ზაფხული საუკეთესო დროა დასვენებისთვის. თუ ჯერ კიდევ არ იცით სად წახვიდეთ, ჟურნალი OK! გირჩევს ადგილს, რომელიც ნებისმიერი ასაკის ადამიანის გემოვნებას დააკმაყოფილებს. წარმოგიდგენთ საქართველოში პირველ პრემიუმ კლასის დასასვენებელ და საცხოვრებელ კომპლექსს – Dreamland Oasis Chakvi-ს, რომელიც მდებარეობს დაბა ჩაქვში, შავი ზღვის სანაპირო ზოლში. „ოაზისი“ აჭარის ულამაზესი და შთამბეჭდავი სიმწვანით არის გარშემორტყმული.
როგორ შეხვდა Dreamland Oasis Chakvi სეზონს?
მამისა ვარშალომიძე, სასტუმრო „დრიმლენდ ოაზისის“ აღმასრულებელი დირექტორის მოადგილე: „დრიმლენდ ოაზისი“ შექმნილია ქალაქის ტიპის საცხოვრებელი კომპლექსის კონცეფციით, რომელიც 13 ჰექტარზეა განთავსებული და აერთიანებს სასტუმროს, აპარტამენტებს, აუზებს, კეთილმოწყობილ სანაპირო ზოლს და სხვადასხვა კონცეფციის ბარებსა და რესტორნებს, ასევე გასართობ ცენტრებსა და აკვაპარკს. სიხარულით გაცნობებთ, რომ 2024 წლის ზაფხულის სეზონი „დრიმლენდ ოაზისში“ 15 ივნისს ოფიციალურად გრანდიოზული ღონისძიებით გაიხსნა. აქტივობები მორგებული იყო ყველა ასაკის დამსვენებელსა და სტუმარზე. ღონისძიების სტუმრებს შესაძლებლობა ჰქონდათ, დაუვიწყარი ემოციები შეეგროვებინათ ჩვენს ჯადოსნურ აკვაპარკში, ესარგებლათ 4 სხვადასხვა ღია აუზით, დაეგემოვნებინათ განსაკუთრებული კოქტეილები და კერძები ჩვენს თემატურ ბარებსა და რესტორნებში. ხოლო ბავშვებთან ერთად, ესარგებლათ საბავშვო და სპორტულ ზონებში დაგეგმილი აქტივობებით ან ენახათ მათთვის საინტერესო ფილმები 3D, 7D და 9D კინოთეატრებში.
მოლოდინი მიმდინარე წლისთვის ოპტიმისტურია და ვიმედოვნებთ, რომ წელს იქნება გამორჩეული წელი. მიუხედავად იმისა, რომ ზაფხულის სეზონზე ჩვენ ძალიან ბევრი ქართველი სტუმარი გვყავს, რაც ჩვენთვის დიდი პატივი და მოტივაციაა, გვაქვს მოლოდინი, რომ წელს უცხოელი ტურისტების დაინტერესება და რაოდენობაც საგრძნობლად მოიმატებს ჩვენს კომპლექსში. ჩვენ ნამდვილად გვაქვს ამბიცია და ამის ინფრასტრუქტურული შესაძლებლობა, რომ ჩვენს მომხმარებლებს ქვეყნიდან გაუსვლელად შევთავაზოთ ძალიან ხარისხიანი, საინტერესო და დასამახსოვრებელი ზაფხულის არდადეგები.
პირველ რიგში, ყველაზე მთავარი არის კომპლექსის მასშტაბურობა, გასართობი სივრცეებისა და აქტივობების სიმრავლე, რაც ნებისმიერ ასაკსა და კატეგორიაზეა გათვლილი. ასევე კვების ობიექტების მრავალფეროვნება და თემატურობა ცალსახად დიდ კომფორტს უქმნის თითოეულ სტუმარს. ჩვენთან ჩამოსულ დამსვენებელს არ სჭირდება ტერიტორიიდან გასვლა იმისთვის, რომ დამატებითი მომსახურებები მიიღოს, მათ ადგილზევე ხვდებათ მაღაზიები, საბავშვო ბაღი და ყველაფერი, რაც დასვენების დროს შეიძლება დასჭირდეს. თუმცა, არ შემიძლია არ აღვნიშნო, რომ ერთგული მომხმარებლების სიმრავლეს ასევე განაპირობებს მათ მიერ შეგროვებული დადებითი ემოციები და მოგონებები. სტუმარმასპინძლობის სფეროში ემოციური კავშირი სტუმართან და კარგი მოგონებების შექმნა აუცილებლად ნიშნავს ერთგულ სტუმარს, ჩვენ კი სიამოვნებით ვცდილობთ თითოეულისთვის განსაკუთრებული, დასამახსოვრებელი და დაუვიწყარი მოგონებების შექმნით კიდევ უფრო მეტი სტუმარი მოვიზიდოთ.
სამომავლო გეგმები როგორია?
ჩვენი ამოცანაა, თანაბრად მომხიბვლელი ვიყოთ როგორც სტუმრებისთვის, ასევე თანამშრომლებისთვის, რათა სტუმარს დაუვიწყარი მოგონებები და დასვენება დავუგეგმოთ. კვალიფიციური, მონდომებული და გადამზადებული კადრი აუცილებელია, ჩვენ კი ვცდილობთ ჩვენს თანამშრომლებს ყველა პირობა შევუქმნათ იმისთვის, რომ გავზარდოთ მომსახურების დონე და მათი დაინტერესება ჩვენთან გრძელვადიანი თანამშრომლობისთვის. ისევ გავმეორდები, რაც არ უნდა განსაკუთრებული ინფრასტრუქტურა გვქონდეს სტუმარმასპინძლობის სფეროში, ემოციას, მოგონებას და დაბრუნების სურვილს ვქმნით ჩვენ, ადამიანები, ვინც ამ სფეროში ვმოღვაწეობთ და გულწრფელი დამოკიდებულებით ვქმნით განსაკუთრებულ მომსახურებას. გარდა ამისა, გვაქვს მიმდინარე პროექტები, რომელსაც დაწვრილებით მოგვიანებით გაგაცნობთ. ამასთანავე, მომსახურების გაუმჯობესება, ქართველი და უცხოელი ტურისტების მოზიდვა და მათთვის განსაკუთრებულად გამორჩეული დასვენების მოწყობა ჩვენს უახლოეს გეგმებში ნამდვილად არის.
ტექსტი: სოფიო მალანია
ფოტო: არჩილ მანველიძე
