63 წლის ამერიკელი მომღერალი, მსახიობი და დიზაინერი, ინდუსტრიის ერთ-ერთი ყველაზე გავლენიანი ფიგურა, მადონა ლუიზა ჩიკონე, როგორ ყოველთვის, საზოგადოების ყურადღების ცენტრში სკანდალური იმიჯით ექცევა.
ამერიკელმა მომღერალმა ახალი ფოტოსესიიდან კადრები გაავრცელა, რომელიც სოციალური მედიის მომხმარებლების კრიტიკის ობიექტი გახდა.
მადონას ხშირად აკრიტიკებდნენ თავისუფლების დემონსტრირებისთვის და მას „სექსუალურ პროვოკატორსაც“ უწოდებდნენ.
მადონა ხშირად აღნიშნავს, რომ ადამიანების კრიტიკა მისთვის უმნიშვნელოა… რამდენიმე წლის წინ, როდესაც Billboard-ისგან მადონამ წლის ქალბატონის ჯილდო მიიღო, მომღერალმა ისაუბრა წესებზე, რომლის სწავლაც მას მოუწია, რათა საზოგადოებას ის, როგორც ქალი შემსრულებელი, მიეღო:
„ნუ დაბერდები, რადგან ასაკის მატება ცოდვაა. თქვენ გაგაკრიტიკებენ, ცილს დაგწამებენ და რა თქმა უნდა, საკუთარ ხმას რადიოშიც ვერ გაიგებთ“.
2018 წელს მადონამ The Cut-თან საუბრისას აღნიშნა, რომ ის არასდროს შეწყვეტს იმ სოციალურ ნორმებზე საუბარს, რომელიც ასაკოვან ქალებს კონკრეტული ქცევებისკენ მოუწოდებს:
„არ ვფიქრობ, რომ ასაკს ვებრძვი, უბრალოდ ვაგრძელებ ცხოვრებას. არასდროს ვყოფილვარ კომფორტულად, მაგრამ არაკომფორტული სიტუაციისგან თავის დაღწევას ვცდილობ და ვრისკავ. თუ ყოველთვის იქნები სიახლის ძიებაში, მაშინ სამუდამოდ ახალგაზრდად დარჩები“.
„ჩვენ გვჭირდება მისაბაძი ადამიანები. ხალხს ეშინია იმის, რაც უცნობი და უცხოა მათთვის. ამჟამად ქალებს სხვა ადგილი უჭირავთ სამყაროში. ჩვენ გვაქვს უფრო მეტი სამუშაო ადგილი და გამუდმებით ვიბრძვით გენდერული თანასწორობისთვის. ჩვენ არ უნდა ვიმუშაოთ მხოლოდ კარიერაზე, არამედ საკუთარ თავზეც. უნდა იყო ცნობისმოყვარე, ყოველთვის უნდა ეცადო თავი იგრძნო კარგად − იქნება ეს ვარჯიში, სახის კანის მოვლა, სიამოვნება თუ გართობა. საკუთარი თავის სიყვარულისთვის წესები არ არსებობს“.
