ვარსკვლავურ ოჯახებში გაზრდილ ბავშვებს ზოგჯერ უცნაურობა ახასიათებთ და ჩვენი ისტორიაც ამის მაგალითია. ბენ აფლეკსა და ჯენიფერ გარნერის სამი შვილი, 19 წლის ვიოლეტი, 16 წლის სერაფინა და 9 წლის სამუელი ჰყავს.
წყვილმა 2005 წელს იქორწინა, ხოლო ათი წლის შემდეგ ერთმანეთს დაშორდა. მიუხედავად იმისა, რომ COVID-19 -ის პანდემია დიდი ხანია დასრულდა და პირბადეების ტარება სავალდებულო აღარ არის, ვიოლეტ აფლეკი პირბადეს სახიდან დღემდე არ იშორებს. ახლახან გოგონამ გადაწყვიტა, რომ მის მაგალითს მთელმა მსოფლიომ უნდა მიბაძოს.
სამშაბათს, 23 სექტემბერს, ვიოლეტი ნიუ-იორკში, გაერთიანებული ერების ორგანიზაციის სესიაზე სიტყვით გამოვიდა. 19 წლის აქტივისტმა, რომლის სახეს სამედიცინო ნიღაბი ფარავდა, პანდემიიდან ხუთი წლის შემდეგ პრევენციული ზომების მნიშვნელობაზე ისაუბრა და ნიღბების დაბრუნება მოითხოვა. გოგონას გამოსვლა დრამატიზმით იყო სავსე. მისი თვალები, რომელიც კინოვარსკვლავი დედისგან მემკვიდრეობით მიიღო, გულწრფელ მწუხარებას გამოხატავდა.
„არაფრად ჩაგდებაა, როდესაც ბავშვებს თვალებში უყურებ და ეუბნები, რომ იცი, ისინი როგორ დაიცვა, მაგრამ ამას არ აკეთებ“ – განაცხადა მან.
ვაიოლეტმა მსმენელებს გამოსავალი შესთავაზა – სუფთა წყლის მსგავსად, სუფთა ჰაერის ადამიანის უფლებად აღიარება. ლამაზად ჟღერს, მაგრამ მიზნის მიღწევის გზები მტკივნეულად ნაცნობია: ჰაერის ფილტრაცია, სამედიცინო ნიღბები, სოციალური დისტანცირება და სიფრთხილე სოციალურ ურთიერთობებში!
ვინ არის ვიოლეტ აფლეკი, რომელიც პანდემიის დამთავრების მიუხედავად, დღემდე სამედიცინო პირბადით დადის? ის იელის პირველი კურსის სტუდენტი და აქტივისტია, რომელიც მარკეტნგში კარგად ერკვევა. მას შედეგ, რაც ვიოლეტმა საზამთროს გამოსახულებიან (პალესტინის სოლიდარობის სიმბოლო) შავ სვიტერში ფოტო გადაიღო, სვიტერის მწარმოებელ ბრენდ Wear the Peace-ზე მოთხოვნა მკვეთრად გაიზარდა.
მოგვიანებით, გოგონამ Dolce & Gabbana-ს ისეთივე ვარდისფერი კაბა ჩაიცვა, როგორიც ჯენიფერ ლოპესს რამდენიმე თვის წინ, ვიოლეტის მამასთან პაემანზე ეცვა. ეს შემთხვევით მოხდა? საეჭვოა, რადგან ცნობილ ადამიანებში გარდერობი განაცხადია. რაც შეეხება ნიღაბს, ის ვიოლეტისთვის ყველაზე მნიშვნელოვანი აქსესუარია, რომელიც ყოველთვის თან დააქვს, თუნდაც თეთრ სახლში გამართულ ვახშამზე მიიწვიონ.
სანამ ვიოლეტი კოლექტიურ პასუხისმგებლობაზე საუბრობდა, ბრიტანელმა ფსიქიატრმა, დოქტორმა მაქს პემბერტონმა, რომელიც გოგონას გამოსვლას აკვირდებოდა, დიაგნოზი დასვა. პემბერტონის თქმით, ვაიოლეტის ქცევა საკუთარ პაციენტებს ახსენებს, რომლებსაც შფოთვის მძიმე ფორმები და იპოქონდრია აქვთ.
„სწორედ ფსიქიკური ჯანმრთელობის პრობლემების მქონე ადამიანები მოითხოვენ ყველაზე ხშირად და დაჟინებით სამედიცინო ნიღბებისა და ხელთათმანების ტარებას, როცა ადამიანების უმეტესობამ ისინი დიდი ხანია, ნაგავში მოისროლა“, – წერს ექიმი.
პემბერტონი ფიქრობს, რომ გოგონას მცდელობა წარუმატებლობისთვისაა განწირული ერთი მარტივი მიზეზის გამო: ადამიანების უმეტესობას ურჩევნია აქ და ახლა რეალურ პრობლემებთან ბრძოლა, ვიდრე კომფორტულ აპოკალიფსში ცხოვრება, რომელიც მოდის უახლესი ტენდენციებით არის ორგანიზებული. ადამიანების უმეტესობას ამის არც სურვილი აქვს და არც შესაძლებლობა..
ასევე დაგაინტერესებთ
