სამუშაო კვირის დასრულების მიუხედავად, ეს დღე ნებისმიერი ახალი საქმისა და წამოწყებისთვის ხელსაყრელია, თუმცა, იღბალი მხოლოდ მას გაუღიმებს, ვინც ფიქრისა და ყოყმანის ნაცვლად, საქმეს აქტიურად და ენთუზიაზმით შეუდგება.
ვერძი
ინიციატივისთვის არავინ დაგსჯით, პირიქით, პარტნიორები და ხელმძღვანელები ყურადღებით მოგისმენენ და შესაძლოა დაგეთანხმონ კიდეც. ბევრი რამ თქვენს ენერგიულობაზე და შემართებაზეა დამოკიდებული. ახლობლებთან ურთიერთობაში მეტი ყურადღება გამოიჩინეთ – ოჯახის წევრებს თქვენი კომპლიმენტები და მზრუნველობა მოენატრათ.
კურო
ამ დღეს ოდნავ აჩქარდება მოგიწევთ, რაც თავიდან შეიძლება დისკომფორტად მოგეჩვენოთ, თუმცა შედეგი ძალიან სასიამოვნო იქნება. ძველი საქმეების დასრულებამდე ახალს ნუ დაიწყებთ. არ არის გამორიცხული, რომ საღამოს მეგობრებმა სადმე დაგპატიჟონ – ეს თავგადასავალი რაღაც ახალის დასაწყისად იქცევა.
ტყუპები
დილის ენერგიას სოციალური ქსელების „სქროლვაში“ ნუ დახარჯავთ! სამყარო სიურპრიზებს ამზადებს, მაგრამ მხოლოდ მათთვის, ვინც მოქმედებს. დილით ბევრი სასიამოვნო ამბავი გელით, საღამოს კი მოსალოდნელია კოლეგებთან და ახლობლებთან დაპირისპირება. აკონტროლეთ საკუთარი სიტყვები და ემოციები – ამ დღეს უწყინარი ხუმრობაც კი შეიძლება შეურაცხყოფად ჩაგითვალონ.
კირჩხიბი
დილა მშვიდი და არაფრით გამორჩეული იქნება. შუადღის შემდეგ სამუშაო მოგემატებათ, ამიტომ გულხელდაკრეფილი ნუ იჯდებით. დღის ბოლოს პოზიტიური ტენდენციები გაიმარჯვებს, რაშიც ახლობლების მზრუნველობა დაგეხმარებათ.
ლომი
მიზანმიმართული შრომა კარგ შედეგს მოგიტანთ. დღის განმავლობაში სხვადასხვა სირთულის დაბრკოლებების გადალახვა მოიწევთ, თუმცა ეს ვერ შეგაჩერებთ. დღეს თქვენი საუკეთესო სამკაული ოპტიმიზმია – ის თქვენს ოპონენტებსაც კი მოხიბლავს და გაჩნდება შანსი, რომ მათთან საბოლოოდ დამეგობრდეთ.
ქალწული
ამ დღის სასიამოვნო მოვლენები, პირველ რიგში, პროფესიულ საქმიანობას უკავშირდება, მაგრამ რაიმე სასიამოვნოს პირად ცხოვრებაშიც იპოვით. სამსახურში საქმეებს მშვიდად აგვარებთ და შეხვედრებს პროფესიონალურ დონეზე მართავთ. სირთულეები არც პირად ურთიერთობებში გელით – ერთი გულწრფელი ღიმილი და ნებისმიერი საკითხი თქვენს სასარგებლოდ გადაწყდება.
სასწორი
ამ დღეს მარტოობას და საბუთებთან მუშაობას უნდა მოერიდოთ. ურთიერთობა და ადამიანებთან საერთო ენის გამონახვა ძალიან მარტივია, ამიტომ ხალხმრავლობაში ყოფნა ინტროვერტ სასწორებსაც კი გაუადვილდებათ. სასურველია, საღამო ტელევიზორთან ჯდომის ნაცვლად, მეგობრებთან ერთად გაატაროთ – ტელევიზორი არსად გაგექცევათ.
მორიელი
დროა, საკუთარი მომავალი დაგეგმოთ. ამ დღეს სწორი მიზნების დასახვას და მათ მისაღწევად საუკეთესო სტრატეგიის არჩევას შეძლებთ, დანარჩენი კი ტექნიკის საკითხია. ახლობლების, განსაკუთრებით ქალების რჩევები ძალიან დაგეხმარებათ. დღის ბოლო წვეულებისთვის იდეალური დროა. დაპატიჟეთ სტუმრები და რაიმე უჩვეულო მოაწყვეთ – ეს პარასკევი აუცილებლად დაგამახსოვრდებათ.
მშვილდოსანი
დღეს ბევრ მშვილდოსანს მიზეზი ექნება თქვას -„ხომ გეუბნებოდით?“. თქვენი იდეები და რჩევები, რომლებიც ადრე უარყვეს, ახლა მართებული და წინასწარმეტყველური აღმოჩნდება. წარსული შეიძლება ახლობლებმაც გაიხსენონ, ოღონდ ნეგატიურ ჭრილში. თავის მართლებას ნუ დაიწყებთ. ისე მოიქეცით, თითქოს არაფერი გაგიგიათ.
თხის რქა
რთული ამოცანები, რომლებიც დიდი ხნის წინ თაროზე შემოდეთ და დაივიწყეთ, ამ დღეს შეიძლება ადვილად დაძლიოთ. დაძაბული, მაგრამ ძალიან ნაყოფიერი დღეა. პირადი ურთიერთობები მეორე ადგილზე გადაინაცვლებს, თუმცა ასე დიდხანს ნუ გააგრძელებთ, რაც მთავარია, დასვენება არ დაგავიწყდეთ.
მერწყული
ნაყოფიერი იდეების დროა, მაგრამ ყურადღება იმას მიაქციეთ, რომელიც ფინანსურ წარმატებას გპირდებათ. სამსახურში გარემოებები თქვენს სასარგებლოდ აეწყობა და არც თანამოაზრეების პოვნა გაგიჭირდებათ. დაწყბული საქმე სასურველ შედეგს მოგიტანთ, მაგრამ არც ისე მალე, როგორც თქვენ გინდათ.
თევზები
შოპინგისთვის ხელსაყრელი დღეა – შეძენილი ნივთები ხარისხიანია და დიდხანს მოგემსახურებათ. სამუშაო საკითხების უმეტესობას სწრაფად და წარმატებით გადაჭრით და ისეთ საქმეებს შეეჭიდებით, რომლებსაც სხვები ვერ უმკლავდებიან. გირჩევთ საღამოს სპორტდარბაზს ეწვიოთ – სპორტი ენერგიითაც აგავსებთ და მოულოდნელ ნაცნობობასაც მოგიტანთ.
