კენკრის ჯანსაღი სალათი პიტოსგან
ზაფხული მიიწურა, მაგრამ მისი გაშვება ჯერ არ გვინდა. ხავერდოვანი სეზონი ისევ მსუბუქად კვების განწყობაზე გვაყენებს. სწორედ ამიტომ, ისევ ფერად, ჯანსაღ და ხალისიან რეცეპტს გიზიარებთ მრავალფეროვანი არომატით. პიტოს კერძი იხატება თვალსა და ხელს შუა, აქ ფერების თამაშს დიდი მნიშვნელობა აქვს. ვიზუალი გკარნახობს გემოს და პირიქით, გემო – ვიზუალს. პიტოს „კონცეპტ სივრცე“ მთლიანად ხელოვნების ნიმუშია, აქ ყველაფერი ლამაზი, გემრიელი და კომფორტულია.
ინგრედიენტები:
- ჟოლო – 150 გრამი;
- მაყვალი – 100 გრამი;
- აისბერგი – ძირითადი მასისთვის;
- რუკოლა – პატარა კონა;
- Klein Expor ნუში – 100 გრამი;
- ყველი პარმეზანი „გრანაროლო“ – 50 გრამი
- ლიმონი – 1 ცალი;
- ZUCCHI – ორგანული ვაშლის ძმარი გემოვნებით;
- ბროწეულის წვენი, სასურველია, ფრეში – 200 გრამი;
- ორგანული კარაქი – Lurpak/ლურპაკი – 50 გრამი.
მომზადების წესი:
სალათის ფოთლები და რუკოლა გავათავისუფლოთ უხეში ნაწილებისგან, ხელით დავამტვრიოთ, ყველი გავხეხოთ.
სოუსი: ბროწეულის წვენი, ჟოლო და ლიმონის წვენი წამოვადუღოთ კარაქში.
დიდ თეფშზე მოვათავსოთ ყველა ინგრედიენტი, მოვასხათ ძალიან ცოტა ძმარი და ბოლოში სოუსი.
და, რა თქმა უნდა, ვარდისფერი მარილი და პილპილი გემოვნებით.
View this post on Instagram
