კიტ ჰარინგტონი და როუზ ლესლი იმ ჰოლივუდურ წყვილებს შორის არიან, რომლებიც პირად ცხოვრებას კამერების მიღმა ტოვებენ. თუმცა ამჯერად წყვილმა გადაწყვიტა ძალიან სასიამოვნო საიდუმლო გაემხილა საზოგადოებისთვის. კიტმა გადაცემა The Tonight Show with Jimmy Fallon-ში სტუმრობისას განაცხადა, რომ მეუღლესთან ერთად მეორე შვილს ელოდება. შეგახსენებთ, რომ მათ პირველი შვილი 2021 წლის თებერვალში შეეძინა.
კიტ ჰარინგტონმა და როუზ ლესლიმ ერთმანეთი საკულტო სერიალის “Game of Thrones”-ის გადაღებებზე გაიცნო და 2017 წელს ნიშნობის შესახებ განაცხადა. წყვილი ქორწინების შემდეგ ხუთი წელია ერთადაა.
