#OK! Emily In Paris ბრუნდება: ნეტფქლისი სერიალის მეორე სეზონის ოფიციალურ თრეილერს აქვეყნებს

ნეტფლიქსის ბოლოდროის ერთ-ერთი ყველაზე პოპულარული რომანტიკული კომედია Emily In Paris მეორე სეზონით ეკრანებს 22 დეკემბერს უბრუნდება.

ნეტფლიქსის ოფიციალურმა გვერდმა რამდენიმე საათის წინ სერიალის ახალი სეზონის თრეილერი გაავრცელა.

კომპანია, რომელშიც სერიალის მთავარი გმილი ემილი კუპერი მუშაობს, ნაკლებად კეთილგანწყობილი თანამშრომლებითაა სავსე, რომლებიც მას ფრანგული ენის არცოდნის გამო კიდევ უფრო მეტ პრობლემას უქმნიან. პირველი სეზონის განმავლობაში ემილი ცდილობს ფრანგულ მარკეტინგულ ფირმაში მომუშავე პერსონალს საკუთარი გამოცდილება გაუზიაროს და ამერიკულ კულტურასთან შერწყმით მათ სამუშაოს სიახლე შესძინოს.

ემილის ახალი ცხოვრება თავგადასავლებითა და გამოწვევებითაა სავსე. მიუხედავად ბევრი წინააღმდეგობისა, ის ფარხმალს არ ყრის და საკუთარ პოზიციას ყოველთვის მყარად იცავს, ემილი გამუდმებით სამსახურზე ფიქრობს და კომპანიისთვის სოციალური მედიის სტრატეგიის შექმნას ცდილობს. მას სურს კარგი შთაბეჭდილება მოახდინოს უფროსზე და ფრანგული მარკეტინგული ფირმის მოდერნიზაციისთვის ახალ იდეებზე მუშაობს.