თბილისში ახალი საერთაშორისო ბრენდის დიზაინ-სასტუმრო − Golden Tulip Design Tbilisi გაიხსნა. აქ წარმოდგენილი სამუშაო სივრცეები და საკონფერენციო დარბაზი ქართულ ბაზარზე სრულიად ახალი პროდუქტია. აღნიშნული სივრცეები იდეალურია თქვენი ოფიციალური შეხვედრისა თუ სემინარის ჩასატარებლად. აღნიშნულ თემაზე, ჟურნალ OK!-ის Golden Tulip Design Tbilisi-ის მარკეტინგის მენეჯერი, სოფო აზარიაშვილი ესაუბრა.
სოფო, Golden Tulip-ის ბრენდის ქვეშ, თბილისში პირველი სასტუმრო გაიხსნა. უფრო მეტი გვიამბეთ საერთაშორისო ბრენდის შესახებ.
Golden Tulip მსოფლიოს წამყვანი მულტიბრენდული სტუმარ-მასპინძლობის ჯგუფის − Louvre Hotels-ის სტრატეგიული ბრენდია, რომელიც ინდუსტრიაში ახალი, ინოვაციური მიდგომების დანერგვაზეა ორიენტირებული. ამჟამად ჯგუფი 54 ქვეყანაში 1 600 სასტუმროს მართავს.
Playtime. Anytime – ეს არის ბრენდის სლოგანი. შესაბამისად, აქ დიდ ყურადღებას ვაქცევთ თითოეულ მცირე დეტალს, რადგან მიგვაჩნია, რომ ყოველი წუთი კარგი განწყობის ახალი შანსია. ამ კონცეფციას ეხმიანება სასტუმროს ყველა სერვისი და შესაბამისად, საკონფერენციო სივრცეებიც.
გვესაუბრეთ თქვენი სასტუმროს ინოვაციურ სამუშაო და საკონფერენციო სივრცეებზე.
უპირველესად, მინდა აღვნიშნო, რომ ჩვენი პროფესიონალებისგან შემდგარი გუნდი მზადაა ნებისმიერი ტიპის ივენთის წარმატებით ორგანიზებისთვის − იქნება ეს ოფიციალური შეხვედრა თუ კორპორაციული ღონისძიება.
TITA Conference და Creative Room-ები სრულად აღჭურვილია თანამედროვე აუდიო-ვიზუალური ტექნიკით. ორივე სივრცეში განთავსებულია ულტრათანამედროვე მონიტორი, რომელიც ეკრანს, პროექტორსა და კომპიუტერს აერთიანებს. მნიშვნელოვანია, რომ მონიტორი ადაპტირებულია ყველა ტიპის ელექტრონულ მოწყობილობასთან და გამოირჩევა მაღალი ხარისხის გამოსახულებითა და გახმოვანების სისტემით.
TITA Conference Room საუკეთესო არჩევანია სხვადასხვა ტიპის ღონისძიებისთვის. აქ შეგიძლიათ დაგეგმოთ კონფერენცია, სემინარი, ან ნებისმიერი საქმიანი ღონისძიება. დარბაზში 60 ადამიანის განთავსებაა შესაძლებელი.
Creative Room სრულიად გამორჩეული სივრცეა. დღეს განსაკუთრებული მოთხოვნაა ვორქშოფისა და თიმ-ბილდინგისთვის ჩასატარებელ ლოკაციებზე, აქ არსებული შემოქმედებითი ატმოსფერო კი საქმიანობის უკეთ განხორციელებაში დაგეხმარებათ. სპეციალურად განტვირთვისთვის არის შექმნილი დიზაინერული ICONIC-ავეჯი, რომელიც საზღვარგარეთ დამზადდა. ბრეინშტორმინგის დროს პირდაპირ ოთახის კედლებზე შეგიძლიათ ნებისმიერი იდეის ჩანიშვნა. აქ ასევე დაგხვდებათ ქართული ბორდ-გეიმები, რომლებიც შესვენებაზე დროის ხალისიანად გატარებაში დაგეხმარებათ.
როგორც ვიცით, სასტუმროში განსაკუთრებული ადგილი უჭირავს რესტორნებს. საკონფერენციო დარბაზის სტუმრები რამდენად შეძლებენ ამ სივრცეებით სარგებლობას?
დიახ, სტუმრებს საშუალება ექნებათ, ყავის შესვენება ან ლანჩი სასტუმროს რესტორნებში მიირთვან, საიდანაც ძველი თბილისის დაუვიწყარი პანორამული ხედი იშლება. Golden Tulip Design Tbilisi სამი განსხვავებული კონცეფციის რესტორანს აერთიანებს: „ტიტა რესტორანი“, „ტიტა ტერასა“ და Coffee & Co, რომელიც სტუმრებს განსაკუთრებული ტექნოლოგიით და ქართული არომატებით გამდიდრებულ საერთაშორისო სამზარეულოს კერძებს სთავაზობს.
