როგორ უნდა გავარჩიოთ „კნაუფის“ პროდუქცია ფალსიფიცირებულისგან?
OK!-ის მკითხველისთვის ცნობილია, რომ „კნაუფი“ მაღალ სტანდარტს მორგებული კომპანიაა და მომხმარებელს სთავაზობს ხარისხიან პროდუქციას, რომელიც შიდა და გარე მოპირკეთებას უფრო ეფექტურს, სწრაფად დასრულებადს გახდის. „კნაუფი“ ქართულ ბაზარზე უკვე ასოცირდება ხარისხთან, სანდოობასთან, და ასევე აერთიანებს პროფესიონალ ადამიანებს, რომლებიც მოწესრიგებულ სერვისს გვთავაზობენ, რაც ასევე აუცილებელია მშენებლობისას. „კნაუფში“ წარმოდგენილი პროდუქცია ყველა კლიმატური პირობის მიმართ მდგრადობით გამოირჩევა და ზუსტად ისეთივე ხარისხისაა, როგორც ეს ეტიკეტზეა მითითებული. #OK!-ისთვის ცნობილი გახდა, რომ ბოლო დროს „კნაუფის“ სახელით ბევრი ფალსიფიცირებული პროდუქტი შემოვიდა ბაზარზე. სწორედ ამის შესახებ უფრო დეტალურად გვესაუბრა კომპანიის მარკეტინგისა და გაყიდვების დირექტორი − გიორგი ჯაფარიძე.
დავიწყოთ ბოლო მოვლენით − დეტალურად გაგვაცანით ინფორმაცია ფალსიფიცირებულ პროდუქტთან დაკავშირებით.
ფალსიფიცირებული პროდუქცია დამახასიათებელია ყველა ბაზრისთვის ყველა ქვეყანაში, მაგრამ ყველგან ერთნაირად არ კონტროლდება ბაზარი და არ ხდება ამ ფალსიფიცირებული პროდუქციის გამოვლენა და ამოღება. ხშირად ფალსიფიცირებას ექვემდებარება ის პროდუქცია, რომელიც ბაზარზე კარგად იყიდება და სახელი აქვს მოხვეჭილი მომხმარებლებს შორის. ცუდი, დაბალი ხარისხის ფალსიფიცირებას აზრი არ აქვს. ასეთ მოვლენასთან ჩვენც გვქონდა საქმე. ბოლო დროის მოვლენაა, როდესაც ბაზარზე გამოჩნდა უხარისხო შურუპები „კნაუფის“ შეფუთვით. ფალსიფიცირებული პროდუქციის გამოვლენის რამდენიმე გზა არსებობს და რადგან ჩვენ საკუთარ მომხმარებლებთან მუდმივი ინტერაქტიული კავშირი გვაქვს, სოციალური ქსელისა და სხვადასხვა საინფორმაციო საშუალების გამოყენებით ავუხსენით ჩვენი პროდუქციის ერთგულ მომხმარებლებს, როგორ უნდა გაერჩიათ ბაზარზე შემოსული უხარისხო ფალსიფიცირებული პროდუქცია.
ქართულ ბაზარზე ხომ არსებობს მაკონტროლებელი ორგანოები?
რა თქმა უნდა, ქართულ ბაზარზე არსებობს მაკონტროლებელი ორგანოები, მაგრამ მათი აქტივობა იწყება მაშინ, როდესაც სავალალო შედეგი დგება. შედეგი, რომელიც ხშირ შემთხვევაში იწვევს ზარალს ან მომხმარებლის ჯანმრთელობის დაზიანებას. შესაბამისად ჩვენ გვჭირდება ისეთი მაკონტროლებელი ორგანოები, რომლებიც პროდუქციაზე არა დამდგარი შედეგის მიხედვით იმსჯელებენ, არამედ მოახდენენ ბაზარზე უხარისხო მასალის მოხვედრის პრევენციას. ამის მისაღწევად მრავალი სხვადასხვა მექანიზმის ამუშავებაა საჭირო, რომელთა ჩამოთვლა ძალიან შორს წაგვიყვანს, მაგრამ გამოვყოფდით ორ ძირითად მექანიზმს, რომელსაც შეუძლია ასეთი ფაქტების პრევენცია. პირველი, ეს გახლავთ საკანონმდებლო ბაზა მშენებლობასა და საშენი მასალების წარმოებაში, რომელიც გულისხმობს სამშენებლო ნორმებისა და წესების სასწრაფო შემოღებასაც და გარდა ამისა, დამოუკიდებელი სამშენებლო მასალების შემმოწმებელი ლაბორატორიების არსებობას. სამწუხაროდ, ჯერჯერობით მსგავსი ყოვლისმომცველი სამშენებლო ლაბორატორია ეროვნული ექსპერტიზის ცენტრსაც კი არ გააჩნია.
რას ურჩევდით საზოგადოებას, როგორ გაარჩიოს „კნაუფის“ მასალა ფალსიფიცირებულისგან? და კიდევ ერთხელ გვესაუბრეთ მის უპირატესობებზე…
ჩვენს მომხმარებლებს ვურჩევდით, თუ გადაწყვეტენ შეიძინონ „კნაუფის“ პროდუქცია ჩვენს ავტორიზებულ დილერებთან, დააკვირდნენ უშუალოდ პროდუქციასაც, რომელზეც აუცილებლად არის დატანილი „კნაუფის“ სავაჭრო ან სპეციალური ნიშანი, რაც საშუალებას მოგცემთ გაარკვიოთ, რომ არსებულ და თქვენთვის შემოთავაზებულ სისტემებში ამ სისტემის ყოველი შემადგენელი აქსესუარი „კნაუფის“ წარმოებისაა. რა თქმა უნდა მხოლოდ „კნაუფის“ პროდუქცია არ არის იმის გარანტი, რომ თქვენ სრულფასოვან და მაღალხარისხიან სისტემას მიიღებთ, თუ ამ მასალების დამამუშავებელი ხელოსანი ან მემონტაჟე ასევე სერტიფიცირებული არ არის. მართალია, საზოგადოება უკვე კარგად იცნობს „კნაუფის“ პროდუქციას, მაგრამ კიდევ ერთხელ მინდა შეგახსენოთ და გითხრათ, რომ სეისმურად აქტიურ საქართველოში უაღრესად დიდი მნიშვნელობა ენიჭება მშენებლობაში მსუბუქი და მაღალი ხარისხის პროდუქციის გამოყენებას. ამიტომ გირჩევდით, როდესაც გადაწყვეტთ თქვენი ახალი სახლის ან ძველი ბინის მოპირკეთებას, აირჩიეთ „კნაუფის“ პროდუქცია და მისი სისტემები შიდა და გარე მოპირკეთებისათვის, რომლებიც არის სეისმომედეგობის, ხანძარმედეგობის, თბოიზოლაციისა და ხმის იზოლაციის გარანტი. სწრაფად და ხარისხიანად თქვენ შეგიძლიათ მიიღოთ უმაღლესი ხარისხის შიდა მოპირკეთება − სწორედ ისეთი, რომელსაც იყენებს თანამედროვე მსოფლიო.
