ზოგჯერ ადამიანი ფიქრობს, რომ ჯანსაღი ცხოვრების წესი გულისხმობს მხოლოდ ჯანსაღ კვებას და ვარჯიშს. ჯანდაცვის მსოფლიო ორგანიზაციის განმარტებით, „ჯანმრთელობა არის ფსიქიკური, ფიზიკური და სოციალური ყოფის მდგომარეობა და არა მხოლოდ დაავადების არარსებობა“. შესაბამისად, ჯანსაღი ცხოვრების წესი არ არის მხოლოდ დიეტა და ვარჯიში − ეს უფრო ფართო ცნებაა, რომელიც მოიცავს მენტალურ ჯანმრთელობას, სოციალურ ურთიერთობებს და სხვ.
ჯანსაღი ცხოვრების წესი ხასიათდება, როგორც დაბალანსებული ცხოვრება, რომელსაც თავად ვირჩევთ. ეს არის ადამიანის არჩევანი, რომელიც გავლენას ახდენს მის ჯანმრთელობაზე.
ჯანსაღი ცხოვრების წესი შედგება:
სხეულისთვის:
ვარჯიში
ჯანსაღი კვება
დასვენება
სტრესის მართვა.
ემოციური კეთილდღეობა თქვენი გონებისთვის:
სასიამოვნო გარემოცვა და ურთიერთობები.
შინაგანი სიმშვიდე.
ჰობი
მიიღეთ და გაეცით ემოციები:
სიყვარული და ემპათია.
ბედნიერების განცდა.
მხიარული განწყობის შექმნა.
ჯანსაღი ცხოვრების წესის კომპონენტები:
ჯანსაღი კვება
ეს მთავარი კომპონენტია. თქვენს ორგანიზმს ყოველდღიურად სჭირდება დაბალანსებული დიეტა, რათა შეინარჩუნოს სათანადო რაოდენობით ვიტამინები, საკვები ნივთიერებები და მინერალები, რომლებიც საჭიროა ჯანსაღი სხეულის არსებობისთვის.
აქტიური ცხოვრების წესი
რაც გულისხმობს, რომ ფიტნესი უნდა გახდეს თქვენი ცხოვრების ნაწილი. ფიზიკური ვარჯიში გეხმარებათ სასურველი წონის შენარჩუნებაში, ძილის მოწესრიგებაში, სხვადასხვა დაავადების თავიდან აცილებაში. ის ახანგრძლივებს თქვენს სიცოცხლეს.
სტრესის მართვა
ემოციური სტრესი მნიშვნელოვან როლს ასრულებს სხვადასხვა დაავადებაში, როგორც პირდაპირ, ისე ირიბად. როცა ადამიანი სტრესულ მდგომარეობაშია, ბევრს ეწევა, მიირთმევს, სვამს და კამათობს სხვებთან. სწორედ ამიტომ, სტრესის მართვა ჯანსაღი ცხოვრების მნიშვნელოვანი ნაწილია. განტვირთვა დაგეხმარებათ მის დაძლევაში.
გააძლიერეთ თქვენი გონება და სხეული
უპირველესად, უნდა გიყვარდეთ საკუთარი თავი. თვითშეფასება აიმაღლეთ და მომართეთ თქვენი გონება სრული წარმატებისთვის. არ მიეძალოთ ნეგატიურ ფიქრებს. გახსოვდეთ, საკუთარი აზრების კონტროლით გააუმჯობესებთ თქვენს ცხოვრებას.
ამ ყველაფრის გათვალისწინება, შეგრძნება და შესრულება დაგეხმარებათ საკუთარ თავთან ბალანსის მიღწევაში და კომფორტულად ყოფნაში.
