Dadvan’s Beauty Room გახსნის დღიდან ზრუნავს მომხმარებელთა სილამაზესა და კომფორტული გარემოს შექმნაზე. DBR არის ადგილი, სადაც ხარისხი და ხელმისაწვდომობა ერთმანეთს ერწყმის. აქ წარმოდგენილი, უმაღლეს სტანდარტს მორგებული პროდუქცია და პროფესიონალთა მიერ ჩატარებული პროცედურები თავს განსაკუთრებულად გაგრძნობინებთ. დეტალური ინფორმაციისთვის OK! გაესაუბრა Dadvan’s Beauty Room-ის დამფუძნებლებსა და მმართველებს − ნინო და ნატა დადვანებს.
როგორ შეძელით გეთქვათ ახალი სიტყვა სილამაზისა და ესთეტიკის სფეროში?
თავიდანვე გვქონდა სურვილი გვეთქვა ახალი სიტყვა სილამაზისა და ესთეტიკის სფეროში. ამდენად, ჩვენ, დებმა − ნინო და ნატა დადვანებმა, შევქმენით თანამედროვე ესთეტიკის სახლი − Dadvan’s Beauty Room. ჩვენ გვაქვს სურვილი და ჯანსაღი ამბიცია იმისა, რომ ვიყოთ წარმატებულები ჩვენსავე სფეროში, ვინაიდან მიზნად დავისახეთ მუდმივი სწრაფვა სრულყოფილებისკენ, რისთვისაც თავდაუზოგავად ვშრომობთ. ვიცით, რომ ცხოვრება ერთი დიდი ომია, რომელიც პატარ-პატარა ბრძოლებისგან შედგება, ამ ბრძოლებში გამარჯვება კი ომში გამარჯვებას გულისხმობს, რასაც საბოლოოდ, მიზნის მიღწევისკენ მივყავართ.
როგორ შეიქმნა Dadvan’s Beauty Room?
Dadvan’s Beauty Room-მდე მისასვლელად დიდი ძალისხმევა დაგვჭირდა. მარტივი არ არის დედაქალაქში ახალი საქმის დაწყება და საკუთარი ნიშის დაკავება.
2019 წლის 24 ოქტომბერს გაჩნდა Royal Nails – ნეილ-ბარი, რომელიც მხოლოდ მანიკიურსა და პედიკიურზე იყო ორიენტირებული. დაახლოებით 1 წლის თავზე კი შევძელით გაგვეხსნა ესთეტიკური ცენტრი განახლებული ფორმატითა და სერვისების ფართო სპექტრით, შეცვლილ ლოკაციაზე (საბურთალო, არჩილ ცაგარელის 82).
რატომ Dadvan’s Beauty Room?
თავიდანვე გვსურდა ჩვენი ესთეტიკის ცენტრი ყოველმხრივ გამორჩეული ყოფილიყო. ამდენად, შევურჩიეთ მას უნიკალური სახელი − Dadvan’s Beauty Room, რითაც აღნიშნულ სფეროში შევქმენით ახალი ფორმულა. მოგეხსენებათ, „დადვანი“ სვანური გვარი გახლავთ, ჩვენ კი, DBR-ის მფლობელები − ნინო და ნატა დადვანები ვართ. ჩვენ საკუთარ თავზე ვიღებთ პასუხისმგებლობას, რომ საკუთარ მომხმარებლებს შევთავაზოთ ხარისხიანი და ხელმისაწვდომი მომსახურება. რა თქმა უნდა, ბაზარზე თავის დასამკვიდრებლად მხოლოდ სახელი არაფერს ნიშნავს, ამიტომაც ვიზრუნეთ შეგვექმნა გამორჩეული ინტერიერიც, რომელიც შეიძლება ითქვას, ჩვენი სავიზიტო ბარათიც კი გახდა. ორ ფერში გადაწყვეტილი შიდა ფასადი ორიგინალურსა და თბილ ატმოსფეროს ქმნის, შესაბამისად, თამამად შეგვიძლია გითხრათ, რომ ჩვენთან სილამაზე და კომფორტი ერთმანეთს ერწყმის.
რამ განაპირობა Dadvan’s Beauty Room-ის წარმატება?
ნებისმიერი საქმის წარმატების ქვაკუთხედი ადამიანური რესურსია და ამიტომაც Dadvan’s Beauty Room-ში გვყავს პროფესიონალთა მეგობრული გუნდი, რომელიც ყველაფერს აკეთებს, რათა მომხმარებელმა მიიღოს მისთვის სასურველი პროცედურა კომფორტულ გარემოში. აღსანიშნავია ისიც, რომ DBR-მა მცირე დროში ელექტრონული კომერციის სფეროში სათანადო ადგილი დაიკავა სერვისების გაყიდვების მიმართულებით. მომსახურების გარდა, გვაქვს ხარისხიანი და პრემიუმკლასის პროდუქცია. ვართ მსოფლიოში ცნობილი, ისრაელის ბრენდ HOLY LAND-ის („ჰოლი ლენდის“) ექსკლუზიური წარმომადგენელი საქართველოში.
გვესაუბრეთ თქვენს სამომავლო გეგმებთან დაკავშირებით.
სამომავლოდ ვგეგმავ Dadvan’s Beauty Room – DBR ქსელის შექმნას, რომელიც ჩვენს მოქალაქეებს მისცემს შესაძლებლობას, მიიღონ სასურველი მომსახურება მათთვის ხელსაყრელ ლოკაციაზე. ამ ეტაპზე კი გელით საბურთალოზე, არჩილ ცაგარელის 82 ნომერში, სადაც დაგხვდებათ ყველაფერი, რაც სილამაზისა და ესთეტიკისთვის არის აუცილებელი.
ტექსტი: მარიამ მთივლიშვილი
ფოტო: ალექსეი სეროვი
