მსოფლიოში გავრცელებული Covid 19-ის ახალი მოდიფიკაციების ფონზე, კიდევ უფრო გაღრმავდა ინტერესი თვითონ ვირუსისა და ვაქცინაციის შესახებ. ეს უკანასკნელი ბოლო პერიოდში განსაკუთრებული აქტუალობით სარგებლობს და უამრავი მხარდამჭერდის გარდა, ჰყავს მოწინააღმდეგეებიც, რომელთა პოზიციებიდან არაერთი მითი გაჟღერდა, რომლებიც The Guardian-ის გამოცემამ 7 მთავარ პუნქტში გააერთიანა:
1.პირბადე არ მიცავს
უკვე ყველამ იცის, რომ Covid 19-ით ინფიცირების შანსი განსაკუთრებულად დიდია როდესაც ადამიანები ახლო მანძილზე იმყოფებიან ერთმანეთთან, ასეთ დროს საუბარი, სიმღერა და უბრალოდ სუნთქვაც კი შესაძლოა ინფიცირების მიზეზი გახდეს. პირბადე კი, თქვენს წინ მდგომ ადამიანს იცავს თქვენი ორგანიზმიდან მოხვედრილი ნაწილაკებისგან, ისევე როგორც თავად თქვენ.
2.თუ სიმპტომები არ მაქვს, კოვიდგადამდები ვერ ვიქნები
ეს მითიც მცდარია! ვირუსის მატარებელი ადამიანები, რომლებსაც სიმპტომები არ აღენიშნებათ, ნაკლებად გადამდებები არიან, თუმცა ინფექციის წყარო მაინც შეიძლება გახდნენ.
3.სრულად ვაქცინირებული ადამიანები კორონავირუსით ვერ დაინფიცირდებიან
არც ეს მოსაზრება შეესაბამება სიმართლეს. ვაქცინის მთავარი არსი იმაში მდგომარეობს, რომ ინფიცირების შემთხვევაში ჰოსპიტალიზების მაჩვენებელი მინიმუმამდეა დაყვანილი ანუ ვირუსის გადატანა პაციენტების ორგანიზმისთვის მეტად მარტივია, ვიდრე არავაქცინირებულობის შემთხვევაში.
4.კოვიდგადატანილებისთვის ვაქცინა საჭირო არ არის
დადასტურებულია, რომ კოვიდგადატანილ ადამიანს ვაქცინა იმუნურ სისტემას კიდევ უფრო უძლიერებს.
5.კარგი იმუნური სისტემა მაქვს და ვაქცინა არ მჭირდება!
რა თქმა უნდა ძლიერი იმუნური სისტემა ადამიანის ჯანმრთელობის ერთ-ერთი გარანტია, თუმცაღა ამ შემთხვევაშიც შესაძლებელია, რომ კორონავირუსმა სავალალო გავლენა მოახდინოს ადამიანის ორგანიზმზე.
6.ბავშვები ვირუსს უფრო მარტივად უმკლავდებიან
ბავშვები ვირუსის წინაშე მეტად რეზისტენტულები არიან, თუმცაღა მაგალითად ინგლისში ინფიცირებული 200 ბავშვიდან 1-ის ჰოსპიტალიზება გახდა საჭირო. შესაბამისად, ეს მითიც არ არის რეალური სურათის ამსახველი.
7.ეს ტალღა ბოლო იქნება..
ადამიანები ვირუსის თითოეულ ტალღას აღიქვამენ, როგორც უკანასკნელს, თუმცა ამ ფაქტის სიმცდარეში უკვე არაერთხელ დავრწმუნდით. სახელმწიფოები და საერთაშორისო ორგანიზაციები ზამთრის სეზონის მოახლოებასთან ერთად, ვირუსის გაძლიერებას წინასარმეტყველებენ.
