ჰეილი ბოლდუინისა და ჯასტინ ბიბერის ქორწინება ფანები, რომლებიც მისი და სელენა გომეზის ურთიერთობას გულშემატკივრობდნენ განსაკუთრებით დაამწუხრა. შესაბამისად, წყვილისადმი საზოგადოებრივი ინტერესი განსაკუთრებულად დიდია და ალბათ სწორედ ამიტომ, ბოლო რამდენიმე საათში გამოქვეყნებული ვიდეო, რომელშიც ჯასტინი მეუღლეს უყვირის TikTok-ზე მილიონობით ადამიანმა ნახა.
თუმცაღა გასული კვირის ერთ-ერთ ყველაზე სკანდალურ ვიდეოს დიდი გამოხმაურება მოჰყვა, გამოჩნდნენ ის ადამიანებიც, რომლებმაც მომხდარი ფაქტის რეალური მხარე გაამხილა. როგორც ირკვევა, წყვილი ლას-ვეგასში მდებარე სასტუმროში ჯასტინის ერთ-ერთი პერფორმანსის შემდეგ ბრუნდებოდა, ხელის მოძრაობა კი მხოლოდ და მხოლოდ ადრენალინის გავლენა იყო.
“ის არ უყვიროდა ჰეილის, ეს ყველაფერი ადრენალინი იყო. ნუ ავრცელებთ მცდარ ინფორმაციას მხოლოდ იმიტომ რომ თქვენ ამის გჯერათ,”-დაწერა ერთ-ერთმა ფანმა, რომელიც ინციდენტს შეესწრო.
სწორედ მიმდინარე განხილვების ფონზე, ჰეილიმ სწორედ იმ დღის ფოტო გამოაქვეყნა, როდესაც წყვილმა საღამო ბედნიერად გაატარა და დაწერა რომ მცდარ ნარატივს საზოგადოებამ ყურადღება არ უნდა მიაქციოს.
