Duchi − ეს არის სამკაულების ქართული ბრენდი, რომელიც სრულიად განსხვავებული, ორიგინალური და დახვეწილი დიზაინის პროდუქციას სთავაზობს მომხმარებელს. თუ გსურთ თქვენი ყოველდღიური Look‑ები უფრო საინტერესო და თვალშისაცემი იყოს, მაშინ სწორ ადგილას მოხვდით, რადგან Duchi საუკეთესო არჩევანია. მანამდე კი წაიკითხეთ ინტერვიუ ბრენდის დამფუძნებელ თემო ყანჩაველთან და დიზაინერ ანა შუბითიძესთან.
როდის და როგორ გაგიჩნდათ ბრენდის დაარსების იდეა?
ქართული ბრენდი Duchi უკვე ხუთი წელია, რაც ქართულ ბაზარზე ოპერირებს. თავდაპირველად, გვქონდა სხვადასხვა მიმართულება, ვმუშაობდით ნატურალურ ტყავზე, თუმცა მეორე წელია, რაც ჩვენი ნიშა გამოვკვეთეთ და მეტალზე დავიწყეთ მუშაობა.
ბრენდის დაარსების იდეა ჩემს მეუღლეს გაუჩნდა, როდესაც ერთ ჩვეულებრივ დღეს გამოხსნა კარადა და თავისი ძველი ქამრისგან შექმნა საყურე. ძალიან ლამაზი გამოვიდა და გადავწყვიტეთ სერიოზულად მოვკიდებოდით ამ საქმეს.
როგორი იყო ბრენდის განვითარების ეტაპები?
თავდაპირველად, მივედით ქართველი დიზაინერების შოურუმში და შევთავაზეთ ჩვენი იდეა, რაც მათთვისაც მისაღები აღმოჩნდა და მას შემდეგ დავიწყეთ მათთან თანამშრომლობა.
შემდგომი ეტაპი იყო გაყიდვების გაზრდა, მომხმარებლების მხრიდან პროდუქციაზე მოთხოვნა. დავიწყეთ ახალი თანამშრომლობები და ჩვენი ნამუშევრების საზღვრებს გარეთ გატანა.
რატომ Duchi?
ჩვენს შვილს ვეძახით დუდუს/დუჩის და სწორედ ამ სახელწოდებიდან გამომდინარე, გადავწყვიტეთ ბრენდისთვის დაგვერქმია Duchi.
გვესაუბრეთ პროდუქციაზე, რომელსაც მომხმარებელს სთავაზობთ.
მომხმარებელს ვთავაზობთ საყურეს, ყელსაბამებს, ბეჭდებს და ახლო მომავალში ქუდების დამატებას ვგეგმავთ.
ასევე, გვაქვს მონეტები, ძველი ქართული დამწერლობით, მონეტა შოთა რუსთაველის პორტრეტით. გარდა ამისა, მონეტა თამარ მეფის კოლექციიდან, რამაც ძალიან დიდი მოწონება და გამოხმაურება დაიმსახურა საზოგადოების მხრიდან. ეს უფრო მეტ მოტივაციას გვძენს.
როგორ ფიქრობთ, რა განასხვავებს Duchi-ს სხვებისგან?
Duchi არ ჰყავს ბევრი სხვა ბრენდის პროდუქციას. განსხვავებული სტილი და ნიშა გვაქვს. ინსპირირება ხდება ყოველი დღით, წუთით, მომენტით. არ ვართ მოქცეული ჩარჩოებში, ვართ სრულიად თავისუფალნი და ვქმნით იმას, რაც ჩვენ გვსურს. ვფიქრობ, სწორედ ეს ხდის ჩვენს სამკაულებს უფრო საინტერესოსა და ინდივიდუალურს.
რომელ მასალას იყენებთ სამკაულებში?
ჩვენ ძირითადად ვმუშაობთ ვერცხლზე, ოქროზე, თითბერზე. ასევე, ვიყენებთ ნატურალურ მარგალიტსა და ძვირფას თვლებს.
ვინ არიან თქვენი ძირითადი მომხმარებლები?
როგორც უნდა გასაკვირი იყოს, გასული ორი წლის განმავლობაში ჩვენი მომხმარებლები იყვნენ სხვა ქვეყნებიდან, ანუ ქართული ბაზარი იმდენად აქტუალური არ იყო, როგორც უცხოური. ბოლო ერთი წელია, რაც აქტიურად გაიზარდა გაყიდვები ქართულ ბაზარზე, რაც ძალიან გვახარებს. გვსურს რაც შეიძლება ბევრმა ადამიანმა შეიტყოს ჩვენ შესახებ.
სად შეგვიძლია პროდუქციის შეძენა?
პროდუქციის შეძენა შესაძლებელია ჩვენი ინსტაგრამ-გვერდიდან Duchi_official და იმ პარტნიორ მაღაზიებში, რომლებთანაც ვთანამშრომლობთ არა მხოლოდ საქართველოში. შეძენა ასევე შესაძლებელია ქართველი დიზაინერების მაღაზიებში, მათ შორის − თბილისსა და ბათუმში.
როგორია ბრენდის სამომავლო გეგმები?
როგორც უკვე აღვნიშნე, ახლო მომავალში ჩვენს მომხმარებელს შესაძლებლობა ექნება შეიძინოს ჩვენი ბრენდის ქუდები. გარდა ამისა, ორ ახალ ქვეყანასთან ვიწყებთ თანამშრომლობას, რომლებიც გვთავაზობენ ექსკლუზივს.
Insta: duchi_official
Tel: 595904455
დამფუძნებელი: თემო ყანჩაველი
დიზაინერი: ანა შუბითიძე
