელევიზიის დაარსების 57 წლისთავთან დაკავშირებით, საზოგადოებრივმა მაუწყებელმა, მთაწმინდის პარკში, თბილისის ანძის სიახლოვეს, ლია მიქაძეს საპატიო ვარსკვლავი გაუხსნა.
