ყველა დედისთვის განსაკუთრებული მომენტია, როდესაც ქალიშვილები მათი სამოსით იმშვენებენ თავს, განსაკუთრებით კი მაშინ, როცა საქმე საკულტო და მოგონებებით სავსე ისტორიებს ეხება, როგორიცაა მაგალითად, 56 წლის ამერიკელი მოდელისა და მსახიობის – ბრუკ შილდსის შემთხვევაც.
როგორც მის მიერ სოციალურ ქსელებში გამოქვეყნებული პოსტიდან ირკვევა, მისმა უფროსმა ქალიშვილმა – ფრენსისმა სკოლის გამოსაშვებ საღამოზე დედის საკულტო კაბა მოირგო.
შეგახსენებთ, რომ აღნიშნული კაბა, შილდსმა 1998 წელს გამართული Golden Globe-ის დაჯილდოებაზე მოირგო.
