სამშენებლო კომპანია Dv Development-ის შესახებ გიამბობთ, რომელიც პრემიუმხარისხის საცხოვრებელი სივრცის შექმნაზეა ორიენტირებული და უპირველესი მნიშვნელობა ენიჭება ნაგებობების უსაფრთხოებასა და მდგრადობას. კომპანიის მთავარი მიზანი არის ქუთაისში თანამედროვე არქიტექტურისა და სტანდარტების საცხოვრებელი კომპლექსების განვითარება, სწორედ ამიტომ მუშავდება მასშტაბური და უნიკალური პროექტები, სადაც პრიორიტეტია ხარისხიანი, თანამედროვე სტანდარტებზე მორგებული, ინოვაციური არქიტექტურის მქონე პროდუქტის შეთავაზება. კომპანიის პირველი პროექტი – ჭავჭავაძე Residence წარმოადგენს პირველ განსხვავებული კონცეფციის პროექტს ქუთაისში და მოიცავს 2000 m² ეზოს, სარეკრეაციო ზონებს, საბავშვო სივრცეს, გამწვანებულ ტერასას, ღია ავტოსადგომებს, ვიდეოკონტროლს 24/7-ზე.
პირველად ქუთაისის არქიტექტურაში წარმოდგენილია ექსტერიერის ვერტიკალური გამწვანება. გამწვანებული არქიტექტურა თანამედროვე ქალაქების მიკროკლიმატის გაუმჯობესების ერთ-ერთი ქმედითი და ესთეტიკური საშუალებაა. შემინული აივნები ბინას პრესტიჟულობას სძენს, გათვალისწინებულია უსაფრთხოების სისტემები, კერძოდ, ხანძრის უსაფრთხოება. ყველა ბინა აღჭურვილია ხანძრის დეტექტორებით. ფასადზე გამოყენებულია უძრავი ვერტიკალური დარაბები, რომელიც ფასადს ამსუბუქებს და გამოირჩევა არა მხოლოდ დეკორატიული დატვირთვით, არამედ შესაძლებელს ხდის მზის ნაკადების მართვას და ხილვადობის შემცირებას. აქვეა კეთილმოწყობილი ლობი, ტექნიკური ოთახები ყველა სართულზე, სადაც განთავსებული იქნება ყველა მრიცხველი, რომელიც შეუნარჩუნებს სადარბაზოს ესთეტიკურ იერსახეს და უზრუნველყოფს მობინადრეების მაქსიმალურ კომფორტს.
აღსანიშნავია პროექტის ენერგოეფექტურობა, რომლის საშუალებითაც მობინადრე შეძლებს ენერგოდანახარჯების დაზოგვას. ალუმინის კარ-ფანჯარა და იზობლოკი ამცირებს ცივი მასების შეღწევას შიგნით და პირიქით, თბილი მასების დაკარგვას შენობიდან. პროექტის პარტნიორია „საქართველოს ბანკი“ და მოქმედებს განსაკუთრებული გადახდის პირობები ბანკის მომხმარებლებისთვის. პროექტის მშენებლობა დასასრულს უახლოვდება, შესრულებულია სამუშაოების 85%.
