სილამაზის სალონი Bon vivant ორი წელიწადზე მეტია, რაც ბაზარზე წარმატებით ოპერირებს. აქ მომუშავე პროფესიონალი სპეციალისტები დაგეხმარებიან, იზრუნოთ და გაიუმჯობესოთ თქვენი სილამაზე, თქვენსავე აღქმისა და მოთხოვნების მიხედვით. ხარისხიანი სალონური მომსახურების პარალელურად კი, Beauty Studio Bon vivant-ის გუნდი მომხმარებელს კომფორტულ გარემოს სთავაზობს. უფრო ვრცლად აღნიშნული სალონის შესახებ, Bon vivant-ის დამფუძნებლები − მაია ფრანგულაშვილი და ნათია ხუციშვილი გვესაუბრებიან.
გაგვაცანით Bon vivant.
Bon vivant − ეს არის ფრანგული სახელწოდება და ნიშნავს „ფუფუნებას“, ყოველივე ძვირფასსა და ხარისხიანს. ჩვენი სილამაზის სალონი კი ცდილობს სწორედ ასეთი ხარისხიანი მომსახურება შესთავაზოს საზოგადოებას. გვინდოდა გაგვეხსნა სილამაზის სალონი, სადაც იმავე გარემოს შევქმნიდით, როგორიც გვსურდა სხვაგან დაგვხვედროდა. გარემო, სადაც მომხმარებელი თავს კომფორტულად იგრძნობდა. აქ შეგიძლიათ გალამაზდეთ და ფინჯან ყავასთან ერთად განიტვირთოთ ულამაზეს ვერანდაზე. აღსანიშნავია, რომ ჩვენი სალონი გამოირჩევა განსხვავებული ინტერიერით, დიდი და ლამაზი სივრცით.
რა სახის პროცედურებს სთავაზობთ საზოგადოებას?
მომხმარებელს ვთავაზობთ შემდეგ პროცედურებს: თმის მოვლა, ფრჩხილის მოვლა, კოსმეტოლოგია, ლაზერული ეპილაცია – ორიგინალი Soprano platinum აპარატით; მაკიაჟი, ტატუ. პროცედურების დროს გამოიყენება თანამედროვე უსაფრთხო ტექნოლოგიები და პრემიუმკლასის ბრენდების პროდუქცია. ეს ყველაფერი კი აისახება შედეგზე, რაზეც მეტყველებს კმაყოფილი მომხმარებლის სიმრავლე. უახლოეს მომავალში დაგვემატება სოლარიუმის უმაღლესი ხარისხის აპარატი.
რა გამოგარჩევთ ბაზარზე?
(მაია): მოგეხსენებათ, თუ როგორი კონკურენციაა სილამაზის სფეროში და რთულია ორ წელიწადში ბაზარზე ადგილის დამკვიდრება, თუმცა ჩვენ ეს შევძელით. ჩვენმა მომხმარებელმა შეიყვარა სალონი Bon vivant და აქ მომუშავე ადამიანები. თითოეული ჩვენი თანამშრომელი თავისი საქმის პროფესიონალია, უყვართ საქმე, რომელსაც აკეთებენ და ამას მომხმარებელიც გრძნობს. პროფესიონალთა გუნდი ერთ-ერთი ჩვენი უპირატესობაა და ის მთავარი გახლავთ, რამაც აქამდე მოგვიყვანა.
(ნათია): დავეთანხმები მაიას, რომ მომხმარებლის მხრიდან უკუკავშირი არის ძალიან მნიშვნელოვანი და ჩვენ ვცდილობთ მათი რჩევების გათვალისწინებას. ჩვენთვის ხარისხი და კმაყოფილი მომხმარებელი პრიორიტეტია. პროფესიონალიზმი, მაღალი ხარისხის მომსახურება და 100%-ით დაცული და უსაფრთხო გარემო − ეს ის არასრული ჩამონათვალია, რომელსაც ჩვენი სალონის უპირატესობად მივიჩნევთ.
როგორ შეაფასებდით განვლილ წლებს? რა მთავარი გამოწვევა გადალახეთ?
beauty studio bon vivant გავხსენით 2020 წლის 26 სექტემბერს. სამწუხაროდ, დაგვემთხვა ძალიან რთული პერიოდი − პანდემია. სწორედ ეს იყო დიდი გამოწვევა ჩვენთვის: მაშინ, როდესაც სილამაზის ძალიან ბევრი სალონი დაიხურა, ჩვენ გავუძელით და მოვახერხეთ გადაგველახა ეს ურთულესი პერიოდი. ამ ყველაფერმა, რა თქმა უნდა, უფრო გაგვზარდა და დაგვანახა, რომ შეუძლებელი არაფერია, მაშინ, როცა შენი საქმე გიყვარს და ამ საქმეს გულით აკეთებ.
სამომავლო გეგმები…
სამომავლოდ ვაპირებთ, უფრო მეტი სერვისი შევთავაზოთ მომხმარებელს. ასევე, მოთხოვნიდან გამომდინარე, ვფიქრობთ სხვადასხვა ქალაქში ფილიალების დამატებას.
ტექსტი: სოფიო მალანია
ფოტო: ალექსეი სეროვი
