თუ ჯერ კიდევ არ იცი, სად დაისვენო ამ ზაფხულს, ჟურნალი OK! გირჩევთ ადგილს, სადაც კომფორტი და ბუნება ჰარმონიულად ერწყმის ერთმანეთს. ბათუმის მწვანე კონცხზე, ბოტანიკური ბაღის სიახლოვეს, ზღვასთან ახლოს მდებარე Greenwood Hotel იდეალურია მათთვის, ვინც ყოველდღიურობისგან გაქცევას და სრულფასოვან განტვირთვას ეძებს. სასტუმროს შესახებ უფრო ვრცლად Greenwood Hotel • Restaurant & Spa-ს მარკეტინგის მენეჯერი, მარიკა იაკობაძე გვესაუბრა.
როგორია Greenwood Hotel, Restaurant & Spa-ს შექმნის ისტორია?
Greenwood-ის ისტორია იწყება იდეიდან, შეგვექმნა ისეთი ადგილი, სადაც თანამედროვე კომფორტი და ბუნება ერთმანეთთან თანხვედრაშია. სასტუმრო უკვე მეორე წელია ბაზარზეა, თუმცა მისი კონცეფცია ჯერ კიდევ წლების წინ დაიბადა, დღეს კი Greenwood Hotel, Restaurant & Spa არის ადგილი, სადაც თითოეულ სტუმარს შეუძლია განიტვირთოს, დაიმუხტოს ბუნების ენერგიით და იგრძნოს თავი როგორც საკუთარ სახლში.
მწვანე კონცხზე, შავი ზღვის სანაპიროსთან და ბოტანიკური ბაღის მახლობლად მდებარეობა სწორედ იმ ენერგეტიკას ატარებს, რაც სასტუმროს კონცეფციას ორგანულად ერგება.
გვესაუბრეთ სერვისებზე, რას სთავაზობთ საზოგადოებას?
სტუმრებს ვთავაზობთ სრულყოფილ დასვენებას როგორც ინდივიდუალურად, ისე ოჯახთან ერთად, მორგებული ვართ სოლო თუ ბიზნესმოგზაურებზე.
სასტუმრო სთავაზობს: 74 ნომერს ზღვისა და ბუნების ხედებით, მათ შორის ტერასიანი ლუქს ოთახები და კერძო ჯაკუზით მოწყობილი სუითები;
რესტორან Lovati-ს, რომელიც სტუმრებს ქართული და ევროპული სამზარეულოს დახვეწილი ტანდემით უმასპინძლდება;
უნიკალურ Spa სივრცეს – არომათერაპია, მასაჟის სერვისები, თურქული ჰამამი, ფინური საუნა და დახურული აუზი;
ბავშვებისთვის – უსაფრთხო სათამაშო ზონა და სპეციალური საბავშვო მენიუ;
ტერასებს ხედებით, სადღესასწაულო ან კერძო ღონისძიებებისთვის.
რა ბენეფიტები აქვს Greenwood Hotel-ს, რატომ უნდა გავაკეთოთ არჩევანი მასზე?
სასტუმროს მთავარი უპირატესობა არის ბუნებრივ გარემოსთან ჰარმონიულად შერწყმული თანამედროვე მომსახურება. ეს ბალანსი ჩვენს სტუმრებს აძლევს დასვენების სრულიად ახალ ხარისხს.
გარდა ამისა, ჩვენ გვაქვს ეკომეგობრული მიდგომა არქიტექტურასა და ყოველდღიურ საქმიანობაში.
სტრატეგიული მდებარეობა – ზღვისპირა სიმშვიდე, ქალაქის ცენტრიდან მხოლოდ 10 წუთში;
მაღალი ხარისხის სპა და კულინარიული გამოცდილება.
გვესაუბრეთ სასტუმრო Greenwood Hotel-ის გუნდზე
Greenwood-ის გუნდი არის ჩვენი ყველაზე ღირებული რესურსი. თითოეული თანამშრომელი გულით ეკიდება სტუმრებს და ისწრაფვის შექმნას არა უბრალოდ მომსახურება, არამედ ემოცია. ჩვენი გუნდი შედგება პროფესიონალებისგან, რომელთაც მრავალწლიანი გამოცდილება აქვთ როგორც საერთაშორისო, ისე ადგილობრივ მასპინძლობის სექტორში. აქ თანამშრომლობა დაფუძნებულია ურთიერთპატივისცემასა და მუდმივ განვითარებაზე.
შემდგომი განვითარებისთვის რა გაძლევთ მოტივაციას?
ჩვენთვის მოტივაციის წყაროა სტუმრების კმაყოფილება. როცა ადამიანები კვლავ და კვლავ ირჩევენ „გრინვუდს“ დასასვენებლად, ვრწმუნდებით, რომ სწორი სტრატეგია გვაქვს და ეს შედეგი არის უზარმაზარი მოტივაცია.
ასევე, მუდმივი ინოვაციები ტურიზმის სფეროში გვიბიძგებს, ვიყოთ ცვალებად ტენდენციებთან ადაპტირებული და გავაუმჯობესოთ ყველა დეტალი – მომსახურებიდან ვიზუალურ კომუნიკაციამდე.
დაბოლოს, როგორ გესახებათ Greenwood Hotel-ის მომავალი, რა სიახლეებს ჰპირდებით მომხმარებელს?
მომავლის ხედვა ეფუძნება განვითარებას ეკომეგობრულ და მაღალი ხარისხის სტუმართმოყვარეობაზე. ვგეგმავთ დამატებით სერვისებს სპა-სივრცეში, ვმუშაობთ სეზონური და არასეზონური მომსახურების დივერსიფიკაციის კონცეფციაზე, ასევე, იგეგმება რამდენიმე თემატური ღონისძიება და ოჯახური აქტივობები, რაც სასტუმროს კიდევ უფრო მრავალმხრივ და უნიკალურ სივრცედ გახდის.
Greenwood დარჩება ერთგული თავისი ძირითადი იდეისადმი – იყოს ჰარმონიის, სიმშვიდისა და ხარისხის სივრცე ყველასთვის, ვინც ბედნიერ დასვენებას ეძებს.
ტექსტი: სოფიო მალანია
ფოტო: ლაურა ზოიძე, გიორგი ივანიშვილი
