Netflix-ის ბოლო დროის ერთ-ერთი ყველაზე პოპულარული რომანტიკული კომედის მეორე სეზონის პრემიერამდე ძალიან ცოტა დრო რჩება.
View this post on Instagram
სერიალის ოფიციალურ ინსტაგრამ გვერდზე რამდენიმე საათის წინ ახალი პრომო ვიდეო გავრცელდა, სადაც Emily In Paris-ის ვარსკვლავი ანუკი არეშიძის კაბით გამოჩნდა.
ლილი კოლინზმა ქართველი დიზაინერის სამოსი TATA PR AGENCY-ის დახმარებით მოირგო.
მაყურებელი Netflix-ის ერთ-ერთი ყველაზე პოპულარული რომანტიკული კომედიის ახალ სეზონს 22 დეკემბერს იხილავს.
კომპანია, რომელშიც სერიალის მთავარი გმილი ემილი კუპერი მუშაობს, ნაკლებად კეთილგანწყობილი თანამშრომლებითაა სავსე, რომლებიც მას ფრანგული ენის არცოდნის გამო კიდევ უფრო მეტ პრობლემას უქმნიან. პირველი სეზონის განმავლობაში ემილი ცდილობს ფრანგულ მარკეტინგულ ფირმაში მომუშავე პერსონალს საკუთარი გამოცდილება გაუზიაროს და ამერიკულ კულტურასთან შერწყმით მათ სამუშაოს სიახლე შესძინოს.
ემილის ახალი ცხოვრება თავგადასავლებითა და გამოწვევებითაა სავსე. მიუხედავად ბევრი წინააღმდეგობისა, ის ფარხმალს არ ყრის და საკუთარ პოზიციას ყოველთვის მყარად იცავს, ემილი გამუდმებით სამსახურზე ფიქრობს და კომპანიისთვის სოციალური მედიის სტრატეგიის შექმნას ცდილობს. მას სურს კარგი შთაბეჭდილება მოახდინოს უფროსზე და ფრანგული მარკეტინგული ფირმის მოდერნიზაციისთვის ახალ იდეებზე მუშაობს.
