ნატალია ჯაიანისთვის ახალ სფეროში ძალების მოსინჯვა ერთგვარი გამოწვევა და ბავშვობის სურვილის ასრულება იყო. მან ბავშვობის ჰობი – აქსესუარების შექმნა საყვარელ საქმედ აქცია და ხელნაკეთი სამკაულების ბრენდი – ,,კატალეა’’ შექმნა. ბრენდი მომხმარებელს ბუნებრივი მასალისგან დამზადებულ აქსესუარების მრავალფეროვან არჩევანს სთავაზობს.
როგორია ,,კატალეას’’ შექმნის ისტორია?
ხელნაკეთი ნივთების მიერ ინტერესი ჯერ კიდევ ღრმა ბავშვობიდან მომყვება. ბებია დიზაინერი იყო და ულამაზეს კოსტუმებს, ყვავილებს, საქორწილო დიადემებსა და სხვა აქსესუარებს ქმნიდა. მისი ნამუშევრები იმდროინდელ ქართულ ჟურნალებში ხშირად იბეჭდებოდა. მე, მაშინ ძალიან პატარა გოგო, მის სახელოსნოში დიდ დროს ვატარებდი და ინტერესით ვადევნებდი თვალს. ვცდილობდი მეც რამე დამემზადებინა, თუმცა მერე ჩემი ცხოვრება მუსიკას დაუკავშირდა. ანსამბლ „მზიური“-ს წევრი გავხდი, მთელი დრო რეპეტიციებს, კონცერტებს და გასტროლებს მიჰქონდა. თითქოს მივივიწყე ჩემი ბავშვობის დროინდელი გატაცება, თუმცა შემდეგ კვლავ დავუბრუნდი და სულ ვახერხებდი რაღაცის შექმნას, ჩემი შვილისთვის, ჩემთვის, მეგობრებისთვის. ძალიან მსიამოვნებდა, როცა ისინი ჩემს შექმნილ აქსესუარებს ატარებდნენ. ცხოვრების რაღაც ეტაპზე კი ძალიან მომინდა ჩემი ჰობი მექცია უფრო მნიშვნელოვან საქმედ. ასე შეიქმნა „კატალეა“, რომელიც უკვე 1წლის გახდა, ჯერ ძალიან პატარები ვართ.
რატომ ,,კატალეა’’?
მინდოდა ჩემი ბრენდის სახელი ბუნებასთან, ყვავილთან ყოფილიყო დაკავშირებული. “კატალეა” ორქიდეას ერთ-ერთი სახეობაა და ჟღერადობითაც ძალიან მომეწონა ეს სახელი. სწორედ ამიტომ ბრენდის ლოგოზეც ორქიდეას კონტური გვაქვს.
რას სთავაზობთ საზოგადოებას?
საზოგადოებას ვთავაზობთ ქალის ხელნაკეთ აქსესუარებს, თუმცა უნისექსი მოდელებიც მაქვს. სამკაულები არის განსხვავებული და მზადდება ნატურალური, მინერალური ქვების გამოყენებით. პროდუქციის დიზაინი ჩემია, თავიდანვე ჩაფიქრებული მქონდა მრავალფეროვნება, მიყვარს დიდი არჩევანი, ფერთა გამა, სხვადასხვა სტილში შექმნილი პროდუქტი. კოლექციაზე მუშაობისას ვცდილობ შევქმნა სხვადასხვა დიზაინის პროდუქტი, მათ შორის კლასიკურიც, რათა ნებისმიერი ასაკის და გემოვნების ქალბატონმა თავისთვის მოსაწონი სამკაული იპოვოს ჩემთან.
სად არის შესაძლებელი თქვენი ბრენდის მოდელების შეძენა?
ამ ეტაპზე მხოლოდ ონლაინ – ჩვენს ინსტაგრამ და ფეისბუქ გვერდებზე.
გვესაუბრეთ კოლექციაზე …
გაზაფხულის კოლექცია რა თქმა უნდა გამოირჩევა ნათელი ფერებით, ორიგინალური დიზაინით და ,,კატალეასთვის’’ დამახასიათებელი სტილით. ასევე, თითქმის დასრულებულია საზაფხულო კოლექცია. ჩვენი მომხმარებელი იხილავს მეტ ახალ აქსესუარს, მეტ მრავალფეროვნებას და საზღვაო სეზონის მოდელებს.
სამომავლო გეგმები..
როგორც უკვე ავღნიშნე ჯერ პატარები ვართ, თუმცა წინ დიდი გეგმები გვაქვს. ჩვენს მომხმარბელს ვპირდებით ბევრ სასიამოვნო სიახლეს და ახალ-ახალ კოლექციებს. ამჟამად ვეძებ სივრცეს, სადაც საშუალება მექნება გამოვფინო ჩემი ნამუშევრები.
საკონტაქტო ინფო:
FB: Cataleya•კატალეა
INSTA: cataleya_gemstones
