ამერიკის შეერთებული შტატების პრეზიდენტი სადავო და წინააღმდეგობრივი პერსონაა, ამიტომ ბევრ ადამიანში ის უარყოფით ემოციებს უფრო იწვევს ვიდრე აღფრთოვანებას. იგივეს ვერ ვიტყვით პრეზიდენტის საყვარელ შვილიშვილზე, რომელიც ყველას უყვარს. ვინ არის კაი ტრამპი, როგორც ცხოვრობს და რატომ უყვართ? – ამას ჩვენი სტატიიდან გაიგებთ.
საყვარელი შვილიშვილი
კაი პრეზიდენტის 11 შვილიშვილს შორის ყველაზე უფროსი და ერთადერთი შვილიშვილია, რომელზეც პრეზიდენტი საჯაროდ საუბრობს.
„ახლა ბაბუა ვარ და ეს მშვენიერია“ – თქვა თქვ დონალდ ტრამპმა 2007 წლის 12 მაისს, როდესაც მისი კაი დაიბადა.
გოგონასთვის სახელი შემთხვევით არ შეურჩევიათ – კაი დონალდ ტრამპის წინაპრის, დანიელი ჯაზის მუსიკოსის, კაი ევანსის პატივსაცემად დაარქვეს. ოჯახის წევრებისთვის მნიშვნელოვანი იყო ეჩვენებინათ, რომ მემკვიდრეობა და წინაპრების ხსოვნა მათთვის უბრალოდ სიტყვები არ არის.
გოგონას მშობლები – ბიზნესმენი დონალდ ტრამპ უმცროსი და მოდელი ვანესა ტრამპი ერთმანეთს 13 წლიანი ქორწინების შემდეგ, 2018 წელს დაცილდნენ. ამის მიზეზად ბიზნესმენის მუდმივი მოუცლელობა და ოჯახის მიმართ მედიის გაზრდილი ინტერესი დასახელდა, თუმცა ხუთი შვილის გამო წყვილმა თბილი ურთიერთობა შეინარჩუნა.
პრეზიდენტის მთავარი დამხმარე
2017 წელს, როდესაც დონალდ ტრამპის პირველი საპრეზიდენტო ვადა დაიწყო, კაი მხოლოდ 9 წლისა იყო, მეორე გამარჯვებამდე კი გაიზარდა და გარკვეულ წარმატებებსაც მიაღწია.
ახლახან, YouTube -ზე გამოჩნდა ვიდეო, სადაც კაი ბაბუასთან ერთად მსოფლიოში სამხედრო კონფლიქტების დასრულებაზე მსჯელობს.
„ის აშკარად ამერიკის პოლიტიკურ ცხოვრებაში სერიოზული მთავარი როლისათვის ემზადება “ – წერენ მაყურებლები კომენტარებში.
გოგონას კარიერის მთავარ მოვლენად დონალდ ტრამპის წინასაარჩევნო კამპანიის ფარგლებში, რეპუბლიკური პარტიის შეკრებაზე გამოსვლა იქცა. რასაკვირველია, კაიმ მხარი დაუჭირა საყვარელ ბაბუას და ტრიბუნიდან წარმოთქვა ფრაზა, რომელიც დღემდე ახსოვთ:
„ბევრმა ადამიანმა აიძულა ჩემი ბაბუა, რომ ჯოჯოხეთი გაევლო, მაგრამ ის მაინც ფეხზე დგას“.
სოცქსელებში კაის პოპულარობა ტრამპის ხელში ძლიერ იარაღად იქცა.
როგორ ცხოვრობს კაი ტრამპი?
კაი ტრამპი არ ჩქარობს, რომ თავი პრეზიდენტის მემკვიდრედ წარმოაჩინოს. გოგონა ბავშვობიდან გატაცებულია გოლფით, რეგულარულად მონაწილეობს ყველაზე პრესტიჟულ საერთაშორისო ტურნირ Ryder Cup-ში და მნიშვნელოვან სპორტულ წარმატებებსაც აღწევს.
ბაბუა და შვილიშვილი გოლფს ერთად ხშირად თამაშობენ, კამათობენ, იცინიან და ბოლოს ყოველთვის რიგდებიან. ერთ-ერთ ინტერვიუში კაიმ აღიარა, რომ ზოგჯერ ტრამპი გაკვეთილების მიმდინარეობის დროს ურეკავს მხოლოდ იმისთვის, რომ გოლფზე ელაპარაკოს.
სპორტულ ვარჯიშებსა და სხვადასხვა ღონისძიებებს შორის შესვენებებში 18 წლის კაი „ბენჯამინის სკოლის“ დამამთავრებელ კლასში სწავლობს, მომავალ წელს კი მაიამის უნივერსიტეტში ჩაბარებას გეგმავს.
ასეთ ახალგაზრდა ასაკში კაი უკვე საკუთარი ბაბუაზე მდიდარია. Daily Mirror-ის ცნობით, პრეზიდენტის შვილიშვილის ქონება 21 მილიონ დოლარად ფასდება, როცა დონალდ ტრამპის ოფიციალური ხელფასი 400 ათასი დოლარია. გოგონას შემოსავლების მნიშვნელოვანი ნაწილი ოჯახის ტრასტიდან მოდის, ხოლო 2,5 მილიონ დოლარზე მეტი კაიმ სარეკლამო კონტრაქტებით გამოიმუშავა.
2025 წლის სექტემბრის ბოლოს კაიმ საკუთარი ტანსაცმლის ბრენდი შექმნა და პირველი კოლექცია თეთრი სახლის ფონზე წარადგინა. კაი იმედოვნებს, რომ მისი სამოსი Sporty&Rich-სა და Alo Yoga-ს კონკურენციას გაუწევს.
რატომ უყვარს კაი ტრამპი ყველას?
კაი ტრამპმა რამდენიმე თაობის გულის დაპყრობა მოახერხა. ზუმერებისთვის ის პოლიტიკის სამყაროში ერთადერთი მეგზურია, რომელიც თეთრი სახლის ცხოვრებაზე ღიად ყვება და მნიშვნელოვანი მიღებებიდან ფოტოებს აქვეყნებს. კაი ამერიკის ახალგაზრდობის ხმაა.
უფროსი თაობის ადამიანები მის ზრდილობას და თავშეკავებას აფასებენ. გოგონა ამერიკაში არაპოპულარული კონსერვატიული შეხედულებებისა და ტრადიციული ფასეულობების ელჩს წარმოადგენს, გამოხატვის არ ეშინია და ამის გამო მილენიალებში, X და ალფა თაობებში პატივისცემით სარგებლობს. არსებობს საწინააღმდეგო მოსაზრებაც – ზოგს მიაჩნია, რომ ტრამპის შვილიშვილი სინამდვილეში თავისი ცნობილი ბაბუის პოლიტიკას არ იზიარებს, მაგრამ ამას კარგად მალავს. მართალია ეს თუ არა, მნიშვნელობა არა აქვს, რადგან ნებისმიერი, თუნდაც მცდარი თეორია ახალგაზრდა მეწარმისა და მისი ოჯახის მიმართ ინტერესს აძლიერებს. ვფიქრობთ, უახლოეს მომავალში კაი ტრამპი კიდევ ბევრჯერ გამოავლენს ჭკუას, შეუპოვრობას და მართვის უნარს, რომელიც საყვარელი ბაბუისგან მემკვიდრეობით მიიღო.
ასევე დაგაინტერესებთ
# OK! ტრამპის შვილიშვილმა საკუთარი ბრენდის სამოსი თეთრი სახლის ფონზე წარადგინა
