ამერიკული სპორტის უდიდეს მუსიკალურ სცენას ახალი გმირი ჰყავს. ჭორების მიუხედავად, 2026 წლის სუპერთასის მთავარი შემსრულებელი Bad Bunny იქნება და არა ტეილორ სვიფტი ან ადელი.
ბედ ბანი 2026 წლის სუპერთასის შესვენების შოუს მთავარი შემსრულებლად ოფიციალურად გამოცხადდა, რომელიც 8 თებერვალს, კალიფორნიის შტატის ქალაქ სანტა კლარაში, Levi’s Stadium-ზე გაიმართება. 31 წლის შემსრულებელმა ამის შესახებ განაცხადება ინსტაგრამზე, თავისი ჰიტის, “Callaita”-ს თანხლებით გაავრცელა.
https://www.instagram.com/reel/DPK0ljxDMWo/?utm_source=ig_web_copy_link
პუერტორიკოელმა მუსიკოსმა, რომლის ნამდვილი სახელია ბენიტო ანტონიო მარტინეს ოკასიო, თავის ემოციურ გამოსვლაში აღნიშნა, რომ ეს შესაძლებლობა პირად მიღწევაზე მეტია.
“ეს ჩემი ხალხისთვის, ჩემი კულტურისა და ჩვენი ისტორიისთვისაა. წადი და უთხარი შენს ბებიას, რომ ჩვენ სუპერთასის შესვენების შოუში ვიქნებით “.
სიახლე პუერტო რიკოში Bad Bunny -ის ანშლაგით დასრულებული კონცერტის შემდეგ გავრცელდა. კონცერტების ეს სერია ისტორიაში შევიდა, როგორც Amazon Music-ის ყველაზე ყურებადი მუსიკალური გადაცემა. ბედ ბანიმ დიდი ხანია დაამტკიცა, რომ შეუძლია სტადიონები გაავსოს და მთელ მსოფლიოში მილიონობით მაყურებელი შეკრიბოს.
ეს სუპერბოულის სცენაზე არტისტის პირველი გამოჩენა არ არის. 2020 წელს ის მაიამიში გამართული ერთობლივი შოუს დროს სცენაზე შაკირასთან და ჯენიფერ ლოპესთან ერთად გამოვიდა.
https://www.instagram.com/reel/DPLYsZ4CIoq/?utm_source=ig_web_copy_link
სუპერბოულის შესვენების შოუს ისტორია ვარსკვლავების მთელ გალერეას მოიცავს პრინციდან და მადონადან დაწყებული, ლედი გაგათი და როლინგ სტოუნზით დამთავრებული. ბოლო წლებში ჰედლაინერებს შორის იყვნენ რიანა (2023), აშერი (2024) და კენდრიკ ლამარი (2025). ახლა ჯერი Bad Bunny-ზეა.
