სილამაზის ეტალონი ძალიან სუბიექტური და წარმავალი წარმოდგენაა იმის შესახებ რამდენად ფართო უნდა იყოს თეძოები, რამდენად წვრილი წელი, რამდენად სქელი წარბები და ა.შ. გაინტერესებთ, როგორ შეიცვალა სილამაზის იდეა ბოლო ასი წლის განმავლობაში? მაშინ წარსულში მოგზაურობა გელით.
1. 1910-იანი წლები
„გიბსონის გოგონა“ ქალის სილამაზის სტანდარტია, რომელიც ამერიკელმა მხატვარმა და ილუსტრატორმა ჩარლზ გიბსონმა შექმნა. მან გამოსახა გოგონები, რომლებსაც გარკვეული ნიშნები აერთიანებდა:
სიმაღლე
სიგამხდრე
ქვიშის საათის მსგავსი ფიგურა
გრძელი, ტალღოვანი თმა
დიდი მკერდი
დიდი თვალები
ძალიან ვიწრო წელი
გრძელი ყელი
სილამაზის გარდა, „გიბსონის გოგონა“ განათლებული და მოდის ტენდენციებში გათვითცნობიერებული იყო.
2.1920-იანი წლები
ათი წლის შემდეგ, მსოფლიოში სილამაზის ახალი იდეალი გაჩნდა. ქვიშის საათის მსგავსმა ფიგურამ აქტუალურობა დაკარგა და ადგილი უფრო „ბიჭური“ ფიგურის მქონე ქალებს დაუთმო. ეს ცვლილებები პირველი მსოფლიო ომის დროინდელ მოვლენებს უკავშირდებოდა – პერიოდს, როდესაც ქალები იძულებულნი იყვნენ მამაკაცის ბევრი პასუხისმგებლობა ეტვირთათ. სხვა სიტყვებით რომ ვთქვათ, ძლიერი და დამოუკიდებელი ლამაზმანების დრო დადგა. მათ აერთიანებდათ:
მოკლე თმა
სიგამხდრე
ვიწრო თეძოები
მამაკაცის ტანსაცმელი (ქურთუკები, სმოკინგები, დახურული ფეხსაცმელი)
მკვეთრი მაკიაჟი
თავისუფლების მოყვარე მეამბოხეები არ ერიდებოდნენ საჯარო ადგილებში სიგარეტის მოწევას ან ღონისძიებებზე თანმხლები პირის გარეშე დასწრებას. 1920-იანი წლების ქალები კარიერაზე ორიენტირებულნი იყვნენ და დაქორწინებას არ ჩქარობდნენ.
3. 1930-იანი წლები
1930-იან წლებში „მამაკაცურობის“ ტენდენცია დასრულდა. „ძლიერი და დამოუკიდებელი“ ქალები დიდი მკერდისა და ნაზი მაკიაჟის მქონე ქალებმა ჩაანაცვლეს. ამ დროის კიდევ ერთი დამახასიათებელი ტენდენცია წარბების დაწვრილება გახდა. იდეალური ეფექტის მისაღწევად, ბევრი ქალი უკიდურეს ზომებს მიმართავდა – წარბებს მთლიანად იცილებდა და მათ ადგილზე ფანქრით ორ წვრილ ხაზს ავლებდა. კიდევ რა იყო მოდური?
საშუალო სიგრძის თმა
ცისფერი თვალები
ქერა თმა
მაღალი ყვრიმალები
იმ დროის ქალი ძლიერი და თავისუფალი იყო. მას ისეთივე უფლებები ჰქონდა, რაც მამაკაცს.
4. 1940-იანი წლები
მეორე მსოფლიო ომის დაწყებასთან ერთად, ქალის სილამაზის სტანდარტი შეიცვალა. ახლა ქალებს არა მარტო ქარხნებში მუშაობა, არამედ ომში ბრძოლაც უწევდათ, ამიტომ გარკვეული დროის განმავლობაში, ქალის გარდერობში შესაბამისი ფორმა დომინირებდა.
ისინი, ვინც სამოქალაქო ცხოვრებას აგრძელებდნენ, თავიანთ იმიჯს იმისგან ქმნიდნენ, რასაც იშოვდნენ. კაბის შესაკერად ყველაფერი გამოდგებოდა: ფარდები, ძველი ტანსაცმელი, სუფრის გადასაფარებლები და ა.შ. მოდური იყო:
აწეული ვარცხნილობა
თაღის ფორმის წარბები
სავსე ტუჩები
წითელი ელფერი მაკიაჟსა და მანიკურში
ფართო თეძოები და სავსე ფიგურა
სპორტული სხეული.
