„დროფსი“ − პირველი ინტრავენური გადასხმის კლინიკაა საქართველოში, რომელიც ინოვაციურ მიდგომებს ემყარება. გამაჯანსაღებელი ინტრავენური კოქტეილების მეშვეობით, „დროფსს“ სურს საქართველოში გადასხმის პროცედურა ახალი კუთხით წარმოადგინოს, როგორც არა მხოლოდ ალკოჰოლური ინტოქსიკაციის თერაპია, არამედ მრავალი პრობლემის გადაჭრის გზაა − კანის სიმშრალიდან დაწყებული, ქრონიკული დაღლილობით დამთავრებული.
სოფა გოგიბერიძე, ცნობილი პლასტიკური ქირურგის ქალიშვილი, ფსიქოლოგი და „დროფს ველნესის“ თანადამფუძნებელი: „საკუთარი კლინიკის გახსნა ჩემი ცხოვრების ლოგიკური გაგრძელება იყო, რადგან ამ სფეროში გავიზარდე და გავატარე მრავალი წელი. მე და ნატა დიდი ხნის მეგობრები ვართ. დიდხანს გვინდოდა ისეთი რამ მოგვეფიქრებინა, რაც ადამიანების ცხოვრებას უკეთესობისკენ შეცვლიდა. მთავარ მისიადაც ეს გვაქვს დასახული, რომ ჩვენი პაციენტები უფრო ჯანმრთელები და ლამაზები იყვნენ, რაშიც ჩვენი პროცედურები მათ უსათუოდ ეხმარება“.
მინდა გირჩიოთ ორი სასწაულმოქმედი გადასხმა − ბრეინ ტონიკი და პოსტ-ალკო თერაპია.
ბრეინ ტონიკი − კოქტეილი გამოირჩევა უნიკალური ფორმულით, რომელიც გვანიჭებს გონებრივ სიფხიზლეს და გვიუმჯობესებს მეხსიერებასა და კონცენტრაციას. გადატვირთული გრაფიკის გამო, ხშირად გვიჭირს კონცენტრირება და ვუჩივით მეხსიერებას, რასაც ბოლო დროს „მენეჯერების სინდრომსაც“ უწოდებენ. ჩვენი კვალიფიციური ექიმების გუნდი ინდივიდუალურად შეგირჩევთ კურსის ხანგრძლივობას და მის პერიოდულობას.
პოსტ-ალკო − ეს გადასხმა განსაკუთრებით აქტუალურია დღესასწაულების პერიოდში. მოცემული კოქტეილის წყალობით, თქვენ მოგეცემათ საშუალება თავი ალკოჰოლური სასმელებით გაინებივროთ, მოსალოდნელ ნაბახუსევზე ნერვიულობის გარეშე. ეს კოქტეილი აღადგენს ორგანიზმს, ავსებს მას მინერალებით, რომელიც ყველაზე სწრაფად დაგეხმარებათ დაუბრუნდეთ ცხოვრების რიტმს.
ნატა მჭედლიშვილი, „დროფს ველნესის“ თანადამფუძნებელი: „ჩემთვის მთავარი მოტივაცია კმაყოფილი პაციენტები არიან. მეამაყება, რომ პირველები ვართ, რომლებიც ქვეყანაში მსგავს მომსახურებას ვთავაზობთ და ორმაგად სასიამოვნოა ამ პროცესში მონაწილეობის მიღება. ამ ხანმოკლე დროში, რაც „დროფსი“ გავხსენით, უკვე მოვიპოვეთ ნდობა და გვყავს უამრავი ლოიალური პაციენტი, რაც რა თქმა უნდა, ჩვენი პროფესიონალი გუნდის გარეშე წარმოუდგენელი იქნებოდა“.
მინდა გირჩიოთ მეტაბოლიკი (ფეტ ბერნერი) და არაჩვეულებრივი ლაენეკი.
მეტაბოლიკი − ჭარბწონიანობისა და ნივთიერებათა ცვლასთან დაკავშირებული პრობლემები თანამედროვეობის ერთ-ერთი უმთავრესი გამოწვევაა. ეს კოქტეილი ამარტივებს წონაში კლებას, რადგან ააქტიურებს მეტაბოლიზმს, აჯანსაღებს სხეულს და ხელს უწყობს ცხიმების წვას. განსაკუთრებით კარგი შედეგი აქვს გაყინულ წონასთან ბრძოლაში.
ლაენეკი − ამ სასწაულმოქმედი გადასხმის სასიკეთო შედეგი საკუთარ თავზე გამოვცადე, პოსტოპერაციული რეაბილიტაციისას, რის მეშვეობითაც პროცესი მინიმუმ 10 დღით შემცირდა. შედეგი საგრძნობლად შესამჩნევია პირველივე გადასხმის შემდეგ. ეს იაპონური პრეპარატი არის კანის გაახალგაზრდავებისა და ორგანიზმის გაჯანსაღების უნიკალური საშუალება. იგი ზრდის უჯრედებისა და ქსოვილების რეგენერაციის უნარს, აღადგენს ღვიძლის დაზიანებულ უჯრედებს, ამასთან ერთად, ხელს უწყობს მავნე პროდუქტების ორგანიზმიდან გამოყოფას და დეტოქსიკაციას.
ტექსტი: ქეთევან მაჭავარიანი
ფოტო: ალექსეი სეროვი
