18 იანვარს წლის პირველ ახალმთვარეობას ვიხილავთ, რომელიც ტრადიციულად, მთვარის ახალ ციკლს ხსნის და მომდევნო ორი კვირის ფონს განსაზღვრავს. ამ პერიოდის ენერგია ცხოვრების სხვადასხვა სფეროზე ახდენს გავლენას, ზოდიაქოს ზოგიერთი ნიშანი კი ცვლილებებს განსაკუთრებით მძაფრად იგრძნობს.
2026 წლის პირველი ახალმთვარეობა 18 იანვარს, თბილისის დროით 23:52-ზე, თხის რქის ნიშანში დადგება.
მთვარის გვერდით მარსი და მერკური იქნებიან, რაც ახალმთვარეობის გავლენას კიდევ უფრო გააძლიერებს. მარსი მებრძოლი და გამარჯვებულია, მერკური კი საკუთარი ქმედებების გააზრებაში გვეხმარება.
იანვრის ახალმთვარეობა მომდევნო ერთი თვის განმავლობაში მინიმალურ ემოციებს, მაქსიმალურს ორგანიზებულობას და ყურადღების კონცენტრაციას უზრუნველყოფს.
ეს ახალმთვარეობა პირადი ურთიერთობებისთვის რთულია პერიოდია და შეიძლება პარტნიორებს შორის გრძნობების გაცივება გამოიწვიოს. ამისთვის მზად უნდა იყოთ და სიტუაცია ხელოვნურად არ უნდა დაამძიმოთ. ამავდროულად, ეს მოვლენა შესანიშნავ შესაძლებლობებს გვთავაზობს ცხოვრების სხვა სფეროებშიც, სადაც წინსვლა და შენება საჭიროა.
მომდევნო ორი კვირის განმავლობაში – 18 იანვრიდან 1 თებერვლამდე (ახალმთვარეობიდან სავსემთვარეობამდე) ამ ენერგიების გავლენით ვიცხოვრებთ.
რისი გაკეთება შეიძლება და რისი არა 2026 წლის იანვრის ახალმთვარეობისას?
ახალმთვარეობისას სასურველია:
სამომავლო მიზნების დასახვა – პირველ დღეებში დაგეგმეთ, ხოლო გადამწყვეტი ნაბიჯები 1-2 დღის შემდეგ გადადგით, როდესაც ახალი მთვარის ენერგია მომძლავრდება.
ზედმეტზე უარის თქმა და მნიშვნელოვანი საქმეებისთვის ადგილის გათავისუფლება – ახლა ამის გაკეთება გაგიადვილდებათ, რადგან თხის რქა თვითშეზღუდვებთანაა დაკავშირებული (კარგი დროა დიეტისთვის).
ახალი წესების შედგენა და ახალ პირობებზე შეთანხმება – ამ დროს ჩვენში „შინაგანი ზრდასრული“ იღვიძებს, ამიტომ მოდუნებისა და სისუსტის დრო არაა.
ოფიციალურ უწყებებთან და სასამართლოსთან დაკავშირებული საკითხების მოგვარება.
შესაძლო სირთულეები
სირთულეები ძირითადად ემოციურ სფეროში იჩენს თავს. მაგალითად, დიდია იმის რისკი, რომ წყვილებმა, რომლებმაც ურთიერთობა ახლახან დაიწყეს, დაბრკოლებებს ვერ გაუძლონ. ბევრი ახალდაწყებული რომანი დასრულდება, ამიტომ მათ, ვინც ახალი პარტნიორი შეიძინა, სჯობს პირადი ცხოვრების მნიშვნელოვანი საკითხების განხილვა სავსემთვარეობის შემდგომი პერიოდისთვის გადადონ, ხოლო იმ წყვილებისთვის, რომლებიც დიდი ხანია ერთად არიან, ეს მშვენიერი შანსია ურთიერთობის ახალ ეტაპზე გადასაყვანად – მაგალითად, ოფიციალური ქორწინებისთვის.
მთლიანობაში, 18 იანვრის ახალმთვარეობა არის დრო, როდესაც სამყარო ახალი ძალით ივსება და მსოფლიოში არსებული ქაოსი ნელ-ნელა წარსულს ბარდება.
რას მოუტანს ახალმთვარეობა ზოდიაქოს ნიშნებს?
რადგან ახალმთვარეობა მიწის სტიქიის ნიშანში ხდება, დადებით გავლენას განსაკუთრებით კუროები, ქალწულები და თხის რქები იგრძნობენ.
კურო
ეს ნიშანი პირდაპირ კავშირშია ფულთან. კუროებს კარგი პერსპექტივები ეხსნებათ ყველგან, სადაც შემოსავლის ზრდასა და კომფორტული პირობების შექმნას ცდილობენ.
ქალწული
ზოდიაქოს ეს ნიშანი სამსახურში, ყოფით ცხოვრებასა თუ ჯანმრთელობის საკითხებში საბოლოოდ წესრიგს დაამყარებს. მისი ორგანიზებულობა ცხოვრების ხარისხს საგრძნობლად აამაღლებს.
თხის რქა
ზოდიაქოს ამ ნიშანს ყველაზე მეტი შესაძლებლობა ექნებათ კარიერული ზრდისთვის. ის მყარი საფუძვლის შექმნას, სტატუსისა და შემოსავლის გაუმჯობესებას შეძლებს.
შედარებით რთული პერიოდი ელით კირჩხიბებს, ვერძებსა და სასწორებს.
კირჩხიბი
მათ შესაძლოა გარკვეული საფრთხეებიც კი შეექმნათ, თუ თავს გარე აგრესიისგან არ დაიცავენ. გამომდინარე იქიდან, რომ კირჩხიბს მთვარე მართავს, ის კი ამ დროს მის საპირისპირო ნიშანში – თხის რქაშია, ბევრმა კირჩხიბმა შესაძლოა, ენერგიის ნაკლებობა იგრძნოს და ექიმსაც კი მიმართოს. ეცადეთ საკუთარი სხეულის მოსმენა ისწავლოთ, რადგან კირჩხიბებისთვის ეს პერიოდი შეიძლება როგორც ფიზიკურად, ისე ფსიქოლოგიურად ტრავმული იყოს.
ვერძებსა და სასწორებს
მრავალი დაბრკოლების გადალახვა მოუწევთ და უფროსების, ძლიერი კონკურენტების თუ სოციალურ ცხოვრებაში მოულოდნელი ცვლილებების გამო შეიძლება თავი დაჩაგრულად იგრძნონ – გვაფრთხილებს ასტროლოგი.
ასევე დაგაინტერესებთ
#OK! ცეცხლოვანი ცხენი – რა უნდა ვიცოდეთ 2026 წლის სიმბოლოზე?