5. 1950-იანი წლები
ომის დასრულებამ იდეალური ქალის იმიჯში გარკვეული ცვლილებები შეიტანა – ჯანსაღი, სავსე ფიგურის ტენდენცია ისევ „ქვიშის საათის ფიგურამ“ ჩაანაცვლა. მოდაში ღია ფერის კანი, მკვეთრი მაკიაჟი და პრიალა ტუჩები შემოვიდა. სწორედ ამ პერიოდში სტილის ხატი მერლინ მონრო გახდა.
6. 1960-იანი წლები
ანდროგინულმა გარეგნობამ პოპულარობა დაიბრუნა. ამჯერად ლამაზმანებისთვის მისაბაძი მაგალითი ბრიტანელი მოდელი ტვიგი გახდა თავისი წვრილი ხელ-ფეხით და ძალიან გამხდარი სხეულით. საქმე იქამდე მივიდა, რომ ზოგიერთმა ქალმა გასახდომი აბების ძებნა დაიწყო. იმ დროს ასევე ფასობდა:
ვიწრო თეძოები
პატარა მკერდი
ბიჭური აღნაგობა
გრძელი, ხშირი თმა
7. 1970-იანი წლები
1970-იან წლებში ქალებმა დიეტური აბები გადააგდეს. სილამაზის ახალი იდეალი სპორტული აღნაგობა გახდა. ამ დროს ქალებში განსაკუთრებით პოპულარული აერობიკა იყო. რაც შეეხება მაკიაჟს, ბუნებრიობის ტენდენცია დაბრუნდა.
ამ დროს სსრკ-ში დანარჩენი მსოფლიოსგან განსხვავებული სილამაზის სტანდარტი იყო. საბჭოთა მოქალაქეებს მაღალი და გამხდარი ქალები მოსწონდათ. ღია ფერის თმის, პატარა მკერდისა და დიდი თვალების მქონე ქალი თხელი წარბებით განსაკუთრებით მიმზიდველად ითვლებოდა.
8. 1980-იანი წლები
სიგამხდრე ამ დროსაც მოდაში იყო, მაგრამ ახლა ქალები „90-60-90“ ზომებისკენ ისწრაფოდნენ. 1980-იანი წლების მოდას მოცულობითი ვარცხნილობები და ნათელი მაკიაჟი ახასიათებდა.
9. 1990-იანი წლები
მოდაში ექსტრემალური სიგამხდრე დაბრუნდა, რამაც ბევრი მოდელი ანორექსიამდე მიიყვანა. ქალები სხვადასხვა დიეტებით ცდილობდნენ მოჩვენებებს დამსგავსებოდნენ. ისინი, ვინც ამ ტენდენციას ეწინააღმდეგებოდა, პამელა ანდერსონის შთაგონებით, სპორტული ფიგურისკენ ისწრაფოდა.
90-იანი წლების მაკიაჟმა ძველებური სიმკვეთრე შეინარჩუნა, ვარცხნილობა უფრო თავშეკავებული, ტანსაცმელი კი უფრო ღია გახდა.
10. 2000-იანი წლები
2000-იან წლების მოდაში ჯენიფერ ლოპესის მსგავსი, სპორტული, მაგრამ მოხდენილი ფიგურები და მუქი კანის ტენდენცია დამკვიდრდა. მუცლის პრესს განსაკუთრებული ყურადღება დაეთმო, რაც ბრიტნი სპირსისა და შაკირას მაგალითზეც ჩანს.
11. 2010-იანი წლები
2010-იანი წლების სილამაზის ერთ-ერთი სტანდარტი ანჯელინა ჯოლის გარეგნობაა. კერძოდ:
გამხდარი სხეული
გამოკვეთილი მკერდი და თეძოები
სავსე ტუჩები
გარუჯული კანი.
სილამაზის კიდევ ერთ „სტანდარტად“ კიმ კარდაშიანი იქცა.
12. 2020-იანი წლები
ეს ინდივიდუალობის დროა, როდესაც ყველა მისთვის ყველაზე შესაფერის სტილს ირჩევს. ყველაზე გავრცელებული ტენდენცია ბუნებრიობაზე დაფუძნებულია:
თმის ბუნებრივი ფერი
მაკიაჟი მაკიაჟის გარეშე
მოხდენილი აღნაგობა
კომფორტული ტანსაცმელი.
ასევე დაგაინტერესებთ
