14 ოქტომბერს, Retail Group Georgia-მ ქალის ტანსაცმლისა და აქსესუარების ბრენდ IPEKYOL-ის რიგით მეორე მაღაზია წარადგინა სითი მოლში საბურთალოზე. მაღაზია ცენტრალურ ატრიუმში, იდეალურ ლოკაციაზეა წარმოდგენილი, რაც დამატებითი კომფორტია ბრენდის მომხმარებლებისთვის.
ბრენდის ლოიალურმა მომხმარებლებმა ზუსტად იციან, რომ აქ თანამედროვე და მოდურ სამოსს შეიძენენ როგორც ყოველდღიური, ასევე განსაკუთრებული შემთხვევებისთვის.
ახალი სეზონის მოსვლასთან ერთად, გარდერობის განახლება ყველას გვიწევს. შესაბამისად, ყველას გვჭირდება მრავალფუნქციური და მოდური ნივთები, რომლებსაც სხვადასხვა სიტუაციას მოვარგებთ და შევქმნით იდეალურ შემოდგომა-ზამთრის კაფსულა კოლექციას.
IPEKYOL-ის შემოდგომა-ზამთრის კოლექციაში წარმოდგენილია ყოველდღიური სტილის სამოსი, ფემინური შტრიხებით, ჭარბობს ვინტაჟური სტილის პიჯაკები და შარვლები, ტიულის ქსოვილის ულამაზესი ბლუზები, მაღალწელიანი შარვლები.
ამავე კოლექციაში, აღმოაჩენთ გათანამედროვებულ, 1980-1990-იანი წლების გავლენებით შექმნილ მოდელებს, რომლებიც მუდმივად შეგიძლიათ გქონდეთ გარდერობში და არასდროს დაკარგავს აქტუალობას: თრენჩი გამორჩეული დეტალებით, რომელიც განსაკუთრებულობის შეგრძნებას მოგანიჭებთ, ელეგანტური კაბები და ბლუზები, ტვიდის პიჯაკები კლასიკური შტრიხებით.
აქსესუარი ჩვენი იმიჯის უმნიშვნელოვანესი ნაწილია. პატარა დეტალსაც შეუძლია, მთლიანი ლუქი სრულყოფილად წარმოაჩინოს, სწორედ ამიტომ IPEKYOL განსაკუთრებულ მნიშვნელობას ანიჭებს ფეხსაცმელებისა და აქსესუარების მიმართულებასდა თითოეულ დეტალში იგრძნობა ბრენდის იდენტობა.
