ხშირად, ირჩევთ პროფესიას, ამთავრებთ უნივერსიტეტს, მაგრამ მოგვიანებით აღმოაჩენთ, რომ არჩევანში შეცდით და პროფესია, რომელიც ძალიან გხიბლავდათ, სულაც არ არის ის, რასაც მთელი ცხოვრება გსურთ ემსახუროთ. ან არჩევანში არ შემცდარხართ, მაგრამ აღნიშნული პროფესიით დასაქმებას ვერ ახერხებთ და ხვდებით, რომ გეგმებში სასწრაფო ცვლილებების შეტანა გჭირდებათ.
სწორედ ასეთი შემთხვევების მაღალი სიხშირიდან გამომდინარე, 2019 წლიდან „ლოტუს გარდენის“ ფილიალში დაარსდა სასწავლო ცენტრი.
ესთეტიკური მედიცინის ცენტრი „ლოტუსი“ მრავალი წელია წარმატებით ფუნქციონირებს ქართულ ბაზარზე.
დღეს „ლოტუსის“ ლაზერ სკოლის ხელმძღვანელს, თეო კალმახელიძეს ვესაუბრეთ.
თეო, ვიცით, რომ დღეს „ლოტუსის“ ლაზერის შემსწავლელი კურსი ქვეყანაში დიდი პოპულარობით სარგებლობს. რა განაპირობებს ამას?
პირველ რიგში, მოგესალმებით და მადლობა დაინტერესებისთვის. დიახ, ეს ასეა. ჩვენს მიმართ ინტერესი არ წყდება და მეტიც, ყოველდღიურად იზრდება.
„ლოტუსის“ ლაზერის შემსწავლელი კურსი უკვე ათასობით ახალგაზრდამ წარმატებით გაიარა.
ჩემი აზრით, პირველ რიგში უნდა აღინიშნოს კურსის უმაღლესი ხარისხი. ჩვენ სრულად ორიენტირებული ვართ მოვერგოთ თითოეულ სტუდენტს, რათა მათ შეძლონ მაქსიმალური განათლება წაიღონ ჩვენგან. ჩვენი სასწავლო კურსი სისტემატურად იხვეწება, ბაზრის მოთხოვნებიდან გამომდინარე. იგი მოიცავს, არა მხოლოდ თეორიულ კურსს, არამედ ყველაზე მთავარს – პრაქტიკას. „ლოტუსის“ ბაზაზე ჩვენი სტუდენტები თავად ეუფლებიან ამ პროფესიის პრაქტიკულ ნაწილს.
აქვე უნდა აღინიშნოს, ამ პროფესიის სპეციალისტების მიმართ ბაზარზე მაღალი მოთხოვნა. მოგეხსენებათ, თუ რაოდენ დიდია კონკურენციაა ესთეტიკურ მედიცინის სფეროში. შესაბამისად, მაღალკვალიფიციური ლაზეროთერაპევტების მიმართ ინტერესიც არ წყდება.
ვინ არიან თქვენი სტუდენტები? ალბათ, სამედიცინო განათლების მქონე ახალგაზრდები? თუ კურსი ნებისმიერ დაინტერესებულ პირს შეუძლია გაიაროს?
იცით, ჩვენ ახალი პროფესიის დაუფლების შანსს ყველას თანაბრად ვაძლევთ. დასაქმების ალბათობაც მათ, თითქმის, თანაბარი აქვთ. აქ გადამწყვეტი ფაქტორი თავად სტუდენტის აქტიურობა და მისი საქმიანი უნარებია. ჩვენ გვყოლია არა სამედიცინო განათლების სტუდენტი, რომელიც არაჩვეულებრივად ეუფლება ახალ პროფესიას და დიდი გულმოდგინებით უდგება სწავლის პროცესს და პირიქით.
როგორ ხდება სტუდენტების დასაქმება?
მოგეხსენებათ, ჩვენი სკოლა დიდი პოპულარულობით სარგებლობს ქვეყანაში. გარდა იმისა, რომ უმეტესად სტუდენტებს ჩვენივე ქსელში და ჩვენს კომპანიონ ორგანიზაციებში ვასაქმებთ, ხშირია შემთხვევები, როცა ესა თუ ის ესთეტიკური მედიცინის ცენტრი მოგვმართავს კადრის მოძიების მიზნით.
ჩვენ სისტემატურად ვაკვირდებით პერსპექტიულ სტუდენტებს თუ უკვე წარჩინებით კურსდამთავრებულებს და ვაკავშირებთ მათ დამსაქმებელთან.
რამდენად მაღალია დასაქმების პროცენტი?
გულწრფელად, სიამაყით შემიძლია ვთქვა, რომ ძალიან მაღალი. მეტიც, არის პერიოდები, როცა ბაზარზე ლაზეროთერაპევტის, როგორც დასასაქმებელი კადრის მიმართ მოთხოვნას ბოლომდე ვერ ვაკმაყოფილებთ.
რა სიხშირით იღებთ ახალ ჯგუფებს?
შეიძლება ითქვას უწყვეტ რეჟიმში. საშუალოდ თვეში 2 ნაკადი. თითო ჯგუფში 7-12 მოსწავლე. კურსის ბოლოს ტარდება გამოცდა, რომლის წარმატებით ჩაბარების შემთხვევაშიც სტუდენტი იღებს შესაბამისი კურსის დამთავრების დამადასტურებელ სერტიფიკატს.
გარდა ლაზერის შემსწავლელი კურსისა, კიდევ რა კურსებს მოიცავს „ლოტუსის“ სკოლა?
დიახ, ჩვენი სკოლა კომპლექსურია და ასევე მოიცავს კოსმეტოლოგიის, ინიექციური კოსმეტოლოგიის, მასაჟისტის კურსებს.
სხვა კურსებისგან განსხვავებით, ინიექციური კოსმეტოლოგიის სტუდენტები სამედიცინო განათლების მქონე პირები არიან. ასეთ კურსებზე სტუდენტებს თითო გაკვეთილზე არა ჯგუფების, არამედ ფაქტიურად ინდივიდუალურად ან მაქსიმუმ 2-3 სტუდენტს ვიღებთ. პედაგოგიც თითოეულ დეტალს ინდივიდუალურად გადის თითოეულ მათგანთან, განსაკუთრებით პრაქტიკულ გაკვეთილებზე. კოსმეტოლოგიის კურსის ხელმძღვანელი ქალბატონი მაო ბარამიძეა.
კურსის გავლა მხოლოდ ქართულ ენაზეა შესაძლებელი?
სხვათაშორის, თავიდან ასე იყო, თუმცა უკვე 1 წელზე მეტია, იმის გამო, რომ ბევრი უცხოენოვანი სტუდენტი მოგვმართავდა, სწავლება ინგლისურ ენოვან დაინტერესებულ პირებსაც შეუძლიათ.
კიდევ ერთი კითხვა, სად მდებარეობს სკოლა?
„ლოტუსის“ სასწავლო ცენტრი მდებარეობს თბილისში, აფაქიძის 11 ნომერში. (სპორტის სასახლის უკან), „ლოტუსის გარდენის“ ფილიალში.
დაინტერესებულ პირებს, ნებისმიერი კითხვით, შეუძლიათ მოგვმართონ შემდეგ ნომერზე: 577 45 25 00.
დიდი მადლობა, თეო, ამომწურავი ინფორმაციისთვის და წარმატებები.
მადლობა თქვენ და წარმატებები ჩვენს სტუდენტებს.
