ასეთ ადამიანზე ამბობენ, რომ ბედნიერ ვარსკვლაზე დაიბადა და 67 წლის დოროთი ფლეტჩერი თავს ნამდვილად იღბლიან ადამიანად უნდა თვლიდეს.
7 ნოემბერს, ლივერპულელი ქალბატონი მანჩესტრიდან ფლორიდის მიმართულებით, შვილის ქორწილზე დასასწრებად მიფრინავდა, როდესაც გულმკერდის არეში ძლიერი ტკივილი იგრძნო და გონება დაკარგა. არავინ იცის, როგორ დასრულდებოდა ეს შემთხვევა, რომ არა თვითმფრინავში მყოფი 15 კარდიოლოგი, რომელიც კარდიოლოგების კონფერენციაზე მიემგზავრებოდა.
The Telegraph-ის ინფორმაციით, როდესაც ბორტგამცილებელმა იკითხა იყო თუ არა თვითმფრინავში ექიმი, ადგილიდან 15 კარდიოლოგი წამოდგა. ექიმებმა 67 წლის ქალბატონს პირველადი დახმარება აღმოუჩინეს და შეძლეს, რომ სიცოცხლისთვის საშიში შეტევა აღეკვეთათ.
პილოტმა თვითმფრინავი ჩრდილოეთ კაროლინაში დასვა, სადაც ქალბატონი ფლეტჩერი ინტენსიური თერაპიის განყოფილებაში გადაიყვანეს.
„წარმოდგენაც კი არ შემეძლო, რა მოხდა. ამ კეთილმა ადამიანებმა სიცოცხლე მაჩუქეს. ჩემი ქალიშვილი ჩემთან ერთად იყო და წარმოიდგინეთ, რა მდგომარეობაში აღმოჩნდა, როდესაც ამდენი ექიმი დაეხმარა. მინდა მათ მადლობა გადავუხადოთ, მაგრამ ჩვენთვის მათი ვინაობა უცნობია. იმის გარდა, რომ ორლანდოში, კარდიოლოგების კონფერენციაზე მიდიოდნენ არაფერი ვიცით“ – განაცხადა მოგვიანებით ფლეტჩერმა.
გულის შეტევის შემდეგ, დოროთიმ ორი დღე შარლოტის სამედიცინო ცენტრში გაატარა, მომდევნო კვირას კი შვის ქორწილს დაესწრო, რომელიც კისიმში, ბერკლის ტბაზე გაიმართა.
„ეს ჩემთვის საუკეთესო და ამავე დროს, ყველაზე ცუდი წელი იყო. ჩვენ მუდამ მადლობელი ვიქნებით იმისთვის, რომ დედაჩემი გადარჩა და ვგეგმავთ ახალი წელს დიდი მადლიერებით შევხვდეთ ამ კარდიოლოგებისა და ავიაკომპანიის მიმართ. დედა დღეს ჩვენთან ვერ იქნებოდა, რომ არა ეს ექიმები, მაგრამ ჩვენ მათი სახელებიც კი არ ვიცით, ამ დრომდე არ ვიცით” – აღნიშნა დოროთის 32 წლის ქალიშვილმა, კრისტინ პენმენმა.
ასევე დაგაინტერესებთ
#OK! ავღანეთში ოთხი ახალგაზრდა Peaky Blinders-ის სტილის ჩაცმულობის გამო დააკავეს
