Swatch-ის საათები დიდი ხანია მოდის მიმდევრებისთვის ფავორიტი აქსესუარია. მისი ხელმისაწვდომი ფასი და ყოველთვის გამორჩეული დიზაინი გულგრილს არავის ტოვებს.
კომპანია 1983 წელს დაარსდა და მას შემდეგ არასდროს დაუკარგავს აქტუალურობა. 2020-ში ბრენდმა წარმოადგინა ბუნებრივი მასალისგან დამზადებული პლასტიკი, რომელიც პირველად სექტემბერში BIORELOADED-ის კოლექციაზე გამოჩნდა.
Swatch-ი ამჯერად გთავაზობთ თავის ინოვაცია BIOCERAMIC-ს, რომელიც დღეისათვის SWATCH NEXT-ის სიახლეა. იგი წარმოადგენს ახალ უნიკალურ ნაზავს, რომლის ორი მესამედი კერამიკაა და ერთი მესამედი ბუნებრივი მასალისგან დამზადებული პლასტიკი.
BIOCERAMIC გვხვდება ხუთ ფერში: კლასიკური შავი და თეთრი, „წლის ფერი“ − ნაცრისფერი, ოპტიმისტური ცისფერი და ახალი, ძლიერი ვარდისფერი. აღსანიშნავია, რომ მისი სამაჯური, მინა და მარყუჟი დამზადებულია ბუნებრივი მასალისგან შექმნილი პლასტიკით.
BIOCERAMIC კიდევ ერთი ეტაპია ბრენდის ინოვაციურ „მოგზაურობაში“. მნიშვნელოვანია ისიც, რომ 2021 წლის ბოლოსთვის ყველა ძირითადი პროდუქტის ხაზი კიდევ უფრო შეისწავლის BIOCERAMIC-ის გამოყენებას.
ახალი კოლექციის პრეზენტაცია ონლაინ გაიმართა და მას OK! საქართველოს წარმომადგენლებიც ესწრებოდნენ.
