თითოეულ ჩვენგანს გვსურს, ვიყოთ გემოვნებიანი და დახვეწილი. ამდენად, მუდმივად სიახლეების ძიების პროცესში ვართ. Imperial Boutique კი გვაძლევს საშუალებას ვიყოთ გამორჩეულები. იგი მაღალ სტანდარტებსა და მომხმარებლის გემოვნებას მორგებული ტანისამოსის მრავალფეროვან არჩევანს სთავაზობს მომხმარებელს. დეტალური ინფორმაციისთვის OK! გაესაუბრა Imperial Boutique-ის სახეს, უმშვენიერეს ქართველ მოდელს ლალი ტოტიკაშვილს.
რა სახის ტანისამოსს სთავაზობს Imperial Boutique მომხმარებელს?
Imperial Boutique-ის წამყვან ხაზს წარმოადგენს კლასიკური ტანისამოსი – შარვლები, პიჯაკები და როგორც სადა, სოლიდური, ისე საღამოს კაბები. აქ აგრეთვე წარმოდგენილია სპორტული ტანისამოსის ფართო არჩევანიც. კოლექცია ყოველ სეზონზე ახლდება.
რა არის ის მთავარი ნიშა, რაც Imperial Boutique–ის ტანისამოსს გამოარჩევს კონკურენტებისგან?
უპირველეს ყოვლისა, მინდა, აღვნიშნო, რომ Imperial Boutique-ის ტანისამოსი მეტად ფერადია. შესაბამისად, მისი ეს თვისება თითოეულ კოლექციას გამორჩეულსა და საინტერესოს ხდის.
გვესაუბრეთ თქვენს დამოკიდებულებასთან დაკავშირებით Imperial Boutique–ის ტანისამოსის შესახებ.
ვინაიდან Imperial Boutique-თან საკმაოდ ხანგრძლივი თანამშრომლობა მაკავშირებს, მის კოლექციებთან ყოველთვის მაქვს შეხება – სარეკლამო კამპანიაში ვიღებ მონაწილეობას. აღნიშნული ბუტიკის კოლექციებიდან ძალიან ბევრი ლუქი მომწონს, განსაკუთრებით კი შარვლები და პიჯაკები. მე პირადად მისი არაერთი ტანისამოსი მაქვს როგორც კლასიკური, ისე სპორტული და მინდა ხაზი გავუსვა, მათ ხარისხსა და კომფორტულობას.
გვესაუბრეთ ტანისამოსის ხარისხისა და ფასის შესახებ.
ტანისამოსი იტალიიდანაა ჩამოტანილი, შესაბამისად, იგი საკმაოდ მაღალი ხარისხისაა. რაც შეეხება ფასებს, ვფიქრობ, რომ აღნიშნული ტანისამოსი ხელმისაწვდომია მომხმარებლებისთვის.
გვესაუბრეთ პანდემიით გამოწვეულ სირთულეებთან დაკავშირებით.
როგორც სრულიად ბიზნეს სექტორისთვის, ისე Imperial Boutique-ისთვისაც პანდემია გარკვეულ სირთულეებთან იყო დაკავშირებული, რადგან მაღაზიები დაიკეტა. თუმცა მან მარტივად შეძლო არსებულ სიტუაციასთან გამკლავება, საქმიანობის ონლაინ გაგრძელება და შეკვეთის ადგილზე მიტანის სერვისის ამოქმედება.
ტექსტი: მარიამ მთივლიშვილი
