OK! Health and Beauty Book იტალიური დერმატოლოგიური ბრენდის, Bionike-ს შესახებ გიამბობთ, რომელიც ქართულ ბაზარზე 2022 წლიდან ოპერირებს და საზოგადოებას უმაღლესი ხარისხის სახის, სხეულისა და თმის მოვლის საშუალებების მრავალფეროვან ასორტიმენტს სთავაზობს.
მოგეხსენებათ, ახალი წელი ახლოვდება. ყველა ჩვენგანი ვფიქრობთ, რითი გავახაროთ საყვარელი ადამიანი, ან თუნდაც საკუთარი თავი. Bionike კი სწორედ ის ბრენდია, რომლის პროდუქციაც ნებისმიერ ქალსა თუ მამაკაცს გაახარებს. რა სახის პროდუქციას სთავაზობს ბრენდი მომხმარებლებს და რა შეთავაზებები აქვს საახალწლოდ – ბრენდის განვითარების მენეჯერი, მაგდა თენიეშვილი გვიამბობს.
უპირველესად, გაგვაცანით ბრენდი.
მსოფლიოში ცნობილი N1 იტალიური დერმატოლოგიური ბრენდი Bionike 1960 წლიდან იწარმოება მილანში და წარმოდგენილი არის მსოფლიო მასშტაბით ყველა წამყვან სააფთიაქო ქსელში. ბრენდი ორიენტირებულია, მომხმარებელს შესთავაზოს პრემიუმ ხაზის სახის, სხეულის და თმის მოვლის საშუალებების მრავალფეროვანი ასორტიმენტი და უსაფრთხო დეკორატიული კოსმეტიკა.
სილამაზის ინდუსტრია დღითი დღე ვითარდება, იქმნება ინოვაციური და უსაფრთხო პროდუქტები. Bionike სწორედ ის ბრენდია, რომელიც ზრუნავს ადამიანებზე, რომლებსაც აქვთ განსაკუთრებულად პრობლემური კანი, ალერგიისკენ მიდრეკილება და გლუტენის აუტანლობა.
რამდენი ხანია რაც ქართულ ბაზარზე ოპერირებს?
ბრენდ Bionike-ს ექსკლუზიური დისტრიბუტორი საქართველოში სააფთიაქო ქსელი „ფარმ სახლია“ 2022 წლიდან. დავიწყეთ ბრენდის დანერგვა ბაზარზე და დღეს უკვე 50 ფილიალში არის წარმოდგენილი, 2023 წელს კი, მოთხოვნიდან გამომდინარე, „დოიჩე აფთიაქშიც“ არის ბრენდი წარმოდგენილი.
ჩვენი მთავარი სტრატეგიაა, საქართველოში Bionike გავაცნოთ ფართო საზოგადოებას და შევთავაზოთ მათთვის სასურველი პროდუქტები.
რას სთავაზობს საზოგადოებას?
Bionike სილამაზის ინდუსტრიაში ერთ-ერთი ძლიერი კოსმეტიკური ბრენდია, რომელიც მომხარებელს სთავაზობს პრემიუმ ხაზის სამკურნალო კოსმეტიკას, მოვლასთან ერთად ის მკურნალობს კანის ისეთ პრობლემებს, როგორიცაა: აკნე, როზაცეა, პიგმენტური ლაქები და ატოპიური დერმატიტი.
ბრენდის ნიშაზე გვიამბეთ.
Bionike არის ბრენდი, რომელსაც აქვს 60-წლიანი შთამბეჭდავი ისტორია, მდიდარი წარსულითა და თანამედროვე გამოწვევებით. ყველა პროდუქტი იქმნება საუკეთესო შედეგისთვის. თითოეული მათგანი შეიცავს დაპატენტებულ ფორმულებს, ანტიოქსიდანტებსა და ვიტამინების კოქტეილს, რომელიც ეფექტურად იცავს კანს დაბერების პროცესისგან, გარემოს დაბინძურებისგან და კანს ბუნებრივ სილამაზეს უნარჩუნებს.
რა შეთავაზებები გაქვთ მომხმარებლებისთვის საახალწლოდ?
ახალი წელი წელიწადის ყველაზე მნიშვნელოვანი, გამორჩეული და ჯადოსნური დღეა. ბრენდიც ამ დღისთვის განსაკუთრებულად ემზადება და ყოველ წელს ქმნის ლიმიტირებულ საახალწლო ბოქსებს როგორც ქალბატონებისთვის, ასევე მამაკაცებისთვის. 2024 წლის საახალწლო ბოქსები დაკომპლექტებულია სახისა და სხეულის მოვლის „ბესთსელერი“ პროდუქტებით.
ხარისხზე გვიამბეთ.
ბრენდის ხარისხი კომპანიის მთავარი პრიორიტეტია, შექმნას ისეთი პროდუქტები, რომელიც უსაფრთხო ინგრედიენტებისგან იქნება დამზადებული, ტესტირებული მძიმე მეტალზე, კონსერვანტებისა და პარფიუმის გარეშე. ასევე ყველა პროდუქტი არის გლუტენის გარეშე.
სამომავლო გეგმები გაგვიზიარეთ.
ბრენდის მიზანია 2024 წელს ქართველ მომხმარებლებს შესთავაზოს ახალი ინოვაციური ხაზი, რომლის შექმნაში მონაწილეობდნენ თანამედროვე ესთეტიკურ მედიცინაში ცნობილი ესთეტიკოსები და დერმატოლოგები. მათ შეიმუშავეს ინოვაციური ფორმულა და აწარმოეს პროდუქტები ახალი გაიდლაინებით, რომლებიც ქალბატონებს საშუალებას აძლევს, სახის კანის ბიორევიტალიზაცია სახლის პირობებში ჩაიტარონ.
