აშშ-ის პრეზიდენტის, დონალდ ტრამპის უფროსი ვაჟი, 47 წლის დონალდ ტრამპ უმცროსი 38 წლის მოდელზე ბეტინა ანდერსონზეა დანიშნული, რომელსაც თეთრ სახლში, საშობაო მიღებაზე ხელი სთხოვა.
აშშ-ის პრეზიდენტმა სადღესასწაულო მიღებაზე სიტყვით გამოსვლის შემდეგ განაცხადა, რომ მის უფროს ვაჟს საყვარელ ქალზე დაქორწინება სურს და მიკროფონი დონალდ ტრამპ უმცროსს გადასცა. პრეზიდენტის შვილის თქმით, ბეტინა ანდერსონს დაქორწინება შესთავაზა და მისგან თანხმობა მიიღო.
Посмотреть эту публикацию в Instagram
„მინდა მადლობა გადავუხადო ბეტინას ამ ერთი სიტყვისთვის „დიახ“! როდესაც მასთან მიდიხარ, თითქოს რაღაცის თქმას ცდილობ, მაგრამ პასუხში დარწმუნებული არ ხარ, ეს ყოველთვის სანერვიულოა, მაგრამ მან თქვა „დიახ“ და ეს წლის ბოლოს დიდი გამარჯვებაა“, – თქვა ტრამპ უმცროსმა.
მოდელმა პრეზიდენტს და პირველ ლედის თეთრ სახლში მიწვევისთვის მადლობა გადაუხადა და დასძინა, რომ თავს „მსოფლიოში ყველაზე იღბლიან გოგოდ“ გრძნობს.
დონალდ ტრამპ უმცროსისა და ბეტინა ანდერსონის ურთიერთობა ერთი წლის წინ, მას შემდეგ დაიწყო, რაც პრეზიდენტის ვაჟი ხუთწლიანი ურთიერთობის შემდეგ Fox News-ის ყოფილ წამყვანს, კიმბერლი გილფოილს დაშორდა. ის ადრე ვანესა ჰეიდენზე იყო დაქორწინებული და მასთან ხუთი შვილი ჰყავს.
დონალდ ტრამპ უმცროსი ჩეხ მოდელთან, ივანა ტრამპთან დონალდ ტრამპის პირველ ქორწინებაში დაიბადა. მომავალ პრეზიდენტს ამ ქორწინებიდან კიდევ ორი შვილი – ქალიშვილი ივანკა და ვაჟი ერიკი შეეძინა. წყვილი 1992 წელს დაშორდა და ერთი წლის შემდეგ დონალდ ტრამპმა მარლა მეიპლსზე იქორწინა, რომელმაც მალევე ქალიშვილი, ტიფანი აჩუქა. წყვილი1999 წელს დაშორდა, ხუთი წლის შემდეგ კი დონალდ ტრამპმა მელანიაზე იქორწინა და მასთან ვაჟი, ბარონი შეეძინა.
ასევე დაგაინტერესებთ
#OK! კაი ტრამპი – როგორ ცხოვრობს დონალდ ტრამპის საყვარელი შვილიშვილი
