- „სოლისტი“
„სოლისტი“ 2009 წლის დრამატული ფილმია, რომლის რეჟისორი ჯო რაიტი გახლავთ. ფილმი დაფუძნებულია ნათანიელ აიერსის ნამდვილ ისტორიაზე, მუსიკოსის ბიოგრაფიაზე, რომელიც შიზოფრენიითაა დაავადებული. ფილმის მთავარი გმირის − ნათანიელის უდიდესი ოცნება უოლტ დისნეის საკონცერტო დარბაზში დაკვრაა.
- „მატჩ პოინტი“
2005 წლის ფილმი „მატჩ პოინტი“ ვუდი ალენის სატირაა. ფილმი მოგვითხრობს ბრიტანული მაღალი კლასის საზოგადოებისა და ჩოგბურთის ახალგაზრდა ინსტრუქტორის შესახებ, რომელიც მუდამ ცდილობს მდიდარი საზოგადოების წევრი გახდეს. როცა ორ ქალს შორის არჩევანი უწევს, მისი ცხოვრება თავდაყირა დგება. ფილმში არაერთხელ ჩანს ლონდონის ულამაზესი ხედები, ერთ-ერთი სცენის უკანა ფონს კი გერკინი ამშვენებს.
- „შეუსრულებელი მისია“
სადაზღვევო სამსახურის გუნდის ლიდერ ითენ ჰანტის წარუმატებელი ოპერაციის შემდეგ, მთავარ გმირს ეჭვი უჩნდება, რომ მის გუნდში ჯაშუშია. მალევე მთავარი ეჭვმიტანილი თავად ითენი ხდება. ფილმი ამ მოვლენების გარშემო ვითარდება. მაყურებლისთვის დაუვიწყარი ერთ-ერთი სცენა ასახავს ბურჯ ხალიფაზე მცოცავ ტომ კრუზს.
- „ბინდი“
სტეფან მეიერის რომანზე დაფუძნებული ამავე სახელწოდების ფილმი „ბინდი“ ბელა სოვონისა და იდუმალებით მოცულ ედვარდ კალენის სიყვარულის ისტორიას მოგვითხრობს. მათი საბედისწერო ურთიერთობა კიდევ უფრო დაუჯერებელი ხდება, როდესაც ბელა აღმოაჩენს, რომ მისი თანაკლასელი ედვარდი 108 წლის ვამპირია. „ბინდის“ მაყურებელი აუცილებლად შეამჩნევს ვამპირებით სავსე ოჯახის არაორდინარულ სახლს, რომელიც სინათლითა და დიდი ფანჯრებითაა სავსე.
- „ინტერნაციონალი“
2009 წლის ფილმი მოგვითხრობს ინტერპოლის აგენტის შესახებ, რომელიც ცდილობს შეებრძოლოს ბანკირს, ვისი დახმარებითაც მსოფლიოს ყველაზე საშინელი კრიმინალური და ტერორისტული დაჯგუფებები შოულობენ ფულს. დროთა განმავლობაში, ფილმის მთავარი გმირი ლუისი სამართალდამცავი ორგანოების სისტემას უპირისპირდება, რომლის ნაწილიც თავადაა. ფილმის ერთ-ერთი დაძაბული სცენა გუგენჰაიმის მუზეუმში ვითარდება.
