ბათუმის საერთაშორისო თოჯინების თეატრალური ფესტივალი 8 სექტემბერს, 16:00 საათზე ბათუმის თოჯინებისა და მოზარდ მაყურებელთა პროფესიულ სახელმწიფო თეატრში გაიხსნა. რვა საკონკურსო და ორი არასაკონკურსო ჩვენების ფარგლებში, შვიდი თეატრის ათი სპექტაკლი წარადგინეს. 6 ნომინაციაში გამარჯვებული საერთაშორისო ჟიურიმ გამოავლინა, მეშვიდე ნომინაცია – ,,კრიტიკის სპეციალური პრიზი” კი ქართველ თეატრმცოდნეთა კოლეგიამ – ლაშა ჩხარტივილის თავმჯდომარეობით.
1- ფესტივალის გ რ ა ნ პ რ ი ს მფლობელი – საუკეთესო სპექტაკლი – „მახინჯი იხვის ჭუჭული“/ რეჟისორი – ნინო მაღლაკელიძე, ქუთაისის იაკობ გოგებაშვილის სახელობის თოჯინების პროფესიული სახელმწიფო თეატრი
II-გამარჯვებული ნომინაციაში – ,,საუკეთესო რეჟისურა” – ნინო მაღლაკელიძე სპექტაკლისთვის „მახინჯი იხვის ჭუჭული“, ქუთაისის იაკობ გოგებაშვილის სახელობის თოჯინების პროფესიული სახელმწიფო თეატრი
III გამარჯვებული ნომინაციაში ,,საუკეთესო სცენოგრაფია” – ვახტანგ ქორიძე სპექტაკლისთვის – ,,80 000 კმ წყალქვეშ”, რეჟისორი: დავით თარბა, ახალციხის თოჯინების პროფესიული სახელმწიფო თეატრი
IV გამარჯვებული ნომინაციაში – ,,საუკეთესო მუსიკალური გაფორმება” – სანდრო ნიკოლაძე სპექტაკლისთვის ,,ზურმუხტქალაქის ჯადოქარი”/ რეჟისორი – იოსებ ბაკურაძე, ბათუმის თოჯინებისა და მოზარდ მაყურებელთა პროფესიული სახელმწიფო თეატრი.
V გამარჯვებული ნომინაციაში – ,,საუკეთესო მსახიობი ქალი”- ირინა კუბანსკი და თამარ გელაშვილი, შესრულებული როლისთვის თოჯინა ,,სოფი” სპექტაკლში ,,შეშლილის წერილები”/ რეჟისორი – ლექსო ჩემია/ ბორჯომის თოჯინების პროფესიული სახელმწიფო თეატრი
VI გამარჯვებული ნომინაციაში ,,საუკეთესო მსახიობი კაცი” – აბელ სოსელია, შესრულებული როლისთვის სპექტაკლში ,,მახინჯი იხვის ჭუჭული”, რეჟისორი – ნინო მაღლაკელიძე/ქუთაისის იაკობ გოგებაშვილის სახელობის თოჯინების პროფესიული სახელმწიფო თეატრი
VII ,,ქართული კრიტიკის სპეციალური პრიზი” – გადაეცა ახალციხის თოჯინების პროფესიულ სახელმწიფო თეატრს.
გარდა ამისა, ფესტივალის ფარგლებში, გიგანტური თოჯინა “ხეტიალას” საზეიმო მსვლელობა მოეწყო ანბანის მიმდებარე ტერიტორიაზე, 6 მეტრიანი თოჯინა 1981 წელს შექმნილი, ბათუმის თოჯინების თეატრის პირველი პერსონაჟის მასშტაბური ანალოგია, საქართველოში პირველი თოჯინების საერთაშორისო თეატრალური ფესტივალისთვის სიმბოლურად ეს პერსონაჟი სწორედ ამიტომ დაამზადეს.
აღსანიშნავია, რომ გარდა სპექტაკლის ჩვენებისა, ფესტივალის ფარგლებში, მსახიობებს შესთავაზეს მასტერკლასების სერია. ფესტივალი მუსიკალურად B.S.U band ”OFFSIDE”-მა გააფორმა.
აღნიშნული ფესტივალი ბათუმის თოჯინებისა და მოზარდ მაყურებელთა პროფესიულმა სახელმწიფო თეატრმა, საქართველოს თოჯინების პროფესიული თეატრების გაერთიანებასთან ერთად დააფუძნა.
ფესტივალის ორგანიზატორებია:
ბათუმის თოჯინებისა და მოზარდ მაყურებელთა პროფესიული სახელმწიფო თეატრი,
საქართველოს თოჯინების პროფესიული სახელმწიფო თეატრების გაერთიანება,
ფესტივალის სამხატვრო ხელმძღვანელები: ირაკლი კიკვაძე, ნიკოლოზ საბაშვილი
ფესტივალის დირექტორები: იმედა თავდგირიძე, კონსტანტინე ქარქაშაძე.
